ប្រទេសប៉ាគីសស្ថាន៖ លោក Hakimullah Mushud មេដឹកនាំរបស់ពួកតាលីបង់ បានប្រាប់សារព័ត៌មាន BBC ថាគាត់នឹងរៀបចំការចរចារមួយជាមួយនឹងរាជរដ្ឋាភិបាល ប៉ាគីសស្ថាន ក៏ប៉ុន្តែវាមិនទាន់មកដល់នៅឡើយ ទេ។ ក្នុងកិច្ចសម្ភាសន៍ដ៍កម្រមួយ លោក Mushud បានបដិសេធលើការវាយប្រហារនៅក្នុងកន្លែងសាធារណះ នាពេលថ្មីៗ ក៏ប៉ុន្តែគាត់បន្ថែមថា គាត់នឹងបន្តវាយប្រហារទៅលើប្រទេសអាមេរិកនិងប្រទេសសម្ព័ន្ធមិត្តរបស់ ខ្លួនទៀត។លោក Mushud បានដឹកនាំពួកតាលីបង់ច្រើនជាង ៣០ក្រុមនៅក្នុងតំបន់នោះ។
បន្ទាប់ពីបញ្ចប់ការបោះឆ្នោតជ្រើសរើសនាយករដ្ឋមន្រ្តីកាលពីខែឧសភារួចរាល់មក លោក Nawaz Sharif បានប្រកាសថា គាត់នឹងបើកិច្ចចរចារឥតលក្ខខណ្ឌមួយជាមួយនឹងមេដឹកនាំពួកតាលីបង់។ លោកSharif បានបន្តទៀតថា ពួកតាលីបង់ទាំងនោះបានគ្រប់គ្រងតំបន់ជាច្រើនក្នុងភាគពាយ័ព្យនៃប្រទសនេះ ហើយ
រដ្ឋាភិបាលបានអះអាងថា ពួកទាំងនោះត្រូវបានចោទប្រកាន់ពីបទបន្ទុះគ្រាប់បែកអត្តឃាត និង
ការវាយប្រហារជាច្រើនទៀត។ ដោយ៖ តុលា