ទីក្រុងBirmingham៖ មន្រ្តីប៉ូលីសប្រចាំទីក្រុង Birmingham បានអោយដឹងថា អគ្គីភ័យមួយបានឆាបឆេះ យ៉ាងសន្ធោសន្ធៅក្នុងហាងកាហ្វេមួយកន្លែងក្នុងទីក្រុង Birmingham។ ភ្នាក់ងារពន្លត់អគ្គីភ័យ West Midlands បាននិយាយថា ឡានពន្លត់អគ្គីភ័យ ៤គ្រឿងគឺកំពុងនៅកន្លែងកើតហេតុនោះ។ លោកបានបន្តទៀតថា ហេតុការណ៍អគ្គីភ័យនេះបានកើតឡើងប្រហែលជាម៉ោង ៦នឹង៤០នាទីលើអតីតសណ្ឋាគាររបស់ក្រុម
អ្នកស៊ើបអង្កេតមួយកន្លែងដែលនៅតាមបណ្តោយផ្លូវ New Canal ក្នុងទីក្រុង Birmingham ។

អ្នកនាំពាក្យមកពីសេវាកម្មពន្លត់អគ្គីភ័យបន្ទាន់ម្នាក់បានអោយដឹងថា អ្នកពន្លត់អគ្គីភ័យ ២៥នាក់គឺកំពុងតែ នៅកន្លែងកើតហេតុនោះ ហើយគ្មាននរណាម្នាក់ទទួលរងរបួសទេ។ ផ្លូវ New Canal ដែលស្ថិតនៅជិតចំនុច ប្រសព្វនៃផ្លូវ Fazeley គឺត្រូវបានបឹទជាបណ្តោះអាសន្ន។ ហើយក្រុមអ្នកពន្លត់អគ្គីភ័យបានបន្ថែមទៀតថា ផ្លូវមួយចំនួនដែលស្ថិតនៅក្បែរកន្លែងនោះក៏អាចប៉ះពាល់តិចតួចដែរ។

លោក Steve Harris មេបញ្ជាការដ្ឋានប៉ូលីសប្រចាំទីក្រុង Birmingham បាននិយាយថា បើទោះបីជាក្រុម
អ្នកពន្លត់ អគ្គីភ័យកំពុងតែធ្វើអន្តរាគមន៍យ៉ាងណាក៏ដោយ ក៏ប៉ុន្តែសណ្ឋាគារនោះគឺត្រូវខូចខាតទាំង
ស្រុង។  ក្រុមអ្នកពន្លត់អគ្គីភ័យបានបង្ហាញថា ពួកគេបានឮសូរសំលេងផ្ទុះយ៉ាងខ្លាំងនៅទីនោះ បន្ទាប់ មកក៏មានភ្លើងឆាបឆេះឡើងទៅ។ ដោយ៖ តុលា