ប្រទេសលីប៊ី៖ កាលពីយប់ម្សិលមិញនៅក្នុងស្រុក Suq al Juma នៃទីក្រុង Tripoli មានការបាញ់បោះមួយយ៉ាងខ្លាំងរវាងកង
ជីវពល ប្រឆាំង របស់លីប៊ីនិងកងសន្តិសុខរបស់រដ្ឋាភិបាល។ នៅក្នុងហេតុការណ៍បាញ់បោះនោះគឺបានបណ្តាលអោយមនុស្ស
ម្នាក់ស្លាប់និងមនុស្សជាង ១០នាក់ទៀតរងរបួសជាទំងន់។ មន្រ្តីប៉ូលីសបាននិយាយអោយដឹងថា ការបាញ់បោះនេះគឺជាការសង
សឹកមួយមកលើរដ្ឋាភិបាលលីប៊ីបន្ទាប់ពីមេដឹកនាំម្នាក់របស់ពួកទាំងអស់នោះត្រូវបានសំលាប់កាលពីថ្ងៃច័ន្ទកន្លងមក។

លោក Khalid Youssef ដែលជាប្រជាជនម្នាក់នៅក្នុងទីក្រុង Tripoliបានប្រាប់អ្នកកាសែតថា នៅពេលមានហេតុការណ៍ កើតឡើងគឺគ្មានកងសន្តិសុខណាមួយចេញមុខមកការពារប្រជាជនស្លូតត្រង់ឡើយតែផ្ទុយទៅវិញគឺមានសុទ្ធតែស្នូគ្រាប់កាំ
ភ្លើងនៅគ្រប់ទីកន្លែងជាពិសេសគឺនៅក្នុងផ្ទះរបស់ពួកគេតែម្តង។ អ្នកផ្តល់ព័ត៌មានបាននិយាយបន្តទៀតថា កាលពីខែមុន លោកនាយករដ្ឋមន្រ្តី Ali Zeidan គឺត្រូវបានកងជីវពលប្រឆាំងចាប់ខ្លួននៅក្នុងទីក្រុង Tripoli។ មន្រ្តីប៉ូលីសបាននិយាយ បន្តទៀតថា រហូតមកដល់ពេលនេះប្រទេសលីប៊ីគឺមិនទាន់មានរដ្ឋធម្មនុញ្ញនៅឡើយទេតាំងតែពីលោក Col Muammar ត្រូវបានបណ្តេញចេញពីដំណែងកាលពី២ឆ្នាំមុនមកម្លេះ។ ដោយ៖ តុលា