ភ្នំពេញ៖ ក្រោយជំនួបជាមួយក្រុមការងារគណបក្សប្រជាជនកម្ពុជា នៅព្រឹកថ្ងៃទី០៥ ខែវិច្ឆិកា លោក យឹ​ម សុវណ្ណ អ្នកនាំពាក្យ ​គណបក្សសង្រ្គោះជាតិ បានអះអាង ថា តំណា​ងរាស្រ្ដគណប​ក្សសង្រ្គោះ​ជាតិទាំង៥៥ នឹងមិនចូលរួមប្រជុំសភាដាច់ខាត ប្រសិន​​បើគ្មានដំណោះ​ស្រាយ​ណា​​មួយ​ ចំពោះការទាមទាររបស់គណបក្សប្រឆាំង។អ្នកនាំពាក្យគណបក្សសង្រ្គោះជាតិ​ លោក យឹម ​សុវណ្ណ បានបន្ថែម ថា”ព្រឹកមិញ អត់មា​នកា​រ​ជ​ជែកគ្នា អំពីការប្រជុំសភាទេ ដរាបណាមិនទាន់ មានផែនការសកម្មភាព ច្បាស់​​លាស់ គឺគ​ណ​បក្សសង្រ្គោះជាតិ សូមប្រកាស ជូនសាធារណៈជនថា អត់មានការចូល​ប្រជុំស​ភាដា​ច់​ខា​ត​”។​

បើតាមអ្នកនាំពាក្យ គណបក្សសង្រ្គោះជាតិរូបនេះ គណបក្សនៅតែទាម​ទាររកយុត្ដិ​ធម៌ជូន​ម្ចា​ស់​​​​ឆ្នោតដដែល តាមគ្រប់រូបភាព បូក​​រួម​ទាំងការធ្វើបាតុកម្មបន្ដទៀតផងដែរ។សូមបញ្ជាក់ថា ក្រុមការងារគណបក្សប្រជាជនកម្ពុជា​ចំនួន៥រូប និងគណបក្ស​សង្រ្គោះ​​ជាតិ​​​​ចំ​នួ​ន៥រូប បានជួបពិភាក្សាគ្នារកដំណោះស្រាយ អំពីបញ្ហាជាប់គាំងនយោបាយ។ ជាលទ្ធផល ក្រុមការងារគណបក្សទាំងពីរ​ ប្រកាសបន្ដជួបគ្នាបន្ដទៀត នៅចុងសប្ហាហ៍នេះ។ពាក់ព័ន្ធនឹងការមិនចូលរួមប្រជុំសភារបស់បក្សប្រឆាំងនេះ តំណាងរាស្រ្ដបក្ស​​កាន់​​អំណាច​ តែ​ង​​តែអះអាងថា ដំណើរការរដ្ឋសភានៅតែបន្ដដំណើរការជាធម្មតា បើទោះបីជាគ្មាន​តំ​ណាង​ប​ក្ស​​ប្រឆាំង៥​៥រូប​​ចូល​​រួមក៏ដោយ៕ ដោយ ៖ រតនា