ខេត្តបន្ទាយមានជ័យ៖ អាជ្ញាធរខេត្តបន្ទាយមានជ័យបានរៀបចំពិធីប្រគល់ គ្រាប់ធុន១២០អុកចំនួន១គ្រាប់និងគ្រាប់ កូនជ្រូកធុន៨០មមចំនួន១គ្រាប់ ទៅឲ្យអង្គការស៊ីម៉ាកកម្ពុជា ដើម្បីធ្វើការកំទេចចោល ។គ្រាប់ទាំងអស់នេះត្រូវបានប្រជាពលរដ្ឋប្រទះឃើញ កាលពីវេលាម៉ោង៩និង១០នាទីព្រឹកថ្ងៃទី១៨ ខែវិច្ឆិកា ឆ្នាំ២០១៣ នៅភូមិគោកតាឯក ឃុំតាបែន ស្រុកស្វាយចេក ខេត្តបន្ទាយមានជ័យ។ បើតាមប្រភពព័ត៌មាន ពីលោកអធិការរងស្រុកស្វាយចេកបានឲ្យដឹងថា៖ ប្រជាពលរដ្ឋដែលបានប្រទះឃើញគ្រាប់ធុន១២០អុកនិងគ្រាប់កូនជ្រុកធុន៨០មមនេះ ឈ្មោះ ចាយ សុផាត ភេទប្រុស អាយុ៤៧ឆ្នាំ នៅភូមិខាងលើ ហើយបានរាយការណ៍មកសមត្ថកិច្ចមូលដ្ឋាន ដើម្បីមានវិធានការការពារកុំឲ្យមានអ្នកទៅប៉ះពាល់ក្រែងមានគ្រោះថ្នាក់ដោយប្រការណាមួយជាយថាហេតុ។បើតាមការបញ្ជាក់ពីលោកអធិការរងរូបនោះបានឲ្យដឹងថា៖ គ្រាប់នេះប្រជាពលរដ្ឋខាងលើបានប្រទះឃើញក្បែរចម្ការរបស់គាត់រយៈពេល២ឆ្នាំហើយហើយសមត្ថកិច្ចមូលដ្ឋានក៏បានរាយការណ៍ទៅអង្គភាពស៊ីម៉ាក់ដើម្បីមានវិធានការតែខាងមន្ត្រីស៊ីម៉ាក់បាននិយាយថានៅតំបន់វាឆ្ងាយហើយគ្រាប់នោះនៅតែកន្លែងដដែល។នៅព្រឹកថ្ងៃទី១៨ ខែវិច្ឆិកា នេះប្រជាពលរដ្ឋរូបនោះបានរាយការណ៍មកសមត្ថកិច្ចមូលដ្ឋានម្តងទៀតរួចហើសមត្ថកិច្ចនគរបាលបានតេទូរស័ព្ទទៅអង្គភាពស៊ីម៉ាក់ដើម្បីឲ្យចាត់វិធានការតែទូរស័ព្ទមិនចូល។ចំពោះគ្រាប់នោះសមត្ថកិច្ចមូលដ្ឋានបានយកសម្រាស់គ្របការពារហាមមិនឲ្យប្រជាពលរដ្ឋទៅក្បែរនោះក្រែងមានគ្រោះថ្នាក់ដោយរងចាំការទំនាក់ទំនងជាមួយអង្គភាពស៊ីម៉ាក់បន្ថែមទៀតក្នុងការដោះស្រាយយកគ្រាប់យុទ្ធនេះចេញបញ្ចៀសការគ្រោះថ្នាក់ដល់ពលរដ្ឋ៕ ដោយ៖ អភិរក្ស
ដោយ៖ អភិរក្ស