ភ្នំពេញ៖តាមការអញ្ជើញរបស់សម្តេចតេជោ ហ៊ុន សែន នាយករដ្ឋមន្រ្តី នៃ ព្រះរាជាណាចក្រកម្ពុជា លោក កៃ រ៉ាឡា សាណាណា ហ្គោសម៉ៅ នាយករដ្ឋមន្រ្តី នៃសាធារណរដ្ឋប្រជាធិបតេយ្យទីម័រខាងកើត នឹងមកបំពេញ ទស្សនកិច្ចនៅព្រះរាជាណាចក្រកម្ពុជា នៅថ្ងៃទី៥ ដល់ថ្ងៃទី៨ ខែកញ្ញា ឆ្នាំ២០១៣។ .jpg)
យោងតាមសេចក្តីប្រកាសព័ត៌មានរបស់ក្រសួងការបរទេស និងសហការអន្តរជាតិ នៃព្រះរាជា ណា ចក្រ កម្ពុជា បានឲ្យដឹងនៅថ្ងៃទី៣០ខែសីហាឆ្នាំ២០១៣នេះថា នៅថ្ងៃទី៥ដល់ថ្ងៃទី៨ ខែកញ្ញា ឆ្នាំ២០១៣ ខាងមុខនេះ នាយ ករដ្ឋមន្រ្តីនៃសាធារណរដ្ឋប្រជាធិបតេយ្យ ទីម័រខាងកើត នឹងមកបំពេញ ទស្សនកិច្ច នៅព្រះរាជាណាចក្រកម្ពុជា តាមការអញ្ជើញរបស់ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ។ សេចក្តីប្រកាសបន្តថា ក្នុងដំណើរទស្សនកិច្ចនេះ លោក កៃ រ៉ាឡា សាណាណា ហ្គោសម៉ៅ និងជួបសម្តែងការគួរសមជាមួយ សម្តេច ហេង សំរិន ប្រធានរដ្ឋសភា ហើយនិងជួប ពិភាក្សាការងារ ជាមួយសម្តេចតេជោ ហ៊ុន សែន នាយករដ្ឋមន្រ្តីនៃ ព្រះរាជាណាចក្រកម្ពុជា។ បន្ទាប់មកលោក កៃ រ៉ាឡា សាណាណា ហ្គោសម៉ៅ នឹងអញ្ជើញទៅទស្សនកិច្ចនៅ ប្រាសាទ អង្គរ នាខេត្តសៀមរាប សូមបញ្ជាក់ថា អតីតៈនាយករដ្ឋមន្រ្តីទីម័រខាងកើតលោកជូហ្សេរ៉ាម៉ូសហូតា(Jose Ramos Horta)ក៏ធ្លាប់បានមកទស្សនកិច្ចនៅព្រះរាជាណាចក្រកម្ពុជាដែរហើយនៅក្នុងដំណើរទស្សនកិច្ចនៅកម្ពុជាកាលពីថ្ងៃទី២៩ខែមីនាឆ្នាំ២០១១សម្តេចហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបានសម្ដែងការគាំទ្រសំណើរបស់ប្រធានាធិបតីនៃប្រទេសទីម័រខាងកើតគឺលោកជូហ្សេរ៉ាម៉ូសហូតា(Jose Ramos Horta) ដែលចង់ឲ្យប្រទេសរបស់លោកក្លាយជាសមាជិកទី១១នៃអាស៊ាននៅឆ្នាំ២០១១ឬឆ្នាំ២០១២កន្លងមកនោះ។ ការគាំទ្រនេះគឺបានធ្វើឡើងនៅក្នុងជំនួបទ្វេភាគីរវាងមេដឹកនាំប្រទេសកម្ពុជានិងប្រទេសទីម័រខាងកើតនៅឯវិមានសន្តិភាពនៅក្នុងទីក្រុងភ្នំពេញរយៈពេលជាងកន្លះម៉ោងនៅក្នុងដំណើរទស្សនកិច្ចលើកដំបូងមកប្រទេសកម្ពុជាចាប់ពីថ្ងៃទី២៩ខែមីនាដល់ថ្ងៃទី៣០ខែមីនាឆ្នាំ២០១១របស់អតីតនាយករដ្ឋមន្រ្តីទីម័រលោកជូហ្សេរ៉ាម៉ូសហូតា(Jose Ramos Horta)៕
ដោយ៖ សស្អាត