ភ្នំពេញ៖ ដើម្បីត្រួសត្រាយផ្លូវមុននឹងឈានដល់ជំនួបថ្នាក់ដឹកនំាកំពូលជាថ្មីរបស់ គណបក្សនយោបាយជាប់ឆ្នោតទាំង២ គឺគណបក្សប្រជាជនកម្ពុជា និងគណបក្សសង្គ្រោះជាតិចំនួន១០រូបបានចូលតុចរចារគ្នានៅព្រឹកថ្ងៃទី៥ខែវិច្ឆិការឆ្នាំ២០១៣នៅវិមានរដ្ឋសភា ។
.jpg)
ក្រុមការងារជំនាញគណបក្សទាំងពីរនេះជួបចរចានិយាយ ពីរបៀបវារៈសំាខាន់ៗចំនូនបីគឺ ៖ ទី១ការរៀបចំគណៈកម្មការស្វែងរកការពិត សម្រាប់ម្ចាស់ឆ្នោតដើម្បីឈានទៅកំណែទម្រង់ការបោះឆ្នោត។ ទី២-គណបក្សសង្គ្រោះជាតិ ទាមទារឲ្យថ្នាក់ដឹកនាំ គ.ជ.ប លាលែងពីតំណែងរបស់ខ្លួន និងទី៣-ទាមទារឲ្យកែទម្រង់ប្រព័ន្ធបោះឆ្នោត តាមអនុសាសន៍របស់អង្គការសហប្រជាជាតិ និងអង្គការសង្គមស៊ីវិល។
.jpg)
សមាសភាពក្រុមការងារជំនាញរបស់គណបក្សប្រជាជនកម្ពុជា ដែលត្រូវជជែកពិភាក្សាជាមួយគណបក្សសង្គ្រោះជាតិចំនួន៥រូប រួមមាន៖ លោក ព្រុំ សុខា រដ្ឋលេខាធិការក្រសួងមហាផ្ទៃលោក សក់ សេដ្ឋា រដ្ឋលេខាធិការក្រសួងមហាផ្ទៃ. លោក កើត រិទ្ធ រដ្ឋលេខាធិការក្រសួងយុត្តិធម៌. លោក សោម សឿន នាយករងខុទ្ទកាល័យរបស់គណបក្សប្រជាជនកម្ពុជានិងលោក ឡេង វី អនុរដ្ឋលេខាធិការក្រសួងមហាផ្ទៃ។
.jpg)
ចំណែកសមាសភាពក្រុមការងារជំនាញ ខាងគណបក្សសង្គ្រោះជាតិ ដែលត្រូវចូលតុចរចា មាន ៖ លោកសុន ឆ័យ សមាជិកគណៈកម្មាធិការអចិន្ត្រៃយ៍. លោក យ៉ែម បុញ្ញឫទ្ធិ អគ្គនាយករដ្ឋបាល. លោក គួយ ប៊ុនរឿន អគ្គនាយករងរដ្ឋបាល. លោកអេង ឆៃអ៊ាង អនុប្រធានគណៈកម្មាធិការនាយក និងលោកយឹម សុវណ្ណ ប្រធានគណៈកម្មាធិការប្រតិបត្តិ។ចំពោះលទ្ធផលនៃកិច្ចពិភាក្សារវាងក្រុមការងារទាំងពីរនេះ នឹងជម្រាបជូនបន្ទាប់ពីកិច្ចពិភាក្សានេះចប់។ ដោយ ៖ សស្អាត