ប្រទេសប្រេស៊ីល៖ មន្រ្តីប៉ូលីសបានអោយដឹងថាអគ្គីភ័យក្នុងកំពង់ផែ Santos ប្រទេសប្រេស៊ីលបាន
បំផ្លិច បំផ្លាញឃ្លាំងស្តុកស្ករ ៦កន្លែង។ លោកបានបន្តទៀតថាស្ករជាង ១៨០០០០ តោនត្រូវបានឆេះ
ខ្ទេច។ អាជ្ញាធរ ប្រចាំកំពង់ផែ Santos បាននិយាយថាពួកយើងបានចំនាយពេលជាង ៦ម៉ោងដើម្បីពន្លត់ អគ្គីភ័យនោះចំនែកមូលហេតុនៃអគ្គីភ័យនោះគឺមិនទាន់បានដឹងនៅឡើយទេ។ ប្រទេសប្រេស៊ីលគឺ
ជាប្រទេសដែលនាំចេញស្ករច្រើនជាងគេបំផុតក្នុងពិភពលោក។
អគ្គីភ័យនេះគឺជាគ្រោះមហន្តរាយមួយដែលមិនធ្លាប់មានពីមុនមកក្នុងកំពង់ផែនេះ។ អជ្ញាធរប្រចាំកំពង់
Santos បានបន្តទៀតថាឃ្លាំងស្តុកស្ករ៤កន្លែងផ្សេងទៀតគឺកំពុងតែដំណើការជាធម្មតា។ ក្រុមអ្នកវិភាគ បានអោយបាននិយាថាប្រទេសប្រេស៊ីលមានកំពុងផែគ្រប់គ្រាន់ដើម្បីបន្តការនាំចេញស្កររបស់ខ្លួនបើ
ទោះបីជាមានអគ្គីភ័យកើតឡើងក៏ដោយ។ លោក Plinio Nastari អ្នកវិភាគទីផ្សារនាំចេញស្ករបានប្រាប់
កាសែត Folha de soa Paulo ថាអ្នកទីផ្សារអន្តរជាតិភាគច្រើនមានការព្រួយបារម្ភយ៉ាងខ្លាំងពីបញ្ហានេះ
ពីព្រោះបញ្ហានេះនឹងបង្កអោយមានការធ្លាក់ចុះជាបណ្តោះអាសន្ន។
តំលៃស្ករនៅក្នុងទីក្រុង New York បានឡើងដល់ ៦%បន្ទាប់ពីមានអគ្គីភ័យកើតឡើងក្នុងកំពង់ផែ
នោះមក។ អាជ្ញាធរកំពង់ផែ Santos បានបន្តទៀតថា អគ្គីភ័យនោះបានកើតឡើងប្រហែលជាម៉ោង
៦:០០ ម៉ោងនៅក្នុងស្រុក។ លោកបានប្រាប់អោយដឹងថាកំពង់ផែ Santos បាននាំចេញស្ករប្រហែល
ជា ១២.៨លានតោនប៉ុណ្ណោះក្នុង ៨ខែដំបូងនៃឆ្នាំនេះ។ ដោយ៖ តុលា