ប្រទេសម៉ិចស៊ីកូ៖ មន្រ្តីប៉លីសម៉ិចស៊ីកូបានអោយដឹងថា ក្មេងប្រុសជនជាតិម៉ិចស៊ីកូអាយុ ១០ឆ្នាំ ម្នាក់ត្រូវ បានស្លាប់បន្ទាប់ពីព្រះវិហារកាតូលិក Santa Clara បានរលំកិនពីលើខណះ ដែលមានភ្ល្លៀងបក់បោកដ៏ខ្លាំង នៅក្នុងតំបន់នេះ។ ព្រះវិហារនោះគឺកំពុងតែការសាងសង់ រីឯតំបូលខាងលើត្រូវបានគ្រប់ដណ្តប់ដោយតង់ គ្រាន់ទុកដើម្បីការពារអ្នកមកគោរពបូជាក្នុងវិហារនេះពីទឹកភ្លៀងដ៏ធំនោះ។

កាលពីថ្ងៃអាទិត្យ មនុស្សប្រហែលជា ២០នាក់ ត្រូវបានរងរបួសនៅក្នុងហេតុការណ៍នោះ។ កាលពីពីរ សប្តាហ៍មុន ប្រទេសម៉ិចស៊ីកូបានទទួលរងសំពាធទឹកភ្លៀងដ៏ខ្លាំង ចំណែកឯភាគខាងលិចនិងខាងកើត នៃប្រទេសនេះវិញត្រូវបានបំផ្លិចបំផ្លាញយ៉ាងធ្ងន់ធ្ងរដោយសារព្យុះត្រូពិក Ingrid និងព្យុះ Manuel។ អ្នកព្យាករណ៍ឧតុនិយមបានរំពឹងថានឹងមានទឹកភ្លៀងធ្លាក់យ៉ាងខ្លាំងនៅភាគខាងជើងឆៀងខាងកើត
នៃប្រទេសនេះ។ ដោយ៖ តុលា