ភ្នំពេញ៖ភរិយាលោកញឹកប៊ុនឆៃអគ្គលេខាធិការគណបក្សហ៊្វុនស៊ិនប៉ិចលោកស្រី​សំសុភាពនៅថ្ងៃកាន់បិណ្យ​​ទី៥​ដែលត្រូវនិងថ្ងៃទី២៤ខែកញ្ញានេះបានដឹកនាំមន្រ្តីមួយ​ចំនួនតូចជារដ្ឋលេខាធិការអនុរដ្ឋលេខាធិការ​ដែល​​នឹងត្រូវបញ្ចប់អាណត្តិតាមបណ្តារក្រសួងនានានិងមន្រ្តីអគ្គលេខាធិការដ្ឋានទៅបង្សុកូលរាប់បាតឧទ្ទិសកុសល​ដល់វិញ្ញាណ​ក្ខន្ធវីរៈជន​ស្នេហាជាតិដែលបានពលីជីវិតដើម្បីបុព្វហេតុជាតិសាសនា​ព្រះមហាក្រត្រនៅក្នុង​​សម័យ​​សង្រ្គាមនៅវត្តចំបក់មាសសង្កាត់បាក់ខែងខណ្ឌឬស្សីកែវរាជធានីភ្នំពេញ។​

បើទោះជាគ្មានវត្តមានប្រមុខដឹកនាំបក្សសំខាន់ៗក៏ដោយក៏មន្រ្តីគណបក្សនេះបាន​ជួបជុំគ្នាប្រារពពិធីបង្សុកូល​​ក្នុងខែមន្តសន្តរដូវជូនដល់វិញ្ញាណ​ក្ខន្ធវីរៈជន​ស្នេហាជាតិដែលបានពលី​ជីវិតដើម្បី​បុព្វ​ហេតុជាតិតាមទំនាម​​ទំលាប់​​របស់ខ្មែរនៅក្នុងថ្ងៃកាន់បិណ្យ។មន្រ្តីគណបក្សមួយរូបនិយាយថាបើទោះជាគណបក្សហ៊្វុនស៊ិនប៉ិច​​មិនបានទទួលសំលេងគាំទ្រពីប្រជាពលរដ្ឋនៅក្នុងសភាអាណត្តិទី៥នេះក៏ដោយក៏គណបក្សនៅតែបន្តមានវត្ត​មាននៅជាមួយប្រជាពលរដ្ឋខ្មែរជានិច្ចពិសេសនៅតែបន្តនាំគ្នាប្រារពពិធីសាសនាតាមទំនាម​ទំលាប់ប្រពៃណី​​ដើម្បីឧទ្ទិសកុសលដល់បុព្វការីជនមានមាតាបិតាគ្រូបាចារ្យវីរៈជន​ស្នេហាជាតិដែលបានពលីជីវិតដើម្បី​​បុព្វហេតុ​ជាតិ​សាសនា​​​ព្រះមហាក្សត្រនេះជារៀងរាល់ឆ្នាំមិនថាមាន​អ្នក​ចូល​រួមប៉ុន្មាននាក់នោះទេ។​

គួររំលឹកផងដែរថានៅពេលគណបក្សរាជានិយមហ៊្វុនស៊ិនប៉ិចមានឈ្មោះបោះសម្លេងមាន​សមាជិកនៅក្នុងរដ្ឋ​​សភា​ភាគច្រើននោះជារៀងរាល់ឆ្នាំនៅថ្ងៃប្រារពពិធីបែបនេះគេឃើញ​មានមន្រ្តីជាសមាជិកសមាជិការ​​​ញាតិវង្សានុវង្សប្រមុខដឹកនាំគ្រប់ជាន់ថា្នក់​បានអញ្ជើញ​មកណែនណាន់តាន់តាប់ស្ទើរកកន្លែងអង្គុយគ្មាន។​ដោយឡែកឆ្នាំនេះគេឃើញមានវត្តមានត្រឹមថ្នាក់អគ្គលេខាធិការម្នាក់ពីរដ្ឋលេខាធិការអនុរដ្ឋលេខាធិការដែល​ត្រូវបញ្ចប់អាណត្តិបួនដប់នាក់និងមន្រ្តីអគ្គលេខាធិការបន្តិចបន្តួចតែប៉ុណ្ណោះ។ចំណែកប្រធានគឺសម្តេច​រាជ​​បុត្រី​​ព្រះអនុជនរោត្តមអរុណរស្មីប្រធានគណបក្សនិងលោកកែវពុទ្ធរស្មីប្រធានឧត្តមក្រុម​ប្រឹក្សា​​គណបក្សពុំមានវត្តមាន។ដោយឡែកលោកញឹកប៊ុនឆៃអគ្គលេខធិការគណបក្សមានជំងឺ​កំពុងសំរាក​ព្យាបាល​​នៅ​ឯគេហ​ដ្ឋានពុំអាចមកចូលរួមបាន។​

សូមបញ្ជាក់ថា​ ឈាបណដ្ឋានអ្នកប្រជាធិបតេយ្យនៅវត្តចំបក់មាសនេះបានកសាងឡើងនៅ​អំឡុងឆ្នាំ២០០០​​ដោយលោកឧបនាយករដ្ឋមន្រ្តីញឹកប៊ុនឆៃរួមជាមួយសមាជិក​សមាជិកា​សំរាប់តម្កល់រូបសំណាក់​ឈ្មោះ​និង​​អដ្ឋធាតុវីរៈជនអ្នកស្នេហាជាតិដែលបានពលីជីវិត​ ដើម្បីជាតិសាសនាព្រះមហាក្សត្រនៅក្នុងសម័យតស៊ូ៕​​ដោយ៖ ស.ស្អាត​​