ប្រទេសលីប៊ី៖ មន្រ្តីប៉ូលីសលីប៊ីបានអោយដឹងថា មនុស្សយ៉ាងហោចណាស់ ៣០នាក់បានស្លាប់បន្ទាប់ពីឃ្លាំង
ផ្ទុកអាវុធមួយកន្លែងក្នុងស្រុក Brank al-Shati នៃទីក្រុង Sabha ត្រូវបានផ្ទុះឡើងគួរអោយរន្ធត់។ មន្រ្តីប៉ូលីសដដែល បាននិយាយបន្តទៀតថា ស្រុក Brank al-Shatiនេះគឺមានចំងាយប្រហែលជា ៦៥០គីឡូម៉ែតពីទីក្រុង Tripoli។ ហេតុការណ៍នេះបានកើតឡើងបន្ទាប់ពីពួកអន្តោរប្រវេសន៍សញ្ជាតិអាព្រិកមួយក្រុមបានព្យាយាមចូលទៅលួច
ប្រាក់ដែលធ្វើពីទង់ដែងនៅក្នុងឃ្លាំងមួយនោះ។ ក្រុមអ្នកពន្លត់អគ្គីភ័យ បានអោយ ដឹងថា មន្ទីពេទ្យមួយកន្លែង ដែលស្ថិតនៅក្បែរកន្លែងកើតហេតុនោះគឺត្រូវបានខូចខាតបន្តិចបន្តួច។

លោកឧត្តមសេនីយ Mohamed al-Dhabiបាននិយាយប្រាប់ភ្នាក់ងារសារព័ត៌មាន AFPថា មូលហេតុនៃការផ្ទុះឃ្លាំង មួយកន្លែងនោះគឺបណ្តាលមកពីពួកអន្តោរប្រវេសន៍មួយក្រុមនោះ។ បន្ទាប់ពីមានហេតុការណ៍ផ្ទុះឡើងរួចមក សា
រព័ត៌មាន al-Tadamun បានអោយដឹងថា ចំនួនអ្នកស្លាប់គឺមានចំនួនជាង ៣០នាក់ ក៏ប៉ុន្តែនៅពេលក្រោយមកទៀត សារព័ត៌មានមួយទៀតបានអោយដឹងថា ចំនួនអ្នកស្លាប់គឺមានរហូតដល់ ៤០នាក់៕ ដោយ៖ តុលា