ចក្រភពអង់គ្លេស៖ មន្រ្តីប៉ូលីសប្រចាំចក្រភពបានអោយដឹងថា មនុស្ស ៤នាក់ស្លាប់បន្ទាប់ពីមានខ្យល់ព្យុះមួយបោកបក់
នៅភាគខាងត្បូងនៃចក្រភពអង់គ្លេស។ មន្រ្តីប៉ូលីសដដែលបានបន្តទៀតថា ក្មេងជំទង់ម្នាក់នៅក្នុងទីក្រុង Kent និងបុរស
ម្នាក់ទៀតនៅក្នុងទីក្រុង Watford បានស្លាប់បន្ទាប់ពីដើមឈើមួយដើមបានដួលរលំកិនបពីលើពួកគេ។ គាត់បានបន្តទៀត
ថាបុរសម្នាក់និងស្រ្តីម្នាក់បានស្លាប់បន្ទាប់ពីដើមឈើមួយដ៏ធំបានដួលរលំលើផ្ទះរបស់ពួកគេដែលបណ្តាលអោយធុងហ្គាស
មួយនៅក្នុងផ្ទះនោះបានផ្ទុះឡើងយ៉ាងខ្លាំង។
ប្រភពព័ត៌មានក្នុងស្រុកបានអោយដឹងថា ផ្ទះអ្នកស្រុកជាង ៦២៥០០០ខ្នងគឺគ្មានអគ្គីសនី ប្រើប្រាស់ចំណែកក្រុមហ៊ុន ស្ថានីយ៍រថភ្លើងជាច្រើនកន្លែងត្រូវបានផ្អាកជាបណ្តោះអាសន្ន។ មន្រ្តីប៉ូលីសបានបន្ថែមទៀតថា ជើងហោះហើរនិងការ
ដឹកជញ្ជូន មួយចំនួនត្រូវបានលុបចោល។ ក្រុមអ្នកព្យាករណ៍ប្រចាំចក្រភពអង់គ្លេសបានអោយដឹងទៀតថា ខ្យល់ព្យុះ
នេះបាន បោកបក់លើតំបន់នេះតាំងតែពីថ្ងៃអាទិត្យមកម្លេះជាមួយនឹងល្បឿន ១១២គីឡូម៉ែតក្នុងមួយម៉ោង។
ដោយ៖ តុលា
