ភ្នំពេញៈសេដាកបានអះអាងថា ស្ត្រីជាកម្លាំងចលករដ៍មានសារៈសំខាន់ក្នុងវិស័យកសិកម្ម ដែលទាមទារគ្រប់អ្នកពាក់ព័ន្ធទាំងអស់ ត្រូវលើកកម្ពស់ ព្រោះស្ត្រីជាកម្លាំងផលិតស្បៀង និងរួមចំណែកក្នុងការអភិវឌ្ឍសេដ្ឋកិច្ច ខណៈដែលបណ្តាស្ថាប័នមួយចំនួនមិនមាន ការចាប់ អារម្មណ៍ស្រី្តក្នុងវិស័យនេះ។នេះជាការលើកឡើងរបស់លោកបណ្ឌិត យ៉ង សាំងកុមារ ប្រធានមជ្ឍមណ្ឌលសិក្សា និងអភិវឌ្ឍន៍កសិកម្មកម្ពុជា ហៅកាត់ថា សេដាក ក្នុងពិធីអបអរទិវាស្បៀងអាហារពិភពលោកស្តីអំពីការចូលរួមរបស់ស្រ្តីជនបទ ក្នុងការផលិតស្បៀងអាហារប្រកបដោយសុវត្ថិភាព ដែល បានប្រារព្ធឡើងនៅថ្ងៃទី១៦ ខែតុលា ឆ្នាំ២០១៣ ក្នុងរាជធានីភ្នំពេញ។លោកបានបន្តថា ស្ត្រី ជាកម្លាំងផលិត អ្នកផលិត ជាសហគ្រិនកសិកម្ម ជាអ្នកដែលអាចលក់បានចំណូលខ្ពស់ ប៉ុន្តែ វាជាប្រធានបទមួយដែលមិនសូវមានការការយកចិត្តទុកដាក់ឡើយ។
.jpg)
ដូច្នេះទាមទារអោយគ្រប់អ្នកពាក់ព័ន្ធទាំងអស់ ត្រូវលើកកម្ពស់។ លោកបានបន្ថែមថា ស្ត្រីមានសក្តានុពលខ្ពស់ ហើយ ទទួលបានជោគជ័យច្រើនក្នុងការងារផលិតស្បៀងនានា។ក្នុងន័យនេះ សេដាកកំពុងស្វែងរកស្ត្រីដែលនៅតាមភូមិនិងសហគមន៍ ដែលមានឆន្ទៈក្នុងការផលិតក្នុងវិស័យកសិកម្មនេះ ដោយ សេដាកនឹងធ្វើការពង្រឹងសមត្ថភាពបន្ថែមទៀត។ លោកបានបញ្ជាក់បន្ថែមថា សេដាកមាន ផែនការ១០ឆ្នាំគឺសម្រាប់ឆ្នាំ២០២២ ដោយនឹងជ្រើសរើសកសិករចំនួន១សែនគ្រួសារក្នុងការលើកកម្ពស់វិស័យកសិកម្មនិងសេដ្ឋកិច្ចបន្ថែមទៀត។
អ្នកស្រី ជ័យ ស៊ីយ៉ាត កសិកររស់នៅភូមិអង្គរជ័យ១ ខេត្តកំពត មានប្រសាសន៍ថា ស្ត្រី ពិតជាមានសារៈសំខាន់ក្នុងវិស័យកសិកម្ម។ផលិតភាពកសិកម្មអាចបង្កើនឡើងបានដោយការរៀបចំផែនការដាំដុះបានត្រឹមត្រូវ ទាំងនៅក្នុងកម្រិតគ្រួសារនិងសហគមន៍។អ្នកស្រីបន្តថា ការធ្វើផែនការគ្រួសារត្រូវមានការចូលរួមពី ស្រ្តីក្នុងដំណើរការសម្រេចចិត្តពីព្រោះស្ត្រីជាអ្នក ចាត់ចែងលើជីវភាពប្រចាំថ្ងៃ ចំណូល ចំណាយក្នុងគ្រួសារ ហើយជាអ្នកដឹងច្បាស់នូវលទ្ធផលនៃការអនុវត្តផែនការ៕ដោយ៖ រតនា