កំពង់ឆ្នាំង៖សមត្ថកិច្ចនគរបាលព្រហ្មទណ្ឌកំរិតស្រាលនៃស្នងការដ្ឋានខេត្តកំពង់ឆ្នាំងបានកសាងសំណុំ
រឿងបញ្ជូនជនសង្ស័យម្នាក់ ទៅតុលាការនាព្រឹកថ្ងៃទី១៤ ខែឧសភា នេះបន្ទាប់ពីចាប់ខ្លួនកាលពីម៉ោង១៩
និង៣០នាទីយប់ថ្ងៃទី១២ខែឧសភានៅក្នុងភូមិស្រែក្រៅឃុំធ្លកវៀនស្រុកសាគ្គីមានជ័យពេលដែលជននេះ
យកក្រដាសប្រាក់១០០ដុល្លារក្លែងក្លាយទៅចាយក្នុងភូមិខាងលើ។
មន្ត្រីនគរបាលព្រហ្មទណ្ឌកំរិតស្រាលបានឲ្យដឹងថាជនសង្ស័យខាងលើឈ្មោះ អ៊ុក ជា អាយុ៣៤ឆ្នាំ មានទី
លំនៅភូមិឈូក ឃុំធ្លកវៀន ស្រុកសាមគ្គីមានជ័យ ។ ជនសង្ស័យរូបនេះកាលពីម៉ោង១៩និង៣០នាទីយប់
បានយកក្រដាសប្រាក់១០០ដុល្លារ ក្លែងក្លាយទៅទិញទឹកក្រូចមួយកំប៉ុងហើយឲ្យគេអាប់លុយ។ ប៉ុន្តែ
ដោយអ្នកលក់មានការសង្ស័យក៏ រាយការណ៍ប្រាប់នគរបាលហើយបានពិនិត្យឃើញ ប្រាក់ដុល្លារក្លែង
ក្លាយមែននិងបានឆែកក្នុងខ្លួនឃើញមានក្រដាសប្រាក់ដុល្លារ ក្លែងក្លាយ១៣សន្លឹក ទៀតសរុបស្មើនឹង
១៤០០ដុល្លារ។
បន្ទាប់ពីឆែកឃើញលុយក្លែងក្លែងបែបនេះនគរបាលមូលដ្ឋានបានបញ្ជូនជនសង្ស័យទៅស្នងការដ្ឋាននគរ
បាលខេត្តតែម្តង។ជនសង្ស័យមិនបានសារភាពតាមត្រង់ទេដែលនគរបាលជឿថាចម្លើយជនសង្ស័យរូបនេះ
មានការលាក់លៀមព្រោះម្តងថាក្មេងរើសបានឲ្យមកខ្លួនម្តងថាលេងល្បែងឈ្នះ។ទោះយ៉ាងណានគរបាល
បានកសាងសំណុំរឿងបញ្ជូនទៅតុលាការពីបទចរាចរប្រាក់ដុល្លារក្លែងក្លាយ៕