ប្រទេសហ្គេនយ៉ា៖ មន្រ្តីក្រសួងការបរទេសហ្គេនយ៉ាបានអោយដឹងថា ជនជាតិអង់គ្លេស ៦នាក់ត្រូវបាន
សំលាប់ដោយជនមិនស្គាល់ក្រុមនៅឯផ្សារទំនើប Westgate ក្នុងប្រទេសហ្គេនយ៉ា។ គាត់បានបន្ថែមទៀត
ថា ការវាយប្រហារនៅឯផ្សារទំនើប Westgate ក្នុងរយះពេល ៤ថ្ងៃនេះបានសំលាប់មនុស្សយ៉ាងហោចណាស់ ៧២នាក់ហើយយើងមិនអាចដឹងថា ចំនួននៃជនរងគ្រោះនឹងឡើងដល់ប៉ុន្មាននាក់ទៀតទេ។

អ្នកនាំពាក្យរបស់មន្ត្រីក្រសួងការបរទេសម្នាក់និយាយថា បន្ទាប់ពីមានហេតុការណ៍វាយប្រហារបានកើតឡើង ជាបន្តបន្ទាប់មក ពួកយើងមានការខ្វល់ខ្វាយយ៉ាងខ្លាំងចំពោះសុវត្ថិភាពរបស់ប្រជាជនផ្សេងៗទៀតនៅក្នុង ប្រទេសនេះ។អ្នកជំនាញខាងត្រួតពិនិត្យបានអោយដឹងថា ជនស៊ីវិល ៦១នាក់ កងកំលាំងប៉ូលីស ៦នាក់ និង
ទាហាន ៥នាក់ត្រូវបានសំលាប់។ មនុស្ស ១១នាក់ត្រូវបានចាប់ខ្លួនពីបទទាក់ទងនឹងការវាយប្រហារសំលាប់ ក្នុងផ្សារទំនើប Westgate​។ ដោយ៖ តុលា