ខេត្តបន្ទាយមានជ័យ ៖ អាជ្ញាធរស្រុកភ្នំស្រុក ខេត្តបន្ទាយមានជ័យកាលពីព្រឹកថ្ងៃទី២០ ខែវិច្ឆិកា ឆ្នាំ២០១៣ បានចាត់វិធានការរុះរើតូប អាជីវករយក ចិញ្ចើមថ្នល់ធ្វើអាជីវកម្មបង្ក ភាពអាណា ធិបតេយ្យ ធ្វើឲ្យអ្នកភូមិមួយចំនួនកើតភាពក្តៅ ក្រហាយរកតែផ្លូវធ្វើដំណើរ ចេញ ចូលស្ទើរពុំបានក្នុងការដឹកដំណាំកសិផលនិងបន្ទាប់ពីប្រជាពលរដ្ឋបានដាក់ពាក្យប្តឹង និងសុំធ្វើបាតុកម្ម ទៅអាជ្ញាធរស្រុកភ្នំស្រុក ឲ្យអាជ្ញាធរជួយសម្រួសផ្លូវធ្វើដំណើរ។ ការចាត់វិធានការទៅលើក្រុមអាជីវករសង់តូបលក់អីវ៉ាន់បង្កភាពអាណាធិបតេយ្យ ធ្វើឡើងនៅចំណុច ភូមិ ស្រះឈូកឃុំស្រះជីក ស្រុកភ្នំស្រុក ។
លោក សេង គី អភិបាលស្រុកភ្នំស្រុក បានប្រាប់ឲ្យដឹងថា៖ មុននិងអាជ្ញាធរមានវិធានការ ទៅលើអាជីវកម្មនៅចំណុចខាងលើគឺអាជ្ញាធរស្រុក បានជូនដំណឹងដាកឱសាន វាទដល់បងប្អូនពីរខែមុនរួចមកហើយ ដើម្បីឲ្យពួកគាត់រើ ដោយខ្លួនឯង។លុះដល់ថ្ងៃកំណត់នៅព្រឹកមិញនេះមិនមានអាជីវករណាម្នាក់រុះរើតាមការជូនដំណឹងរបស់អាជ្ញាធរនោះឡើយ ទើប នៅព្រឹកមិញនេះអាជ្ញាធរស្រុករួមនិង សមត្តកិច្ចបានចុះទៅ រុះរើតូបអាជីវករទាំងនោះ។ក្នុងនោះក៏មានប្រជាពល រដ្ឋមួយ ចំនួនឈឺឆ្អាលរឿងនេះ បានចូលរួមជួយរុះរើ នោះ ដែរ។
លោកបានបន្តឲ្យដឹងទៀតថា៖ការរុះរើតូបអាជីវករខាងលើនៅព្រឹកមិញនេះ មិន មានការតវ៉ានិងប៉ះដង្គិចពីសំណាក់ពួកគាត់ជាមួយនិងសមត្តកិច្ចនោះទេ ហើយអា ជ្ញាធរស្រុកក៏ដោះស្រាយរក កន្លែង ទីតាំងសមរម្យឲ្យបងប្អូនប្រកប មុខរបរបន្តទៀត នោះផងដែរ។ លោកបានបញ្ជាក់ឲ្យដឹងទៀតថា៖នៅលើកំណាត់ ផ្លូវមួយនេះកន្លងមក មានកកស្ទះចរាចរណ៍ស្ទើររាល់ថ្ងៃប្រជាពលរដ្ឋធ្វើដំណើរឆ្លងកាត់ និងដឹកដំណាំ កសិផលពឹងអាស្រ័យនៅលើផ្លូវមួយនេះមានការលំបាកនិងកើតចេញការក្តៅក្រហាយ ហើយប្រជា ពលរដ្ឋក្នុងភូមិឈូកកើតក៏ធ្លាប់ដាក់ពាក្យ ប្តឹងមកអាជ្ញាធរឲ្យ ជួយសម្រួល ចរាចរណ៍ដើម្បីឲ្យបងប្អូនធ្វើដំណើរបានងាយស្រូលផងដែរ។ពាក់ព័ន្ធការចុះរុះរើតូបលក់អីវ៉ាន់អាជីវករខាងលើ បើតាមប្រភពព័ត៌មានពី សមត្តកិច្ចស្រុកភ្នំស្រុកបានបញ្ជាក់ថា៖បន្ទាប់ពីការរុះរើរួចមានអាជីវករម្នាក់បាន មកដាក់ពាក្យប្តឹង មកសមត្តកិច្ចថារូបគាត់បានបាត់ក្រវិលម្ខាងនិងប្រាក់បាតថៃ៥ពាន់ បាត ដោយមានមនុស្សបន្លំចូលលួចហើយ ពាក់ព័ន្ធនិងពាក្យ បណ្តឹងនេះ សមត្តកិច្ចកំពុងតែស្រាវជ្រាវរកមុខសញ្ញាជនបន្លំឆ្លៀតឱកាសដើម្បីចាប់យកមកផ្តន្ទា ទោសតាមផ្លូវច្បាប់៕
%20of%20New-Picture-1-20-November-2013-15-53-49-8085.jpg)
ដោយ៖ អភិរក្ស