ខេត្តស្ទឹងត្រែង៖ ស្នងការដ្ឋាននគរបាលខេត្តស្ទឹងត្រែង នៅព្រឹក ថ្ងៃទី២៥ ខែវិច្ឆិកា ឆ្នាំ២០១៣ បានបើកវគ្គស៊ើប អង្កេតគ្រោះថ្នាក់ចរាចរណ៍ផ្លូវគោក ក្រោមអធិបតីភាពលោកវរសេនីយ៍ឯក ឌៀប ចាន់ធី ស្នងការរង និងជាប្រធាន ការិយាល័យកណ្តាលសណ្តាប់ធ្នាប់និងលោក ហ្គារី វិង ទីប្រឹក្សាសម្របសម្រួលជាន់ខ្ពស់ នគរបាលអូស្ត្រាលីប្រចាំស្ថានទូតអូស្ត្រាលីនៅកម្ពុជា។
លោក អៀន ហ្វូល លេខាទី១នៃនាយនគរបាលសម្របសម្រួលស្ថានទូតអូស្ត្រាលី ជាគ្រូបង្គោលនៅក្នុងវគ្គសិក្សានេះ ដែលមានរយៈពេល២ថ្ងៃ ក្នុងនោះសិក្ខាកាមចូលរួម ៣៥នាក់ មកពីការិយាល័យជំនាញ និងតាមបណ្តាប៉ុស្ត៍រដ្ឋបាល ។លោក ឌៀប ចាន់ធី បានមានប្រសាសន៍ផ្តាំផ្ញើដល់សិក្ខាកាមឲ្យយកចិត្តទុកដាក់ នៅក្នុងវគ្គពិសេសនេះ ដើម្បីក្រេបយកបទពិសោធន៍បង្រៀនផ្នែកស៊ើបអង្កេតផ្នែកចរាចរណ៍នេះផងដែរ។
ដោយ៖ អភិរក្ស