ភ្នំពេញ៖ ប្រធានគណបក្សសង្រ្គោជាតិលោក សម រង្ស៊ីបានបញ្ជាក់ ថា តំណាងរាស្រ្ដជាប់ឆ្នោតរបស់គណបក្សសង្រ្គោះជាតិទាំង៥៥រូប នៅតែមិនចូលរួមប្រជុំសភាឡើយ ប្រសិនជាមិនទាន់រកដំណោះស្រាយពីភាពមិនប្រក្រតី នៃការបោះឆ្នោតនោះ ហើយប្រសិនបើមាន ការចចារ ជាមួយគណបក្សប្រជាជនកម្ពុជា គឺចចារបង្កើតគណៈកម្មការស៊ើបអង្កេតភាពមិនប្រក្រតី នៃការបោះឆ្នោត ។
លោក សម រង្ស៊ី បានធ្វើដំណើរនិវត្តន៍ មកដល់មាតុប្រទេសវិញហើយ នៅព្រឹកម៉ោង៩ ថ្ងៃទី២២ ខែតុលាឆ្នាំ២០១៣នេះ បន្ទាប់ពីបានបំពេញទស្សនកិច្ច នៅក្រៅប្រទេសរយៈពេលជាងពីរសប្ហាហ៍មកហើយ។លោក សម រង្ស៊ី ប្រធានគណបក្សសង្រ្គោះជាតិ បានថ្លែងប្រាប់អ្នកកាសែត ថា”អត់ទេ ដរាបណា មិនទាន់មានការស្រាវជ្រាវរកការពិតឃើញ ឲ្យបានត្រឹមត្រូវ យើងនៅតែមិនចូលរួមប្រជុំសភាដដែល ហើយនៅថ្ងៃស្អែកនេះ យើងនឹងធ្វើបាតុកម្មដ៏ធំមួយ” ។
.JPG)
ជាមួយគ្នានេះ លោក សម រង្ស៊ី បានប្រកាសនូវជំហរដឹកនាំមហាបាតុកម្មរយៈពេល៣ថ្ងៃនៅថ្ងៃទី២៣ដល់ថ្ងៃទី
២៥ខខែតុលាឆ្នាំ២០១៣នៅទីលានប្រជាធិបតេយ្យនិងការដើរហែក្បួនដូចការគ្រោងទុកផងដែរប្រធានគណបក្សសង្រ្គោះជាតិ លោក សម រង្ស៊ី បានចាកចេញពីប្រទេសកម្ពុជា កាលពីថ្ងៃទី០៦ ខែតុលា ដើម្បីទៅកាន់ទ្វីបអឺរ៉ុប សហរដ្ឋអាមេរិក អង្គការសហប្រជាជាតិ និងស្ថាប័នអន្តរជាតិមួយចំនួនទៀត ដើម្បីស្វែងការគាំទ្រពីសហគមន៍អន្ដរជាតិទាំងនោះជួយដោះស្រាយបញ្ហាវិបត្ដិនយោបាយ នៅកម្ពុជា ។
គួរបញ្ជាក់ថា គណបក្សសង្គ្រោះជាតិគ្រោងធ្វើមហាបាតុកម្មលើកទី៣រយៈពេលបីថ្ងៃចាប់ពីថ្ងៃទី២៣ដល់ថ្ងៃទី២៥ខែតុលា ហើយគណបក្សគ្រោងដង្ហែក្បួនដើម្បីយកញត្តិភ្ជាប់ស្នាមមេដៃប្រជាពលរដ្ឋដាក់ជូនអង្គការសហប្រជាជាតិនិងស្ថានទូតនៃប្រទេសភាគីហត្ថលេខីនៃកិច្ចព្រមព្រៀងទីក្រុងប៉ារីសក្នុងបំណងស្នើឲ្យដោះស្រាយបញ្ហាបោះឆ្នោតនៅកម្ពុជា ៕ ដោយ៖ រតនា