ភ្នំពេញៈ មន្រ្តីហ្វ៊ុនស៊ិនប៉ិច ថ្នាក់មូលដ្ឋានបានចេញមុខច្រានចោលភ្លាមៗចំពោះការលើកឡើងរបស់
ព្រះអង្គម្ចាស់ ស៊ីសុវត្ថិ ធម្មិកោ ដែលថា មានមន្រ្តីហ្វ៊ុនស៊ិនប៉ិចថ្នាក់ក្រោមបានដង្ហែតាមព្រះអង្គទៅចូលរួមជា
គណបក្សសង្គ្រោះជាតិ ដែលជាគណបក្សរួមគ្នារវាងគណបក្ស សម រង្ស៊ី និងគណបក្ស សិទ្ធិមនុស្ស នោះ។
ក្នុងសន្និសីទសារព័ត៌មាននៅរសៀល ថ្ងៃអង្គារ៍ ខែមេសានេះ សមាជិកដែលធ្លាប់ដង្ហែ ព្រះអង្គម្ចាស់ ស៊ីសុវត្ថិ
ធម្មិកោ ដែលអ្នកទាំងនោះមានតួនាទីជាប្រធានប្រតិបត្តិបក្ស ខេត្ត-រាជធានី របស់គណបក្សហ្វ៊ុនស៊ិនប៉ិច ប្រមាណជា១៣រូប នោះបានចេញមុខធ្វើការច្រានចោលទៅនិងបន្ទូលលើកឡើងរបស់ព្រះអង្គម្ចាស់ ស៊ីសុវត្ថិ
ធម្មិកោ ដែលថាមានមន្រ្តីថ្នាក់មូលដ្ឋានរបស់គណបក្សហ្វ៊ុនស៊ិនប៉ិច បានដង្ហែតាមព្រះអង្គ ដើម្បីទៅចុះចូលជា
មួយគណបក្សសង្គ្រោះជាតិ ដែលជាគណបក្សប្រឆាំងនោះ ថាជារឿងមិនពិតទាល់តែសោះ ។
ប្រធានប្រតិបត្តិបក្ស ខេត្តស្វាយរៀង លោក ទឹម ទិដ្ឋាកា បានថ្លែងថា គ្មានមន្រ្តីថ្នាក់មូលដ្ឋានធ្វើការដង្ហែតាម
ព្រះអង្គម្ចាស់ ស៊ីសុវត្ថិ ធម្មិកោ ដើម្បីចូលរួមជាមួយគណបក្សសង្គ្រោះជាតិនោះទេ ហើយអ្វីដែលព្រះអង្គម្ចាស់
ស៊ីវត្ថិ ធម្មិកោ លើកឡើងថា មានមន្រ្តីដែលធ្លាប់ដង្ហែតាមព្រះអង្គ បាននាំគ្នាទៅចូលរួមជាមួយគណបក្ស
សង្គ្រោះជាតិនោះ គឺជារឿងមិនពិតទាល់តែសោះ ។ បើតាមលោក ទឹម ទិដិ្ឋកា បន្ទាប់ពីការយាងចាកចេញ
របស់ព្រះអង្គម្ចាស់ ស៊ីសុវត្ថិ ធម្មិកោ ទៅចូលរួមជាមួយគណបក្សសង្គ្រោះជាតិនោះ សមាជិក សមាជិកា ដែលជាសកម្មជនរបស់គណបក្សហ្វ៊ុនស៊ិនប៉ិច នៅតាមមូលដ្ឋាននោះ គ្មានបានធ្វើការចាកចេញពីគណបក្សដើម្បីទៅចុះចូលជាមួយគណបក្សសង្គ្រោះជាតិនោះទេ ។
លោកបានបន្តថា ពេលនេះគណបក្សហ្វ៊ុនស៊ិនប៉ិច មានការរួបរួមគ្នាហើយ និងមានការជួបជុំជាមួយគ្នាហើយ ដូច្នេះយើងមិនធ្វើដំណើរទៅចូលរួមជាមួយគណបក្សដទៃនោះ គឺយើងនៅតែចូលរួមបម្រើជាមួយគណបក្ស
ហ្វ៊ុនស៊ិនប៉ិច ដើម្បីធ្វើការបង្រួបង្រួមជាតិ និងអភិវឌ្ឍតែប៉ុណ្ណោះ ។
យ៉ាងណាមិញ ប្រធានប្រតិបត្តិបក្សរាជធានីភ្នំពេញ និងជាលេខាផ្ទាល់របស់ព្រះអង្គ ធម្មិកោ លោក អ៊ុន ធារ៉ា ក៏បានធ្វើការច្រានចោលទៅនឹងបន្ទូលរបស់ព្រះអង្គម្ចាស់ ស៊ីសុវត្ថិ ធម្មិកោ ផងដែរ ដោយលោកលើកឡើង
ថា អ្វីដែលព្រះអង្គលើកឡើងថា រាល់បន្ទូលរបស់ព្រះអង្គថាមានមន្រ្តី ហ្វ៊ុនស៊ិនប៉ិចថ្នាក់មូលដ្ឋានដង្ហែតាមព្រះអង្គ ដើម្បីទៅចូលរួមជាគណបក្សសង្គ្រោះជាតិនោះ គឺជារឿងមិនពិត ។
បើតាមមន្រ្តីមូលដ្ឋានរបស់គណបក្សហ្វ៊ុនស៊ិនប៉ិច បានអះអាងថា ការយាងចេញរបស់ព្រះអង្គម្ចាស់
ស៊ីសុវត្ថិ ធម្មិកោ ទៅចូលរួមជាមួយគណបក្សសង្គ្រោះជាតិដែលជាគណបក្សរួមបញ្ចូលគ្នារវាងគណបក្ស
សម រង្ស៊ី និងគណបក្ស សិទ្ធិមនុស្សនោះ គឺមិនមានការរង្គោះរង្គើរអ្វីសោះឡើយដល់សមាជិក សមាជិកា
គណបក្សហ្វ៊ុនស៊ិនប៉ិច នៅតាមមូលដ្ឋាននោះទេ។ ហើយព្រះ អង្គក៏គ្មានឥទ្ធិពលអ្វីនឹងអូសទាញសមាជិក
សមាជិការ ហ្វ៊ុនស៊ីនប៉ិច ដែលស្រលាញ់របបរាជានិយមឲ្យទៅចូលរួមជាមួយគណបក្សប្រឆាំងនោះដែរ ព្រះអង្គស្រង់តែខ្លួនឯងសឹងតែមិន រួចផងមានកម្លាំងអ្វីទៅអូសទាញអ្នកដទៃឲ្យដើរតាមខ្លួននោះ ។ ការលើកឡើងរបស់ព្រះអង្គម្ចាស់ ធមិ្មកោ ក្រោយពេលសមាជនោះ គ្រាន់តែជាជារឺម៉កមួយដើម្បីឲ្យសំដី
ខ្លួនឯងមានទម្ងន់តែប៉ុណ្ណោះ ធាតុពិតជាក់ស្តែងព្រះអង្គទូងទូងប្រហោងធ្លុងដូចស្គ ឬ ឃ្លោកតែប៉ុណ្ណោះឯង ៕
ដោយ៖ សំអាត