ភ្នំពេញ៖ គណបក្សហ៊្វុនស៊ិនប៉ិច នៅព្រឹកថ្ងៃទី០៧ ខែមេសា នេះបានរៀបចំធ្វើពិធីបុណ្យទក្ខិណានុប្បទាន
និងរាប់បាតព្រះសង្ឃ ៩៩អង្គ ដើម្បីឧទ្ទិសកុសល ជូនដល់នាយទាហាន នាយទាហានរង ពលទាហាន
និងសមាជិក សមាជិការបស់ខ្លួន ដែលបានពលីជីវិត ក្នុងបុព្វហេតុ ជាតិ សាសនា ព្រះមហាក្សត្រ
កាលពីពេលកន្លងទៅ ហើយក៏ដើម្បីឧទ្ធិថ្វាយព្រះវិញ្ញាណខក្ខ័ ព្រះបរមរតនកោដ្ឋ សម្តេចព្រះមហាវិរៈ
ក្សត្រព្រះបាទ នរោត្តម សីហនុ ដែលទ្រង់បានយាងចូលទិវង្គតកាលពីពេលថ្មីកន្លងទៅនេះ។
ពិធីនេះធ្វើឡើងក្រោមការដឹកនាំដោយ សម្តេច ព្រះអនុជនរោត្តម អរុណរស្មី ប្រធានគណបក្ស លោក កែវ
ពុទ្ធរស្មី ប្រធានឧត្តមក្រុមប្រឹក្សាបក្ស និង លោក ញឹក ប៊ុនឆៃ អគ្គលេខាធិការបក្ស និងលោកស្រី ព្រមទាំង
មន្រ្តីថ្នាក់ដឹកនាំរាជរដ្ឋាភិបាល និងមន្រ្តីបក្សជាច្រើនរូបទៀត ។
បុណ្យទក្ខិណានុប្បទាននេះតែងតែធ្វើជារៀងរាល់ឆ្នាំ ហើយឆ្នាំនេះបានធ្វើឡើងនៅគេហដ្ឋានរបស់លោក ញឹក
ប៊ុនឆៃ ផ្ទាល់ក្នុងសង្កាត់ជ្រោយចង្វា ខណ្ឌឬស្សីកែវ រាជធានីភ្នំពេញ និងមានរាំរបាំត្រុតដើម្បីបណ្តេញអ៊ុបទ្រុប
ចង្រៃក្នុងឆ្នាំចាស់ចេញឲ្យអស់ និងរៀបចំខ្លួនសំរាប់ទទួល ទេវតាឆ្នាំថ្មី ។
អគ្គលេខាធិការបក្សហ៊្វុនស៊ិនប៉ិច លោក ញឹក ប៊ុនឆៃ បានថ្លែងប្រាប់ក្រុមអ្នកសារព័ត៌មានក្រោយពិធីនោះថា
កម្មវិធីបុណ្យរាប់បាតដែលមានព្រះសង្ឃចំនួន៩៩អង្គនេះ គឺដើម្បីឧទ្ទិសកុសលផលបុណ្យជូនដល់នាយទា
ហាន ពលទាហាន និងអតីតអ្នកតស៊ូ ទាំងអស់រាប់ពាន់នាក់ ដែលពលីជីវិតក្នុងបុព្វហេតុការពារ ជាតិ
សាសនា ព្រះមហាក្សត្រ និង ក៏ឧទ្ទិសថ្វាយដួងព្រះវិញ្ញាណខក្ខ័ព្រះបរមរតនកោដ្ឋ ដែលព្រះអង្គជាបិតាស្ថាប
និករបស់គណបក្សរាជានិយមហ្វ៊ុនស៊ិនប៉ិចមួយនេះ។
លោក ញឹក ប៊ុនឆៃ បន្តថា ពិធីបុណ្យនេះ គណបក្សតែងតែរៀបចំធ្វើជារៀងរាល់ឆ្នាំ មិនដែលខាននោះទេ
ពិសេសមុនពេលបុណ្យចូលឆ្នាំខ្មែរគឺតែងតែនាំគ្នាប្រារពធ្វើ ។ លោកបញ្ជាក់ថា មួយឆ្នាំយើងធ្វើពីរដងទី១
ធ្វើធំនៅពេលដែលធ្វើនៅបុណ្យភ្ជុំបិណ្ឌ ដែលខ្មែរយើងមានជំនឿថា អ្នកដែលស្លាប់ទៅត្រូវបានយមរាជ
ដោះលែងឲ្យមានសេរីភាព មកជួបជុំកូនចៅ សាច់ញាតិនិងមកទទួលបុណ្យកុសលដែលកូនចៅធ្វើឲ្យ ។
និងលើកទី២ គឺតែងធ្វើមុនពេលបុណ្យចូលឆ្នាំខ្មែរដូចឆ្នាំនេះអីចឹង។
លោក ញឹក ប៊ុនឆៃបានបន្តទៀតថា តាំងពីគណបក្ស ហ៊្វុនស៊ិនប៉ិចបានបង្កើតឡើងដោយស្នាព្រះហស្ថរបស់
ព្រះមហាវិរៈក្សត្រព្រះបាទ នរោត្តម សីហនុ តាំងពីឆ្នាំ១៩៨១មកមានអតីតយុទ្ធជនអ្នកស្នេហាជាតិរបស់
គណបក្សហ៊្វុនស៊ិនប៉ិច ប្រមាណជា៥ពាន់នាក់ដែលបានពលីជីវិត ដើម្បីការពារបូរណភាពទឹកដី និង បុព្វ
ហេតុជាតិ សាសនា ព្រះមហាក្សត្រនៃយើង៕
ដោយ៖សស្អាត