ភ្នំពេញ៖ ពហុកីឡដ្ឋានតេជោមរកតគ្រោងនឹងបើកការដ្ឋានសាងសង់នៅមុនថ្ងៃបុណ្យចូលឆ្នាំខ្មែរ ឆ្នាំរោង ចត្វាស័ក
ព.ស ២៣៥៦ ដែលត្រូវនឹងខែមេសាឆ្នាំ២០១៣នេះ ក្រោមវត្តមានដ៏ខ្ពង់ខ្ពស់របស់សម្តេចអគ្គមហាសេនាបតីតេជោ
ហ៊ុន សែន នាយករដ្ឋមន្រ្តី និងជាចំណងដៃឆ្នាំថ្មីជូនប្រជាពលរដ្ឋកម្ពុជា។
លោក កែប ជុតិមា អភិបាលរាជធានីភ្នំពេញ បានបង្ហើបឲ្យដឹងកាលពីថ្ងៃសុក្រទី១៥ខែមីនានេះថា ពហុកីឡដ្ឋាន
តេជោមរកតគ្រោងនឹងបើកការដ្ឋានសាងសង់នៅមុនថ្ងៃបុណ្យចូលឆ្នាំខ្មែរនេះ ។ លោកថ្លែងដូច្នេះបន្ទាប់ពីបាន
អញ្ជើញចុះត្រួតពិនិត្យ សមិទ្ធិផលនានាលើហេដ្ឋរចនាសម្ព័ន្ធផ្នែកខាងជើងរាជធានីភ្នំពេញជាមួយមន្ដ្រីជំនាញ
ពាក់ព័ន្ធក្រោមឱវាទជាច្រើនរូប ។
ក្នុងដំណើរចុះទៅពិនិត្យការងារកំពុងស្ថាបនានាព្រឹកមិញនេះ ក្រុមការងាររបស់សាលារាជធានីនៅភ្នំពេញ និង
ដៃគូរអភិវឌ្ឍន៍បានចុះទៅពិនិត្យការដ្ឋានស្ថាបនាប្រឡាយមេស្ថានីយបូមទឹក សម្រាប់រំដោះទឹកជំនន់ចេញពី
ប៉ែកខាងជើងរាជធានី ក៏ដូចជាប្រព័ន្ធគមនាគមជាច្រើនកន្លែង និងបានបន្តដំណើរឆ្ពោះទៅពិនិត្យមើលទីតាំង
ដែលគ្រោងនឹងសាងសង់ពហុកីឡដ្ឋានជាតិថ្មីដ៏ធំដែលស្ថិតនៅលើផ្ទៃដីទំហំជាង៨០ហិកតា នៅក្នុងទឹកដី
ខណ្ឌឬស្សីកែវដែលជាដីរបស់លោកឧកញ៉ា លី យ៉ុងផាត់( ខាងកើតស្ពានលីយ៉ុងផាត់)។ដែលគ្រោងនឹង
ចំណាយថវិកាប្រមាណជា២០០លានដុល្លារអាមេរិក ដើម្បីទទួលការប្រកួតកីឡាស៊ីហ្គែមនៅឆ្នាំ២០២០ មុខនេះ ។
លោក កែប ជុតិមា បានមានប្រសាសន៍បន្តថា ក្រុមគណកម្មការសាងសង់ នឹងស្នើសុំមតិយោបល់ននិងការអនុញ្ញាតិ
ដ៏ខ្ពង់ខ្ពស់ពីប្រមុខដឹកនាំគឺសម្តេចនាយករដ្ឋមន្រ្តី ហ៊ុន សែន ដើម្បីបើក ការដ្ឋានស្ថាបនាពហុកីឡដ្ឋានដ៏ធំនេះ
ទុកជាចំណងជូនប្រជាជនកម្ពុជា ក្នុងឱកាសបុណ្យចូលឆ្នាំថ្មីផងនិងជាសមិទ្ធិផលប្រវត្តិសាស្រ្តថ្មីមួយបន្ថែមទៀត
លើសមិទ្ធិផលធំៗជាច្រើនទៀត ។
សូមរំលឹកផងដែរថា ដោយសារស្ថានភាពពហុកីឡដ្ឋានជាតិអូឡាំពិកបច្ចុប្បន្នវាមានសភាពតូចចង្អៀតមិនអាចឆ្លើយ
តបនឹងតម្រូវការនាពេលបច្ចុប្បន្ននឹងទៅអនាគតបាននោះ ទើបរាជរដ្ឋាភិបាលសម្រេចឱ្យគណៈកម្មាធិការរាជធានី
ភ្នំពេញកសាង នូវពហុកីឡដ្ឋានថ្មី ដើម្បីឱ្យសមស្របតាមតម្រូវការ នៃកំណើនរបស់ប្រជាពលរដ្ឋ រួមទាំងការវិវត្ដនៃ
វិស័យកីឡានៅកម្ពុជា ដែលមានភាពរីកចម្រើនគួរឱ្យចាប់អារម្មណ៍ មិនតែប៉ុណ្ណោះនៅឆ្នាំ២០២០ខាងមុខ ប្រទេស
កម្ពុជាក៏អាចក្លាយជាម្ចាស់ផ្ទះ នៃការប្រកួតកីឡាស៊ីហ្គេមផងដែរ ។
ពហុកីឡដ្ឋានថ្មីដ៏ធំនេះ គ្រោងនឹងស្ថាបនាឡើងក្នុងពេលដ៏ខ្លី និងឱ្យបានរួចរាល់នៅមុនឆ្នាំ២០២០ ដែលគណៈ
កម្មាធិការរៀបចំបានគិតឲ្យត្រូវនឹងស្ដង់ដារអន្ដរជាតិ ដូចជានៅពហុកីឡដ្ឋានឥណ្ឌូនេស៊ី ម៉ាឡេស៊ី ថៃ និងឡាវ
ជាដើម។ ដោយគិតតាំងពីបរិស្ថាន បរិយាកាស ទីធ្លា ផ្លូវ និងហេដ្ឋារចនាសម្ព័ន្ធជាច្រើនទៀតនៅជុំវិញនោះផងដែរ ។
ចំពោះទីតាំងអាជ្ញាធរ និងសមាជិកគណៈកម្មាធិការបានឯកភាពគ្នាបានសម្រេចយកតំបន់អភិវឌ្ឍន៍របស់លោក
ឧកញ៉ាលី យ៉ុងផាត់ នៅខាងកើតស្ពានព្រែកព្នៅ ដែលមានផ្ទៃដីធំទូលាយមិននៅឆ្ងាយពីទីក្រុង ឱ្យក្រុមហ៊ុនធ្វើការ
វិនិយោគទៅលើពហុកីឡដ្ឋានជាតិថ្មីដ៏ធំនេះឡើង ។
លោក វ៉ាត់ ចំរើន ប្រធានសហពន្ធ័កីឡាជាតិអូឡាំពិក ធ្លាប់បានឲ្យដឹងពីលក្ខណៈបច្ចេកទេសនៃពហុកីឡដ្ឋានថ្មីនេះ
គឺត្រូវបានស្ថាបនាគូរប្លង់ដោយកូនខ្មែរសុទ្ធិសាធ ហើយស្ថាបយ្យកម្មរចនាម៉ូតជាខ្មែរ ។ ការស្ថាបនានេះទៀតសោត
គឺមានគ្រប់វិស័យ មានភ្លើងគ្រប់គ្រាន់ មានវិស័យកីឡាបាល់ទាត់ កីឡាបាល់បោះ កីឡាបាល់អោប កីឡាបេតង់
អតពកម្ម កីហែលទឹក ដែលត្រូវធ្វើឲ្យមានលក្ខណៈស្ដងដារ អន្ដរជាតិ នឹងអាចដាក់មនុស្សចូលទស្សនាបានប្រមាណ
ជា១០ម៉ឺននាក់ឯណ្ណោះ ៕ ស.ស្អាត