ខេត្តកំពត ៖ បុរសចំណាស់ម្នាក់ជិះម៉ូតូសង់កូរ៉េបានជ្រុលទៅបុករថយន្តបែនដឹក ដីដែលឡើងចំណោតផ្លូវជាតិបណ្តាលឱ្យរងរបួសធ្ងន់ រួចស្លាប់ភ្លាមៗនៅនឹងកន្លែង កាលពីវេលាម៉ោង៤ និង២០នាទីរសៀល ថ្ងៃទី៣០ មីនា
២០១៣ នៅលើដងផ្លូវជាតិលេខ៣ ភ្នំពេញ-កំពត ត្រង់ចំណុចខាងត្បូងស្ពានស្រះប៉ោងចម្ងាយ៥០ម៉ែត្រ ស្ថិតក្នុង
ភូមិបឹងរោង ឃុំព្រៃឃ្មុំ ស្រុកទឹកឈូ ។
មន្ត្រីនគរបាលចរាចរបានឱ្យដឹងថា ម៉ូតូសង់កូរ៉េដែលជួបហេតុការណ៍គ្រោះថ្នាក់ខាងលើនេះពណ៌ ក្រហម បើក
ដោយឈ្មោះតុប ង៉ោល ភេទប្រុស អាយុ៦០ឆ្នាំ មានទីលំនៅក្នុងភូមិសុវណ្ណសាគរ សង្កាត់កំពង់កណ្តាល ក្រុង
កំពត។ ក្រោយពេលកើតហេតុអ្នកបើកបររថយន្តបែនបានចុះរត់គេចខ្លួន បាត់បន្សល់ទុករថយន្ត និងម៉ូតូរង
គ្រោះនៅកន្លែងកើតហេតុ ៕