កណ្ដាល៖ បុរសវ័យ៧០ឆ្នាំម្នាក់បានបង្ខំចិត្ដបញ្ចប់ជីវិតរបស់ខ្លួនចោលប្រពន្ធអាយុ៧០ឆ្នាំដូចគ្នាបន្ទាប់
ពីតូចចិត្ដដែលខ្លួនមានជំងឺរ៉ាំរ៉ៃមិនអាចព្យាបាល  ឱ្យជាបានរហូតដល់យកកាំបិតចាក់ចំបំពង់កបណ្ដាលឱ្យ
រងរបួសធ្ងន់ហើយដាច់ខ្យល់ស្លាប់នៅពេលបញ្ជូនទៅដល់មន្ទីរពេទ្យរុស្សី។

សាច់ញាតិជនរងគ្រោះបានឱ្យដឹងថាប្រសិនបើមានរថយន្ដដឹកជនរងគ្រោះឱ្យបានលឿន​មកកាន់មន្ទីរពេទ្យ
នោះជនរងគ្រោះក៏មិនដាច់ខ្យល់ស្លាប់ដែរពីព្រោះមុខរបួសមិនធ្ងន់ធ្ងរ​ប៉ុន្មានឡើយប៉ុន្ដែទុកឲ្យការហូរឈាម
ខ្សោះពីខ្លួនរហូតដល់ស្លាប់។

ករណីនេះបានកើតឡើងកាលពីវេលាម៉ោង១១និង៣០នាទីយប់ ថ្ងៃទី៩  ខែឧសភា  ឆ្នាំ២០១៣ ស្ថិតនៅផ្ទះ
របស់ជនរងគ្រោះក្នុងភូមិឫស្សីស្រុក   ឃុំខ្ពប  ស្រុកស្អាង  ខេត្ដកណ្ដាល   ខណៈ​ដែលស្ដ្រីជាប្រពន្ធឈ្មោះ
ឡៅ ចេក  អាយុ៧០ឆ្នាំ បានលេបថ្នាំឈឺឆ្អឹងហើយសំរានលក់មិនដឹងថាប្ដីហ៊ានធ្វើអត្ដឃាតបែបនេះឡើយ។

ប្រភពព័ត៌មានពីសមត្ថកិច្ចបានឱ្យដឹងថា   ជនរងគ្រោះមានឈ្មោះ   មុំ លី  អាយុ៧០ឆ្នាំ រស់នៅ​ភូមិឃុំកើត
ហេតុខាងលើ  និងបច្ចុប្បន្នស្នាក់នៅជាមួយប្រពន្ធ   ។   ហើយមូលហេតុដែលនាំ​ឱ្យជនរងគ្រោះហ៊ានចាក់
សម្លាប់ខ្លួនឯងបែបនេះព្រោះតែតូចចិត្ដមានជំងឺប្រចាំកាយ     ហើយ​ច្រើនមុខព្យាបាលមិនជាទើបដាច់ចិត្ដ
ផ្ដាច់ជីវិតចោលប្រពន្ធវ័យចំណាស់ដូចគ្នាតែម្ដង៕

ដោយ៖សស្អាត