ភ្នំពេញ៖ សហភាពអឺរ៉ុប និងកម្ពុជា បានរួមគ្នាប្រយុទ្ធប្រឆាំងទៅនឹងការជួញដូរខុសច្បាប់ និងការប្រើប្រាស់នូវសម្ភារៈនុយក្លេអ៊ែរ និងវិទ្យុសកម្ម នៅចំណុចឆ្លងកាត់ព្រំដែនដែលសំខាន់ៗនៅក្នុងប្រទេសកម្ពុជា។ជាមួយនិងកិច្ចព្រមព្រៀងដែលបានធ្វើឡើង កាលពីថ្ងៃទី៦ ខែវិច្ឆិកា ដោយឯ/ឧ ឱម យ៉ិនទៀង លេខាធិការដ្ឋាន នៃគណៈកម្មាធិការជាតិប្រឆាំងនឹងភេរវកម្ម និងតំណាងឯ/ឧ Jean François Cautain ឯកអគ្គរដ្ឋទូត នៃសហភាពអឺរ៉ុបប្រចាំកម្ពុជាបានឲ្យដឹងថា សហភាពអឺរ៉ុប នឹងផ្តល់ដល់កម្ពុជា នូវគ្រឿងបរិក្ខាស្រាវជ្រាវវិទ្យុសកម្ម និងប្រព័ន្ធទំនាក់ទំនងប្រកាសអាសន្ន ដែលនឹងត្រូវបានដាក់តំឡើង នៅចំណុចឆ្លងកាត់ព្រំដែន ដែលសំខាន់ខ្លាំងគឺផែទន្លេថ្មី នៅរាជធានីភ្នំពេញ និងអាកាសយានដ្ឋានអន្តរជាតិភ្នំពេញ និងសៀមរាប។
ការផ្តល់នេះ និងរួមគ្នាប្រយុទ្ធប្រឆាំងនឹងការជួញដូរខុសច្បាប់ និងការប្រើប្រាស់ដ៏ឧក្រិដ្ឋនូវសម្ភារៈនុយក្លេអ៊ែរ និងវិទ្យុសកម្មផងដែរ។ ឯ/ឧ Jean François Cautain ឯកអគ្គរដ្ឋទូតនៃសហភាពអឺរ៉ុបប្រចាំកម្ពុជា បានមានប្រសាសន៏ថា សហភាពអឺរ៉ុប ប្តេជ្ញាយ៉ាងម៉ឺងម៉ាត់ឲ្យមានពិភពលោកមួយ ប្រកបដោយសុវត្ថិភាព មានសន្តិសុខ និងស្ថិរភាព។
លោកបន្តថា ក្នុងការគាំទ្រដល់ការអនុវត្តសេចក្តីសម្រេចលេខ ១៥៤០ របស់ក្រុមប្រឹក្សាសន្តិសុខអង្គការសហប្រជា ជាតិ លើការរីកសាយអាវុធនុយក្លេអ៊ែរ គីមីសាស្ត្រ វិទ្យុសកម្ម និងជីវសាស្ត្រ និងមធ្យោបាយបញ្ចេញអាវុធទាំងនេះ ដែលជាការគំរាមកំហែងដល់សន្តិភាព អន្តរជាតិ ។
សហភាពអឺរ៉ុប បានភ្ជាប់កិច្ចសហប្រតិបត្តិការរបស់ខ្លួន និងគាំទ្រដល់ប្រទេស ដែលត្រូវការជំនួយសម្រាប់ការស្រាវ ជ្រាវ សម្ភារៈនុយក្លេអ៊ែរ និងវិទ្យុសកម្ម និងការឆ្លើយតបទៅនឹងករណីនៃការជួញដូរខុសច្បាប់នូវសម្ភារៈបែបនេះ។ ឯ/ឧបានបញ្ជាក់ថា គ្រឿងបរិក្ខានេះ នឹងត្រូវបានប្រើប្រាស់ ដើម្បីស្រាវជ្រាវសម្ភារៈនុយក្លេអ៊ែរ និងវិទ្យុសកម្ម សំដៅប្រយុទ្ធប្រឆាំងនឹងការជួញដូរខុសច្បាប់ និងការប្រើប្រាស់ដ៏ឧក្រិដ្ឋនូវសារធាតុបែបនេះ។
ឯ/ឧ ឱម យ៉ិនទៀង បានមានប្រសាសន៏ថា ក្រោយពីពិធីចុះហត្ថលេខានេះ សហភាពអ៊ឺរ៉ុប និងជួយបំពាក់ឧបករណ៍ទំនើបៗ និងបើក វគ្គបណ្តុះបណ្តាលដល់គ្រូបង្គោលកម្ពុជា និងការបណ្តុះបណ្តាល ជំនាញផ្សេងៗទៀតនិងមានដំ ណើរការដោយរលូន។ ឯ/ឧ ឱម យ៉ិនទៀង បានស្នើរឲ្យសហភាពអ៊ឺរ៉ុបបន្តជួយដល់មន្រ្តីកម្ពុជាទាំងសំភារៈ និងវគ្គ បណ្តុះបណ្តាលដើម្បីឲ្យមានសមត្ថភាពឆ្លើយតបចំពោះការប្រើប្រាស់សាធារធាតុវិទ្យុសកម្មនោះ។
ដោយ៖ អភិរក្ស