ភ្នំពេញ៖ កំណាត់ផ្លូវថ្នល់កៅស៊ូវ៉េងស្រេងប្រវែងជិត៧គីឡូម៉ែត្រ ទទឹង២២ម៉ែត្រ ចាប់ពីច្រមុះជ្រូកស្ទឹងមានជ័យ រហូតដល់រង្វង់មូលសួនច្បារចោមចៅ ស្ថិតនៅសង្កាត់ស្ទឹងមានជ័យ ខណ្ឌមានជ័យ និងសង្កាត់ចោមចៅ ខណ្ឌពោធិសែនជ័យ ដែលកំពង់រងការខូចខាត ត្រូវសាសារាជធានី និងមន្ទីរសាធារណការ និងដឹកជញ្ជូនរាជធានីភ្នំពេញ ស្ថាបនាឲ្យទៅជាផ្លូវបេតុងឆ្អឹងដែកកំរ៉ាស់ពីរតឹក មានប្រព័ន្ធលូថ្មី ដើម្បីសម្រួលដល់ការធ្វើដំណើររបស់ប្រជាពលរដ្ឋឲ្យមានភាពប្រសើរឡើងវិញនាព្រឹកថ្ងៃទី២១ ខែ វិច្ឆិកា ឆ្នាំ២០១៣ នេះ។
លោក ប៉ា សុជាតិវង្ស អភិបាលរាជធានីភ្នំពេញមានប្រសាសន៏ថាការធ្វើផ្លូវមួយខ្សែប្រកបដោយគុណភាពប្រើប្រាស់បានយូរគឺទាមទាអ្នកធ្វើស្ថិតក្នុងបទដ្ឋានបច្ចេកទេសមួយត្រឹមត្រូវ។ លោកបន្តថាកំណាត់ផ្លូវនេះ បន្ទាប់ពីសា្ថបនារួចពិតជាមានសារៈសំខាន់ សម្រាប់បម្រើឲ្យមន្ដ្រីរាជការ បងប្អូនប្រជាពលរដ្ឋកម្មករោងចក្របានធ្វើដំណើរស្រួល។
.jpg)
លោកអភិបាលរាជធានីភ្នំពេញបានបញ្ចាក់ថា មន្ទីរសាធារណៈការ និងក្រុមហ៊ុនម៉ៅការត្រូវអនុវត្ដក្នុងការស្ថាបនានេះឲ្យមានប្រសិទ្ធភាពឲ្យបានត្រឹមត្រូវម៉ត់ចត់ ទៅតាមបទដ្ឋានបច្ចេកទេសនិងធានាគុណភាពប្រើប្រាស់បានយូរអង្វែង ។ ផ្លូវវេងស្រេង ដែលត្រូវបានវិនិយោគឲ្យក្រុមហ៊ុនឯកជន ដាក់ប៉ុស្តិ៍យកលុយពីឡានដឹកជំនិញ និងឡានកុងតឺន័រ តែមិនបានយកលុយពីរថយន្តគ្រួសារទេ។ ផ្លូវនេះបានរងការខូចខាតយ៉ាងធ្ងន់ធ្ងរ ដោយសារឡានកុងតឺន័រធំៗ បានបើកឆ្លងកាត់យ៉ាងច្រើន។ ផ្លូវក៏តូច ហើយអ្នកលក់ដូរ ពិសេសនៅមុខរោងចក្រកាត់ដេរ លក់នៅលើផ្លូវ បង្កការកកស្ទះគ្រប់ពេល ស្ទើរតែធ្វើដំណើរមិនកើត។
លោក សាំ ពិសិដ្ឋ ប្រធានមន្ទីរសារធារណការនិងដឹកជញ្ជូនរាជធានីភ្នំពេញបានបញ្ចាក់ថា កំណាត់ផ្លូវវ៉េងស្រេងជិត៧គីឡូម៉ែត្រ ទទឹង២២ម៉ែត្រ ស្ថាបនាឲ្យទៅជាផ្លូវបេតុងឆ្អឹងដែក ដែលមានកម្រាស់ពីរតឹកនេះ ចាប់ពីរង្វង់មូលចោមចៅ រហូតមកដល់ស្ថានីយប្រេងសូគីម៉ិចស្ទឹងជ័យ មានសួនច្បារចំកណ្ដាលទ្រូវ ផ្លូវ ស្ថាបនាក្នុងរយៈពេល១៤ខែ គិតចាប់ពីថ្ងៃបើកការដ្ឋាន ដោយក្រុមហ៊ុនភ្នំពេញថូវ៉េ ត្រួតពិនិត្យបច្ចេកទេសដោយមន្ទីរសាធារណការនិងដឹកជញ្ជូនរាជធានីភ្នំពេញ ចំណាយទឹកប្រាក់អស់ចំនួន១០.៥៧៦.០០០ដុល្លារអាម៉េរិក ដែលថវិការបស់សាលាក្រុង៕
ដោយ៖ ស.ស្អាត