ប្រទេសកាម៉ារូន៖ មន្រ្តីក្រសួងការបរទេសបារាំងមួយរូបបាននិយាយថា កាលពីថ្ងៃព្រហស្បត្តិ៍ម្សិលមិញបុព្វ
ជិតសញ្ជាតិបារាំងម្នាក់គឺត្រួវបានគេចាប់ជំរឹតនៅភាគខាងជើងនៃប្រទេសកាម៉ារូន។ មន្រ្តីប៉ូលីសដដែលបាននិ
យាយបន្តទៀតថា បុព្វជិតម្នាក់នោះឈ្មោះ Georges vandenbeusch អាយុ ៤២ឆ្នាំគឺត្រូវបានចាប់ជំរឹតនៅក្នុងព្រះ
វិហារ Nguetchewe ក្បែរភូមិ Kozaដែលមានចំងាយប្រហែលជា ៣០គីឡូម៉ែតពីព្រំប្រទល់ ប្រទេសនីសស៊េរីយ៉ា។

យោងតាមលោក Monseigneur Gerard Daucourt ដែលជាមិត្តរួមការងាររបស់លោក Georges បាននិយាយ
អោយដឹងថា ពួកខ្មាន់កាំភ្លើងទាំងអស់នោះ គឺមានចំនួន ១៥នាក់ដែលគេស្គាល់ថាជាពួក  Boko Haram។ ដូនជីម្នាក់ទៀតបាននិយាយប្រាប់ភ្នាក់ងារសារព័ត៌មាន AFPថា ពួកខ្មាន់ប្រយុទ្ធទាំងអស់នោះគឺនិយាយ ភាសាអង់គ្លេស។ លោក Issa Tchiroma Bakary ដែលជាអ្នកនាំពាក្យអោយរដ្ឋាភិបាលកាម៉ារូនបាននិយាយ ប្រាប់អ្នកកាសែតថា ពួកខ្មាន់កាំភ្លើងទាំងអស់នោះគឺប្រហែលជានាំយកលោក Georges ចេញពីប្រទេសនេះ បាត់ទៅហើយ។ លោកប្រធានា ធិបតីបារាំង Francois Hollande​បានសន្យាថា គាត់នឹងខិតខំប្រឹងប្រែងតាមរំ
ដោះលោក Georges ចេញពីពួកខ្មាន់កាំភ្លើងទាំងអស់នោះ។ ដោយ៖ តុលា