ពោធិសាត់: បងប្អូនប្រុសស្រីពីរនាក់ បានស្លាប់ភ្លាមៗនៅនឹងកន្លែងកើតហេតុ ដោយសាររថយន្តបែកកង់ រេចង្កូតធ្លាក់ចូលក្នុងស្រះ គួរឲ្យអាណោចអាធ័ម កាលពីវេលាម៉ោង១២និង៥០នាទីថ្ងៃទី២៣ ខែសីហា ឆ្នាំ២០១៣ នៅចំណុចផ្លូវកោងមន្ទីរពិសោធន៍ស្រូវ ខាងកើតស្នាក់ការជលផលចម្ងាយ ប្រហែល ៥០ ម៉ែត្រស្ថិតនៅភូមិខ្នាចរមាស ឃុំបឹងខ្នារ ស្រុកបាកាន។
ប៉ូលិសប៉ុស្ដិ៍រដ្ឋបាលបឹងខ្នារ ដែលបានទៅដល់កន្លែងកើតហេតុ បានឲ្យដឹងថា ជនរងគ្រោះទាំងពីរនាក់មាន ឈ្មោះ យឹម នឿម ភេទប្រុស អាយុ ៣៤ឆ្នាំ ជាអ្នកបើកបរ និងឈ្មោះ យឹម ស្រីតូច អាយុ៣២ឆ្នាំ ជាប្អូនស្រីបង្កើត។ អ្នកទាំងពីររស់នៅភូមិចិន្តាយ ឃុំមេទឹក ស្រុកបាកាន ខេត្តពោធិ៍សាត់។
យោងតាមប្រភពព័ត៌មានពីសាក្សីនៅ កន្លែងកើតហេតុបានឱ្យដឹងថា នៅវេលាម៉ោង កើតហេតុនេះ គេបាន ឃើញ រថយន្ដមួយ គ្រឿង ម៉ាកកាមរី ស៊េរីឆ្នាំ៩៣ ពណ៌ ស្លាប ក្អែក ពាក់ស្លាកលេខ ភ្នំពេញ 2E-7890 បានធ្វើដំណើរ តាមបណ្ដោយផ្លូវជាតិ លេខ៥ ក្នុងទិសដៅ ចេញពីរាជធានីភ្នំពេញ ឆ្ពោះ ទៅខេត្ដពោធិ៍សាត់ បើកបរដោយបុរសម្នាក់ និងរួម ដំណើរ ដោយស្ដ្រីម្នាក់នៅក្នុងរថយន្ដ ស្រាប់តែពេលរថយន្ដទៅដល់កន្លែងកើត ហេតុនោះ ក៏រេចង្កូត ធ្លាក់នៅក្នុងទឹកស្រះ លិចបាត់តែម្ដង ។
សាក្សីបានបន្ដទៀតថា ក្រោយពីមាន គ្រោះថ្នាក់ចរាចរបង្កឱ្យមានការភ្ញាក់ផ្អើល ខាងលើនេះ ទាំងប្រជា ពលរដ្ឋនិងសមត្ថកិច្ច បានទៅជួយអន្ដរាគមន៍ភ្លាមៗ ដោយស្ទូច យករថយន្ដចេញពីក្នុងទឹកស្រះ ប៉ុន្ដែជា អកុសល បុរសនិងស្ដ្រីពីរនាក់ដែលនៅក្នុងរថយន្ដ នោះបានស្លាប់បាត់ទៅហើយ ដោយសារតែ ពេលជួប គ្រោះថ្នាក់ចរាចរភ្លាមៗ ពុំមាន នរណាម្នាក់អាចជួយទាញពួកគេចេញពីក្នុង រថយន្ដបាន រហូតឈ្លក់ស្លាប់ តែម្ដងទៅ ។ជុំវិញគ្រោះថ្នាក់ចរាចរដ៏គួរឱ្យរន្ធត់ខាង លើនេះ អធិការនគរបាលស្រុកបាកាន លោក ប៉ែន ទុង នៅ រសៀល ថ្ងៃទី២៣ ខែសីហា ឆ្នាំ២០១៣បានឱ្យដឹងថា ក្រោយពីទទួលព័ត៌ មានស្ដីពីគ្រោះថ្នាក់ចរាចរ ខាងលើនេះ លោក បានឱ្យកម្លាំងសមត្ថកិច្ច ចុះទៅជួយអន្ដរាគមន៍ ភ្លាមៗ ហើយស្ទូចរថយន្ដចេញ ពីក្នុងទឹកស្រះ ដាក់លើគោក ប៉ុន្ដែវាយឺតពេលទៅហើយ។
បើតាមលោកអធិការ ជនរងគ្រោះទាំង ពីរនាក់ប្ដីប្រពន្ធធ្វើដំណើរចេញពីរាជធានីភ្នំ ពេញ ឆ្ពោះទៅផ្ទះរបស់ ខ្លួន ស្ថិតនៅឃុំមេទឹក ស្រុកបាកាន ។យ៉ាងណាក៏ដោយ អធិការនគរបាលស្រុក បាកាន បានបញ្ជាក់ថា សពត្រូវបានបញ្ជូនទៅដល់លំនៅដ្ឋាន ដើម្បីរៀបចំធ្វើបុណ្យតាមប្រពៃណី ។បើយោងតាមសាក្សី នៅកន្លែងកើតហេតុ នោះ បានបញ្ជាក់ថា មូលហេតុដែលអាចនាំឱ្យពួកគេទាំងពីរនាក់ បើករថយន្ដរេចង្កូតធ្លាក់ទឹកស្រះ យ៉ាងដូច្នេះ អាចបណ្ដាលមកពីងងុកដេកផង ក៏មិនដឹង៕
ដោយ៖ស ស្អាត