អៀកឡង់ខាងជើង៖ កាលពីយប់ថ្ងៃច័ន្ទម្សិលមិញ ហេតុការណ៍ដ៏ចម្លែកមួយបានកើតឡើង ពោលគឺបុរសម្នាក់
រត់ចេញពីហាងលក់សំលៀកបំពាក់មួយកន្លែងក្នុងតំបន់ Cornmarketនៃទីក្រុង Belfast ទាំងភ្លើងឆេះពេញអាវខាង ស្របពេលហាងមួយកន្លែងនោះត្រួវភ្លើងឆាបឆេះយ៉ាងសន្ធោសន្ធៅ។ មន្រ្តីប៉ូលីសបានសន្និដ្ឋានថា បុរសម្នាក់នោះ គឺជាអ្នកបង្កអគ្គីភ័យក្នុងហាងមួយកន្លែងនោះ។ មន្រ្តីប៉ូលីសបានអោយដឹងទៀតថា អគ្គីភ័យក្នុងហាងកើតហេតុ ខាងលើនេះគឺត្រួវបានពន្លត់រួចរាល់ហើយ បន្ទាប់ពីក្រុមអ្នកពន្លត់អគ្គីភ័យជាច្រើននាក់បានសហការគ្នាអស់រយះ
ពេលជាច្រើនម៉ោងដើម្បីពន្លត់អគ្គីភ័យនោះ។
លោក Nick Pierpoint ដែលជាម្ចាស់ហាងមួយនោះបានអោយដឹងថា គាត់បាន ឃើញបុរសម្នាក់នោះរត់ចេញពី ហាងរបស់គាត់ជាមួយនឹងគ្រាប់បែកភ្លើងនិងមានភ្លើងឆេះពីលើអាវរបស់បុរសម្នាក់នោះទៀតផង។ ម្ចាស់ហាង មួយនោះបានអះអាងថា អគ្គីភ័យមួយនេះគឺបានកើតឡើងនៅវេលាម៉ោង ១៨នឹង៤០នាទីយប់។ មន្រ្តីប៉ូលីសបា
នលើកឡើងថា កាលពីថ្ងៃសុក្រកន្លងមក គ្រាប់បែកមួយគ្រាប់គឺបានបំផ្ទុះឡើងនៅក្នុងតំបន់ Cathedral Quarter ដែលធ្វើអោយប្រជាជនដែលរស់នៅក្បែរកន្លែងកើតហេតុនោះមានការភ័យខ្លាចយ៉ាងខ្លាំង។ គួរបញ្ជាក់ផងដែរថា ចំពោះករណីបំផ្ទុះគ្រាប់បែកទាំង ២ករណីខាងលើនេះគឺមិនបានបណ្តាលអោយនរណាម្នាក់រងរបួសឡើយ។ ដោយ៖ តុលា
