បន្ទាយមានជ័យ៖ ទំនិញគេចពន្ធពីប្រទេសថៃជាច្រើនប្រភេទ បានហែលទឹកអូរចូលមកកម្ពុជាតាមរូបភាព
ប្រើក្បូនដឹកជញ្ជូនចម្លង តាមអូរនៅប៉ែកខាងត្បូងច្រកអន្តរជាតិប៉ោយប៉ែតជារៀងរាល់ថ្ងៃដោយគ្មានការបង្រ្កាប
ឬ ទប់ស្កាត់ពីអាជ្ញាធរមានសមត្ថកិច្ចការពារព្រំដែនសោះឡើយ។
យោងតាមប្រភពព័ត៌មានពីក្រុងប៉ោយប៉ែតបានអោយដឹងថាជារៀងរាល់ថ្ងៃមានទំនិញគេចពន្ធដូចជា ទំនិញ
ចាប់ហួយសំបកដប ឧស្ម័ន ហ្គាសនិងទំនិញផ្សេងៗជាច្រើនប្រភេទទៀតត្រូវបានឈ្មួញនាំចូលមកកម្ពុជាតាមច្រករបៀង ដែលនាំចូលភាគច្រើនរួមមានច្រកម៉ុងចិន ច្រកគីឡូម៉ែត្រលេខ៤ និងច្រកឡុងសំណាងជាដើមដែលស្ថិតនៅតាមបណ្តោយព្រំដែនកម្ពុជា-ថៃខាងក្រោយសាលាក្រុងប៉ោយប៉ែតប្រមាណជា១០០០ម៉ែត្រច្រក
របៀងទាំងនេះគ្រប់គ្រងដោយកម្លាំងនគរបាលវរៈការពារព្រំដែន៨៩១។
ច្រកដែលនាំចូលទំនិញជារៀងរាល់ថ្ងៃ ដោយពុំខ្លាចញញើតសមត្ថកិច្ចជំនាញឬអាជ្ញាធរមូលដ្ឋាននោះគឺច្រក
ដែលគ្រប់គ្រងនគរបាលការពារព្រំដែន៨៩១ដែលមាននាំចូលនូវទំនិញគ្រប់ប្រភេទនិងសត្វមាន់គ្រប់គ្រង
ដោយលោក ឡុង សំណាងជាមេបញ្ជាការរង,លោក ឆែម ចំប៉ា មេប៉ុស្តិ៍គីឡូម៉ែត្រលេខ៤នាំចូលទំនិញចាប់
ហួយនិងសំបកដប, លោក ភោគ វិបុលមេប៉ុស្តិ៍បុរីថ្មីនាំចូលឧស្ម័នហ្គាសនិងសត្វជ្រូក។ច្រកសំខាន់ៗទាំង៣នេះ
ក្រៅពីទំនិញនាំចូលគឺនៅមានទំនិញដែលនាំចេញទៅប្រទេសថៃដូចជាស្រូវអង្ករខោអាវគីប (គីបខោអាវ
ជជុះ)។
ការនាំទំនិញចេញនិងចូលឆ្លងអូរព្រំដែននេះបាន គឺដោយសារប្រើក្បូនចម្លងដែលទាញដោយខ្សែរ៉កពីត្រើយ
ម្ខាងទៅត្រើយម្ខាងទៀត ដោយមនុស្សទុកជាប្រចាំសម្រាប់ដឹកទំនិញឆ្លងអូរដែលខុសពីមុនពួកគេពុំប្រើក្បូន
ដោយប្រើខ្សែកាបសម្រាប់ជាមធ្យោបាយដឹកជញ្ជូនទំនិញឆ្លងដែនទៅមក ។ ហើយការដឹកជញ្ជូនទំនិញគេច
ពន្ធទាំងនេះបាន គឺដោយសារមានការត្រូវរ៉ូវរវាងឈ្មួញនិងសមត្ថកិច្ចទាំងពីភាគីផង ដែរ។
មន្រ្តីនគរបាលការពារព្រំដែនប្រចាំការតាមច្រកខាងលើ ធ្លាប់បានអោយដឹងថាការនាំទំនិញចូលនិងចេញ
គឺគ្រាន់បានថវិកាសម្រាប់ឧបត្ថម្ភដល់កងកម្លាំង ដែលឈរជើងតាមព្រំដែនហើយការនាំចូលទាំងនេះវាសុទ្ធតែ
មានការត្រូវរ៉ូវគ្រប់សមត្ថកិច្ចបើមិនដូច្នោះទំនិញទាំងនេះក៏មិនអាចធ្វើចរាចរទៅមកបានដោយរលូននោះទេ។
មន្រ្តីខាងលើបង្ហើបថា ក្នុង១ថ្ងៃៗមានទំនិញគេចពន្ធជាច្រើនដែលពុំបានបង់ពន្ធចូលរដ្ឋ គឺបង់លុយចូលត្រឹមតែ
ហោប៉ៅរបស់មន្ត្រីជំនាញប្រចាំការ ចំណែកមន្រ្តីកំប៉ិកកំប៉ុកបានត្រឹមតែឈរមើល និងបាយស៊ីតែប៉ុណ្ណោះ៕
ដោយ៖ ស.ស្អាត