ភ្នំពេញ៖ បើគិតទៅរយៈពេលជាង១០ខែហើយក្នុងឆ្នាំ២០១៣នេះ ជម្ងឺផ្តាសាយបក្សីដែលគេហៅថា (H5N1)បាន សម្លាប់ពលរដ្ឋកម្ពុជាចំនួន១១នាក់ ក្នុងចំណោមជម្ងឺផ្តាសាយបក្សីដែលបានកើតឡើង២២ករណី។ជម្ងឺផ្តាសាយបក្សី (H5N1) បានផ្ទុះឡើងនៅក្នុងប្រទេសកម្ពុជាតាំងពីដើមខែ មករា ឆ្នាំ២០០៥មកម្លេះ។នៅព្រះរាជាណាចក្រកម្ពុជា យើង ជម្ងឺផ្តាសាយបក្សី បានឆ្លងរីករាលដាលយ៉ាងឆាប់រហ័សនៅក្នុងឆ្នាំ២០១៣នេះ ភាគច្រើនកើតមាននៅតាម បណ្តាខេត្តនៅតាមព្រំដែន ដោយសារការបរិភោគសាច់បក្សីដែលឈឺឬងាប់ និងការដឹកសត្វបក្សីឆ្លងពីតំបន់មួយទៅ តំបន់មួយទៀត នេះបើតាមការបញ្ជាក់ពីលោកលី សូវ៉ាន់ អនុប្រធាននាយកដ្ឋានជម្ងឺឆ្លងនៃក្រសួងសុខាភិបាល។
ថ្មីៗនេះដែរ ក្រសួងសុខាភិបាលកម្ពុជា ប្រកាសឲ្យដឹងថា បានរកឃើញករណីផ្តាសាយបក្សីចំនួន១ករណីថ្មី ទៀតដែលមានសញ្ញាវិជ្ជមានវីរុសផ្តាសាយបក្សី H5N1 ក្នុងឆ្នាំនេះ ។ វាជាករណីទី២២ ក្នុងឆ្នាំនេះ និងជាករណីទី ៤៣ដែលឆ្លងវីរុសផ្តាសាយបក្សី។ ៣២ ករណីក្នុងចំណោមករណីផ្តាសាយបក្សីទាំង៤៣ ដែលកើត មានឡើងនៅ ព្រះរាជាណាចក្រកម្ពុជា កើតលើកុមារអាយុក្រោម១៤ឆ្នាំ និង២៦ករណី ក្នុងចំណោមករណីផ្តាសាយបក្សីទាំង៤៣ ជាដាលនៅកម្ពុជាយ៉ាងខ្លាំងក្នុងឆ្នាំនេះ ដោយសារការចល័តបក្សីពីតំបន់មួយទៅតំបន់មួយគ្រប់គ្រងមិនបានល្អ ប្រជាជនទិញបក្សីមកបរិភោគ»។
ដោយឡែកនៅករណីទី២២នេះ បានកើតលើកុមារីអាយុ ៦ឆ្នាំ ដែលមានទីលំនៅក្នុងភូមិរំដួល ឃុំអូររំដួល ស្រុក ភ្នំព្រឹក ខេត្តបាត់ដំបងត្រូវបានបញ្ជាក់ដោយវិទ្យាស្ថានប៉ាស្ទ័រកម្ពុជានៅ ថ្ងៃទី២៤ ខែតុលា ឆ្នាំ២០១៣ថា មានជំងឺ ផ្សាយបក្សីH5N1។ កុមារីនេះចាប់ផ្តើមឈឺនៅថ្ងៃទី១៤ ខែតុលា ឆ្នាំ២០១៣ដោយមានគ្រុនក្តៅនៅថ្ងៃទី១៥ ខែតុលា ឪពុកម្តាយស្វែងរកការព្យាបាលនៅក្នុងភូមិ។ ដោយសារស្ថានភាពសុខភាពកាន់តែធ្ងន់ធ្ងរកុមារីនេះត្រូវបញ្ជូនទៅ មន្ទីរពេទ្យជយវរ្ម័នទី៧ ខេត្តសៀមរាប។ កាលពីថ្ងៃទី១៩ ខែតុលា ឆ្នាំ២០១៣ កុមារីនេះត្រូវបានដាក់ឲ្យសម្រាកពេទ្យ ជយវរ្ម័នទី៧ ដោយមានគ្រុនក្តៅ ក្អក ឈឺពោះ ហៀរសំបោរ ឈឺបំពង់ក និងហត់ វត្ថុវិភាគត្រូវបានប្រមូលពីកុមារី ម្នាក់នោះ នៅថ្ងៃទី២២ ខែតុលា ហើយនៅថ្ងៃទី២៤ ខែតុលាកុមារបានទទួលការព្យាបាលដោយឱសថ(Tamiflu)។ អ្នកជំងឺបច្ចុប្បន្នកំពុងស្ថិតក្នុងស្ថានភាពសង្រ្គោះបន្ទាន់នៅឡើយ។
បើតាមអង្កេតស្រាវជ្រាវដោយក្រុមឆ្លើយតបបន្ទាន់របស់ក្រសួងសុខាភិបាល និងក្រុមការងារសុខភាពសត្វនៃក្រសួង កសិកម្ម រុក្ខាប្រមាញ់ និងនេសាទបានធ្វើការសហការជាមួយគ្នាយ៉ាងជិតស្និទ្ធនៅឯភូមិរំដួល ឃុំអូររំដួល ស្រុកភ្នំព្រឹក ខេត្តបាត់ដំបងរក ឃើញថា ថ្មីនេះមានមាន់ទារងាប់ច្រើននៅ ក្បែរផ្ទះ និងនៅក្នុងភូមិ។
លោកក៏បានស្នើឱ្យឲ្យប្រជាពលរដ្ឋកម្ពុជាទាំងអស់បង្កើនការប្រុងប្រយ័ត្ន ដើម្បីជាវិធីការពារគឺត្រូវលាងដៃជាមួយ សាប៊ូ ឬផេះ នៅមុនពេលបរិភោគ បន្ទាប់ពីប៉ះពាល់ជាមួយបក្សី ដាក់កុមារនៅឆ្ងាយពីសត្វបក្សី ដាក់សត្វបក្សីនៅឱ្យ ឆ្ងាយពីកន្លែងរស់នៅកុំបរិភោគសត្វបក្សីឈឺឬងាប់ និងរាល់សត្វបក្សីដែលធ្វើសំរាប់បរិភោគត្រូវចំអិនអោយឆ្អិនល្អ។ នេះគឺជាវិធីសាស្ត្រមួយចំនួន ដើម្បីបង្ការការឆ្លងជម្ងឺផ្តាសាយបក្សី (H5N1)។ ជាមួយគ្នានោះ បើឃើញមានបក្សីឈឺឬ ងាប់ ត្រូវរាយការណ៍ទៅលេខទូរស័ព្ទទាន់ហេតុការណ៍ឥតគិតថ្លៃ គឺលេខ១១៥ និងលេខ ០១២ ៤៨៨ ៩៨១ និងលេខ ០៨៩ ៦៦៩ ៥៦៧។ គួរបញ្ជាក់ផងដែរថា បើគិតចាប់ពីឆ្នាំ២០០៥ ជំងឺផ្តាសាយបក្សីបានសម្លាប់មនុស្សអស់៣០នាក់ ហើយភាគច្រើនអ្នកឆ្លង និងស្លាប់ដោយជម្ងឺនេះច្រើនតែជាកុមារ។បើតាមរបាយការណ៍របស់នាយកដ្ឋានជំងឺឆ្លងនៃ ក្រសួងសុខាភិបាល បានបង្ហាញឱ្យដឹងថា នេះជាករណីជំងឺផ្តាសាយបក្សីទី២២ នៅកម្ពុជាក្នុងឆ្នាំ២០១៣នេះ។ ក្នុង ចំណោមកុមារ២២ករណីមាន១១នាក់បានស្លាប់ និងជាករណីស្លាប់ទី៣០ក្នុងចំណោមអ្នកឆ្លងជំងឺនេះ ចំនួន៤៥នាក់ ចាប់តាំងពីឆ្នាំ២០០៥មក៕ ដោយ៖ មករា