ភ្នំពេញ៖គណបក្សសង្រ្គោះជាតិ បានចាប់ផ្តើមដំណើរ​ការមហាបាតុកម្មលើកទី៣របស់ខ្លួនដែលមាន រយៈពេល៣ថ្ងៃនៅលើទីលានប្រជាធិប​ ​តេយ្យក្នុងសង្កាត់វត្តភ្នំ ខណ្ឌដូនពេញជិតស្ថានទូតអាម៉េរិក នៅព្រឹកថ្ងៃទី២៣ ខែតុលា ឆ្នាំ២០១៣នេះ។បើតាមមន្រ្តីគណបក្ស​សង្រ្គោះជាតិបាន​​ឲ្យ​​ដឹង​ថា ក្រៅពីការជួបជុំសម្តែងមតិលើទីលាន​ប្រជាធិប​តេយ្យ​ហើយនោះក៏មានដង្ហែងក្បួនយកញត្តិទៅដាក់តាមបណ្តាស្ថានទូត និងការិយា​​ល័យ​​​ឧត្តម​ស្នងការ​អង្គការសហប្រជាជាតិផងដែរ។លោក ហូ វណ្ណ មន្រ្តីជាន់ខ្ពស់គណបក្សសង្រ្គោះជាតិបានឲ្យដឹងថា ក្រៅពីការជួប​ជុំនៅ​ទី​​លាន​​​ប្រ​ជា​​ធិបតេយ្យនៅវេលាម៉ោង៣រសៀល មានការដង្ហែក្បួនចេញពីទីលានប្រជាធិបតេយ្យហើយនៅ​ម៉ោង​៤ និង៣០នាទីក្បួននឹងទៅដល់​​អង្គ​ការសហ​ប្រ​ជាជាតិ​((((((9999(((((((( ការិយាល័យឧត្តមស្នងការសហប្រជា​ជាតិ​ទទួលបន្ទុកសិទ្ធិមនុស្សប្រចាំកម្ពុជា ដើម្បីដាក់ញត្តិ ។​​

រហូតមកដល់វេលាម៉ោង៨ និង៣៣នាទីព្រឹកនេះ ក្រុមបាតុករកំពុងធ្វើដំណើរចូលទីលានប្រជា​ធិ​បតេយ្យបណ្តើរៗខណៈដែលលោក សម រង្ស៊ី​ ​
និង លោក កឹម សុខា កំពុង​រៀបចំធ្វើសន្និសីទ​ព័ត៌មាន​នៅ​ទីស្នាក់ការរបស់ខ្លួន នៅសង្កាត់ចាក់អង្រែក្រោមខណ្ឌមានជ័យ។ ក្រោយពេលបញ្ចប់​​​សន្និ​សីទ​​​នោះ លោក សម រង្ស៊ី និង លោក កឹម សុខា នឹ​ងដឹកនាំសកម្មជនរបស់ខ្លួនមកដឹកនាំមហាបាតុក​នៅ​លើ​ទីលាន​ប្រជាធិបតេយ្យ ។​​

លោក ហូ វណ្ណ បានបញ្ជាក់បន្ថែមថា ការដង្ហែក្បួននេះ អ្នកចូលរួម ៥ពាន់នាក់ ដោយឡែក​ការ​ដាក់ញត្តិនៅតាមស្ថានទូតនានាវិញ​នឹងធ្វើការរង់​ចាំ​​​យ៉ាង​យូរយៈពេល ១ម៉ោង ហើយនិងចាកចេញ​ទៅ​វិញ ប្រសិនស្ថានទូតខ្លះមិនព្រមទទួលយកញត្តិ។មហាបាតុកម្ម​នេះបានធ្វើការ​ទាមទារ​ឱ្យរាជ​​រដ្ឋា​ភិបាល អនុវត្ដកិច្ចព្រមព្រៀងទីក្រុងប៉ារីស ថ្ងៃទី​២៣ ខែតុលា ឆ្នាំ១៩៩១ ឱ្យបានពេញលេញ ព្រមទាំងធានាឱ្យមានការគោរពសិទ្ឋធិ​មនុស្ស ​និង​​អ​នុវត្ដឱ្យ​បាន​ត្រឹមត្រូវតាមគោលការណ៍ប្រជាធិបតេយ្យសេរីពហុបក្សដូចមានចែងនៅក្នុងរដ្ឋធម្មនុញ្ញ នៃ​ព្រះ​រាជាណាចក្រកម្ពុជា។ជា​មួយ​គ្នា​​នេះក៏ដើម្បីទាមទារស្វែងរកយុត្ដិធម៌ជូនប្រជាពលរដ្ឋជាម្ចាស់ឆ្នោតពាក់ ព័ន្ធភាពមិនប្រក្រតី នៃការបោះឆ្នោតជ្រើសរើសតំណាងរាស្ដ្រ នីតិកាល​ទី​​៥ ទាមទារឱ្យមានការធានាយុត្ដិធម៌ជូនម្ចាស់ឆ្នោតនាពេលអនាគតទាមទារឱ្យមានការបង្កើតយន្ដការមួយជឿជាក់ផងដែរ ។​

បើទោះបីជាយ៉ាងណាក៏ដោយ គណបក្សសង្គ្រោះជាតិ បានប្រកាន់នូវជំហរជាថ្មីថែមទៀតថា ការធ្វើមហាបាតុកម្មនៅ ថ្ងៃទី២៣-២៥ខែ តុលា ឆ្នាំ​​ ​​២០១៣ និងប្រព្រឹត្ដទៅដោយសន្ដិវិធី និងអហិង្សា និងអំពាវនាវដល់បងប្អូនប្រជាពលរដ្ឋ ដែលចូលរួមធ្វើមហាបាតុកម្មទាំងអស់ ត្រូវរក្សាឱ្យ​បាន​​​​​​ ខ្ជាប់​ខ្ជួន នូវក្រមសីលធម៌ដើម្បី ធានាដល់ដំណើរការ មហាបាតុកម្មឱ្យប្រកបដោយសន្ដិវិធី និងគ្មានអំពើហិង្សា។ដើម្បីរក្សាបាននូវសណ្តាប់ធ្នាប់​​​​ សាធារណៈគណបក្សប្រឆាំងមួយនេះក៏បានធ្វើការអំពាវនាវ​ឱ្យ​អាជ្ញាធរមានសមត្ថកិច្ច ត្រូវចូលរួមទទួលខុសត្រូវឱ្យ​បានពេញលេញក្នុងការ​​​​ដោះ​​ ស្រាយបញ្ហានានាជាមួយប្រជាពលរដ្ឋ ឬ បាតុករ ប្រកបដោយសន្ដិវិធីជៀសវាងការ ប្រើអំពើហិង្សា ដោះស្រាយ បញ្ហា​ប្រឈម ទាំង​ឡាយ​​​​​ដែល​​​​ អាចកើតមានជាយថាហេតុ ក្នុងអំឡុងពេលនៃការធ្វើមហាបាតុកម្ម។ គណ​បក្សសង្គ្រោះជាតិ ថែមទាំងបានអំពាវនាវដល់អាជ្ញាធរ​មា​ន​​​​​សមត្ថ​​កិច្ច​​ ស៊ើបអង្កេតឱ្យបានត្រឹមត្រូវនិងចាត់វិធានការឱ្យបានច្បាស់លាស់ចំពោះជនខិលខូច និង ជនឱកាសនិយមទាំងឡាយដែលឆ្លៀត​​ឱកាស​​បង្ក   បញ្ហា ឬចលាចលផ្សេងៗក្នុងហាបាតុកម្ម ។ ដោយ៖ អភិរក្ស​​​​