ភ្នំពេញ៖ សម្ដេចអគ្គមហាពញាចក្រី ហេងសំរិន ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិ
កម្ពុជាប្រធានកិត្តិយសគណបក្សប្រជាជនកម្ពុជា និងជាប្រធានរដ្ឋសភា បានថ្លែងថា ក្នុងរយៈពេលចុង
ក្រោយនេះមានបងប្អូនជាច្រើននាក់នៅក្នុងគណបក្សដទៃ បានប្តូរឆន្ទៈរបស់ខ្លួនពីគណបក្សផ្សេងមកគាំទ្រ
ផ្ដល់សច្ចធម៌ភាពជូនគណបក្សប្រជាជនកម្ពុជា ក្នុងពេលដែលពួកអមិត្តកំពុងតែមួលបង្កាច់ បំភ្លេចចោល
នូវគុណបំណាច់ នៃបុព្វការីរបស់សង្គមជាតិ គឺរណសិរ្សសាមគ្គី អភិវឌ្ឍន៍មាតុភូមិកម្ពុជា ។
សម្ដេចប្រធាន បានថ្លែងយ៉ាងដូចនេះក្នុងសន្និបាតបូកសរុបការងាររណសិរ្សលើកទី៦ និង ទិសដៅការ
ងារអនុវត្តឆ្នាំបន្ត នាព្រឹកថ្ងៃទី១៨ឧសភាឆ្នាំ២០១៣ នៅសាលសន្និសីទចតុមុខ។ ដែលសន្និបាតនេះក៏មាន
ការចូលរួមពីតំណាងរណសិរ្សក្រសួង មន្ទីរ ស្ថាប័ន រាជធានី ខេត្ត និងតំណាងគ្រប់ស្រទាប់ មានព្រះសង្ឃ
កម្មករ កសិករ បញ្ញវ័ន្ត ជនជាតិ សិល្បករ សិប្បករ យុវជន យុវនារី ទូទាំងប្រទេសប្រមាណជាង១០០០នាក់។
សម្ដេចពញាចក្រី ហេង សំរិន បានថ្លែងបន្តថា ជាការពិតអស់រយៈពេលជាង៣០ឆ្នាំទាំងព្រះសង្ឃ ទាំង
គ្រហស្ថ នៅតែចងចាំមិនភ្លេចនិងដឹងគុណរណសិរ្ស២ធ្នូ ដែលបានរំដោះសង្គ្រោះប្រទេសជាតិ ជីវិតរបស់
គេឲ្យឲ្យរួចចាកផុតពីគ្រោះមហន្តរាយ នៃរបបប្រល័យពូជសាសន៍ ព្រមទាំងបានទទួលស្គាល់នូវការរីកចំ
រើន ថ្មីយ៉ាងឆាប់រហ័សរបស់សង្គមជាតិ ក្រោមការដឹកនាំដ៏ត្រឹមត្រូវរបស់សម្ដេចទាំងបី ដែលជាប្រមុខដឹក
នាំដ៏ឆ្នើមរបស់គណបក្សប្រជាជនកម្ពុជា។ ជាពិសេស សម្ដេចអគ្គមហាសេនាបតីតេជោ ហ៊ុនសែន នាយ
ករដ្ឋមន្ត្រីនៃព្រះរាជាណាចក្រកម្ពុជា គឺជាតួអង្គមួយដ៏សំខាន់នៅនៃប្រវត្តិសាស្ត្រខ្មែរ ក្នុងការដឹកនាំឲ្យ
ប្រទេសជាតិ មានសុខសន្តិភាពពេញលេញ ក្រោមនយោបាយឈ្នះៗ ការកសាង ស្ដារនិងអភិវឌ្ឍន៍
ប្រទេសជាតិមួយពីបាតដៃទទេ ឲ្យមានការរីកចម្រើនលើគ្រប់វិស័យធ្វើឲ្យប្រទេសជាតិមានកេរ្ត៍ឈ្មោះល្បី
រន្ទឺ មានកិត្តិយសមានមុខមាត់ស្មើនឹងបណ្ដាប្រទេសនានា នៅលើសកលលោក ដែលសមិទ្ធិផលធំៗទាំង
នេះ បានដិតដាមក្នុងអារម្មណ៍ ក្នុងដួងចិត្តប្រជាពលរដ្ឋ ក្នុងក្ដីគោរពដឹងគុណចំពោះសម្ដេច ហើយនៅតែ
ស្រឡាញ់រូបសម្ដេច ពេញចិត្តលើរូបសម្ដេច ជឿទុកចិត្តលើរូបសម្ដេច និងនូវតែត្រូវការរូបសម្ដេចគ្រប់
ពេលវេលា ជាពិសេសបំផុតគឺនៅតែប្រកាន់ជំហរឥតងាករេ ដោយបន្តគាំទ្របេក្ខភាព សម្ដេចតេជោ ជា
នាយករដ្ឋមន្ត្រី ក្នុងនីតិកាលទី៥នៃរដ្ឋសភា និងនីតិកាលបន្តបន្ទាប់ទៀត។
សន្និបាតបូកសរុបការងាររណសិរ្សលើកទី៦ ក៏បានដាក់ចេញនូវសេចក្ដីសម្រេចចិត្តដោយបាន ឯកភាព
ចំពោះការអភិវឌ្ឍន៍របស់អង្គការរណសិរ្សសាមគ្គី អភិវឌ្ឍន៍មាតុភូមិកម្ពុជាគ្រប់ថ្នាក់ដែលនឹងអាចឈាន
ទៅរកការរីកចម្រើនរហូតដល់គ្រប់ឃុំ សង្កាត់ ក្នុងទូទាំងប្រទេសដើម្បីកសាងកម្លាំងមហាសាមគ្គី ឯកភាព
ជាតិរឹងមាំ បម្រើបុព្វហេតុនៃការអភិវឌ្ឍន៍សង្គមជាតិ។ អង្គសន្និបាត អបអរសាទរយ៉ាងក្លៀវក្លានូវការរីកច
ម្រើនរបស់ប្រទេសជាតិ មាតុភូមិលើគ្រប់វិស័យរបស់រាជរដ្ឋាភិបាលកម្ពុជា ដោយបានពុំពារការលំបាកឧបសគ្គគ្រប់បែបយ៉ាង តាំងពីដើមរៀងមក ដែលមានសម្ដេចអគ្គមហាសេនាបតីតេជោ ហ៊ុន សែន ជានា
យករដ្ឋមន្ត្រី និងក្រោមការដឹកនាំដ៍ត្រឹមត្រូវរបស់គណបក្សប្រជាជនកម្ពុជា។ អង្គសន្និបាតគាំទ្រពេញទំ
ហឹង ចំពោះកិច្ចខិតខំប្រឹងប្រែងរបស់រាជរដ្ឋាភិបាល ដើម្បីបន្តអនុវត្តឲ្យបានជោគជ័យនូវកម្មវិធីនយោ
បាយយុទ្ធសាស្ត្រចតុកោណដំណាក់កាលទីពីរ និងផែនការយុទ្ធសាស្ត្រអភិវឌ្ឍន៍ជាតិបច្ចុប្បន្នកម្ម ឆ្នាំ
២០០៩ ២០១៣។
អង្គសន្និបាត បានគាំទ្រឥតសំចៃតាមខ្លឹមសាររបាយការណ៍ និងសេចក្ដីសម្រេចចិត្តនាំមហាសន្និបាតវិ
សាមញ្ញតំណាងទូទាំងប្រទេសរបស់គណបក្សប្រជាជនកម្ពុជា សេចក្ដីប្រកាសស្ដីពីកម្មវិធីនយោបាយ
របស់គណបក្សប្រជាជនកម្ពុជា ដើម្បីកសាងនិងកាពារមាតុភូមិ ឆ្នាំ២០១៣ ២០១៨ ដែលបានប្រព្រឹត្តិ
ទៅកាលពីថ្ងៃទី១៦ ១៧ខែមិនាឆ្នាំ២០១៣កន្លងមក និងគោលការណ៍១១ខ របស់គណបក្សប្រជាជន
កម្ពុជា ។ ប្ដេជ្ញាបន្តជ្រោងខ្ពស់ទង់មហាសាគ្គីជាតិ សំដៅប្រមូលផ្ដុំកម្លាំងប្រជាជាតិខ្មែរព្រមទាំងកត្តា
អនុគ្រោះនានាទាំងខាងក្នុងនិងខាងក្រៅប្រទេស ដើម្បីអភិវឌ្ឍន៍មាតុភូមិឲ្យចម្រើនជឿនលឿន សម្បូរ
សប្បាយ ក្នុងសន្តិភាព សេរីភាព ប្រជាធិបតេយ្យ យុត្តិធម៌ និងភាពថ្លៃថ្នូរ។
ជាមួយនេះអង្គសន្និបាតខិតខំបំផុសចលនាមហាជន ប្រជាជនឲ្យគាំទ្រគណបក្សប្រជាជនកម្ពុជាកាន់តែ
ច្រើនឡើងៗ ដោយឥតងាករេនិងត្រូវបំពេញកាតព្វកិច្ចជាពលរដ្ឋល្អ ទៅបោះឆ្នោតទាំងអស់គ្នា និងបោះ
ឆ្នោតជូនគណបក្សប្រជាជនកម្ពុជា ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៥ ដែលនឹង
ប្រព្រឹត្តិទៅនៅថ្ងៃទី២៨ខែកក្កដាឆ្នាំ២០១៣ខាងមុខនេះ។ អង្គសន្និបាត បានអរគុណចំពោះប្រជាជននិង
បណ្ដាសហគមន៍អន្តរជាតិទាំងអស់ ក្នុងសកលលោក ដែលជួយឧបត្ថម្ភគាំទ្រ បុព្វហេតុដ៏យុត្តិធម៌របស់
ប្រជាជនកម្ពុជា ក្នុងការតស៊ូរំដោះ សង្គ្រោះជាតិពីរបបប្រល័យពូជសាសន៍ និងក្នុងការជំនះគ្រប់ឧបសគ្គ
ទាំងឡាយ ដើម្បីស្ដារ និងកសាងប្រទេសជាតិពីបាតដៃទទេ រហូតដល់មានការអភិវឌ្ឍន៍លើគ្រប់វិស័យ ប្រកបដោយសន្តិភាព ការបង្រួបបង្រួមជាតិ និងលទ្ធិប្រជាធិបតេយ្យ រួមទាំងការរឹតចំណងសាមគ្គីភាពរវាងប្រទេសជិតខាង ក្នុងតំបន់ និងនៅលើសកលលោក៕ ដោយ៖ សំអាត