ប្រទេសអេស៊ីប៖ កាលពីព្រឹកថ្ងៃពុធនេះ លោក Essam el-Erian ដែលជាមេដឹកនាំរបស់ពួកមូស្ល៊ីមគឺត្រូវបានចាប់ខ្លួន នៅក្នុងផ្ទះល្វែងមួយកន្លែងក្នុងតំបន់ New Cairo។ ដីការចាប់ខ្លួនលោក Erian គឺត្រូវបានធ្វើឡើងតាំងតែពីខែកក្កដាបន្ទាប់
ពីលោកប្រធានាធិបតី Mohamed Morsiត្រូវបានគេបណ្តេញចេញពីដំណែងមកម្លេះ។ ការចាប់ខ្លួនបែបនេះគឺជាចលនា
ចុងក្រោយ របស់រដ្ឋាភិបាលអេស៊ីបដើម្បីបង្រ្កាបលើពួគមូស្ល៊ីមទាំងអស់នោះ។ ភ្នាក់ងារសារព័ត៌មាន Menaបានអោយដឹង
ថា នៅសប្តាហ៍ខាងមុខនេះតុលាការអេស៊ីបនឹងចាប់ផ្តើមកាត់ក្តីលើលោក Erian ព្រមទាំងលោក Morsi និងមន្រ្តីជាច្រើន
រូបទៀត។ ព័ត៌មានក្នុងស្រុកបានអោយដឹងថា លោក Erianគឺជាអនុប្រធានមួយរូបរបស់គណបក្ស Freedom and Justice នៃពួកមូស្ល៊ីម។ លោក Orla Guerin ភ្នាក់ងារសារព័ត៌មាន BBCប្រចាំទីក្រុង Cairoបាននិយាយថា មុនពេលលោក Erian គេចខ្លួនគឺគាត់ធ្លាប់មានឈ្មោះល្បីល្បាញណាស់នៅក្នុងសង្គមមូស្ល៊ីម។ ដោយ៖ តុលា
