ប្រទេសសូម៉ាលី៖ ក្រុមភ្នាក់ងារសង្រ្គោះបន្ទាន់របស់ប្រទេសសូម៉ាលីបាននិយាយអោយដឹងថា ចំនួនអ្នកស្លាប់
ដោយសារព្យុះស៊ីក្លូនគឺបានឡើងដល់ ១០០នាក់ហើយចំណែកផ្ទះរបស់អ្នកស្រុករាប់ពាន់ខ្នងគឺត្រូវបានបំផ្លិចបំផ្លាញ
ទាំងស្រុង។ មន្រ្តីសន្តិសុខប្រចាំប្រទេសសូម៉ាលីបាននិយាយបន្តទៀតថា អ្នកនេសាទមួយចំនួនគឺត្រូវបានបាត់ខ្លួន។
ក្រុមព្យាករណ៍ឧត្តុនិយមបានិយាយបន្ថែមទៀតថា ព្យុះស៊ីក្លូននេះគឺបានបោកបក់មកលើស្រុកជាច្រើន ដូចជា ស្រុក
Eyl ស្រុក Beyla ស្រុក Dangorayoនិងស្រុក Hafun។ លោក Mohamed Aideed Dirir បាននិយាយថា អគ្គីសនីនិងប្រព័ន្ធ
ទាក់ទងនៅក្នុងតំបន់ ទាំងនោះគឺត្រូវបានកាត់ផ្តាច់ទាំងស្រុង។

លោក Dirir បាននិយាយប្រាប់ភ្នាក់ងារ សារព័ត៌មាន BBCទៀតថា រហូតមកដល់ក្រុមអ្នកផ្តល់ជំនួយជាង១០
ឡានគឺកំពុងតែចុះទៅកាន់កន្លែងកើតហេតុនោះដោយបាននាំយកនូវអំណោយមួយចំនួនដូចជា អាហារហូប
ចុក ទឹកស្អាតនិងមុងភួយជាដើម។ លោក Feisal Kali អគ្គស្នងការរងប្រចាំស្រុក Eylបានប្រាប់ភ្នាក់ងារសារព័ត៌
មាន AFPថា ប្រជាជនជាច្រើននាក់គឺកំពុងតែជួបប្រទះនូវបញ្ហាលំបាកយ៉ាងខ្លាំងនៅក្នុងជីវិតរស់នៅបន្ទាប់ពីខ្យល់
ព្យុះស៊ីក្លូនបានមកដល់តំបន់នេះមកម្លេះ។ ដោយ៖ តុលា