ភ្នំពេញ៖ បន្ទាប់ពីមានការស្នើសុំពីគណបក្សសង្គ្រោះជាតិឲ្យធ្វើការស៊ើបអង្កេតឡើងវិញលើភាពមិនប្រក្រតី
មួយចំនួននៃដំណើការបោះឆ្នោតកាលពីថ្ងៃទី២៨ខែកក្កដាកន្លងមកនោះ នៅព្រឹកថ្ងៃទី៣ខែសីហាឆ្នាំ ២០១៣
គណៈកម្មាធិការជាតិរៀបចំការបោះឆ្នោត(គ.ជ.ប) បានសម្រេចបង្កើតគណៈកម្មការចំរុះមួយសម្រាប់ត្រួត
ពិនិត្យភាពមិនប្រក្រតីនៃដំណើរការបោះឆ្នោតនោះ។
លោក ទេព នីថាអគ្គលេខាធិការ គណៈកម្មាធិការជាតិរៀបចំការបោះឆ្នោត បានឲ្យដឹងថា គ.ជ.ប មានការចូល
រួមពីតំណាងគណបក្សចំនួនពីរតំណាងគណបក្ស ប្រជាជនកម្ពុជាមានគឺលោក ព្រំ សុខា និង តំណាងគណ
បក្សសង្គ្រោះជាតិលោក គុយ ប៊ុនរឿន ក្នុងកិច្ចប្រជុំបានសំរេចបង្កើតគណៈកម្មការចំរុះមួយ ហើយគណៈកម្ម
ការចំរុះនោះនិងពិភាក្សាគ្នាពីភារៈកិច្ច និងអាណត្តិរបស់ខ្លួនដែលត្រូវអនុវត្តនៅពេលខាងមុខនេះ។
លោកទេព នីថាបន្តថាចំពោះគណៈចំរុះនេះនិងមានតំណាងអង្កការជាតិ អន្តរជាតិ អ្នកសង្កេតការជាតិ អន្តរ
ជាតិចូលរូមនៃដំណើរការរបស់គណៈកម្មការនេះ ក៏ដូចជា ការដោះស្រាយបញ្ហាទូទៅផងដែរ។ ចំណែក
អង្គការសហប្រជាជាតិ ចូលរួមមើលអាច ធ្វើជាអ្នកអង្កេតការណ៍បាន ដូចអង្គការមិនមែនរដ្ឋាភិបាលជាតិ
និងអន្តរជាតិ និងអ្នកអង្កេត ការណ៍ដទៃទៀតដែរ ដើម្បីធ្វើការអង្កេតការណ៍ពីដំណើរការ នៃគណៈកម្មការនេះ
ក៏ដូចជាដំណើរការដោះស្រាយទូទៅដែរ ហើយចំពោះពេលវេលា នៃការបង្កើត និងចំនួន អ្នក តំណាងគណ
បក្សនយោបាយ មិនទាន់បានកំណត់ទេ គឺគ្រាន់តែឯកភាព គ្នាបង្កើត គ ណៈកម្មការតែប៉ុណ្ណោះ។
លោកអគ្គលេខាធិការរូបនេះបញ្ជាក់ថាគណៈកម្មការនេះនិងបង្កើតឆាប់ៗនេះដោយនៅពេលនេះតែគ.ជ.ប.
មិនទាន់កំណត់ចំនួនសមាជិកតំណាងនយោបាយមានចំនូនប៉ុន្មាននាក់ នសមាជិកគ.ជ.ប.ប៉ុន្មាននាក់នោះទេ។
ពេលនេះគ.ជ.ប.មិនទាន់កំណត់ថ្ងៃសម្រាប់អនុវត្ត នោះទេគឺគ្រាន់តែឲ្យគណបក្សនយោបាយដែលមានឈ្មោះ
ក្នុងបញ្ជើដាក់របាយ ការណ៍ នៅគណៈកម្មការរាជធានីខេត្តរៀបចំការបោះឆ្នោត ឬដាក់នៅគណៈ កម្មាធិការ
ជាតិរៀប ចំការបោះឆ្នោតអំពីភាពមិនប្រក្រតីដែលខ្លួនមាន។ប្រសិនគណបក្សនយោបាយដាក់ នៅគណៈកម្ម
ការរាជធានីរៀបចំការបោះឆ្នោតពេលនោះគាត់ពិនិត្យរូចគាតនិងលើសយោបល់នេះទៅគណៈកម្មាធិការជាតិ
រៀបចំការបោះឆ្នោតជាអ្នកម្រេច។
លោកទេព នីថាបញ្ជាក់ថាតួនាទីភារៈកិច្ចរបស់គណៈកម្មការចំរុះ នេះនិងដំណើរការត្រួតពិនិត្យភាពមិនប្រក្រតី
នេះគាត់នឹងជជែកគ្នាឲ្យបានច្បាស់លាស់ថែមទៀត។ចំពោះនីតិវិធីនៃការស៊ើបអង្កេតនូវភាពមិនប្រក្រតីនេះមិន
អនុវត្តទៅតាមអំពើចិត្តនោះទេ គឺយើងផ្អែកទៅតាមរបាយការណ៍ដែលយើងទទួលបានពីគណបក្សនយោបាយ
នៅពេលខាងមុខនិងការសម្រេចរបស់គណៈកម្មការចំរុះថាត្រូវមានភារកិច្ចដូចម្តេច។
លោកទេព នីថានូវបានបញ្ជាក់ទៀតថា គណៈកម្មការចំរុះនេះនិងពិនិត្យរបាយការណ៍ទាំងអស់ ។ នៅក្នុងថ្ងៃ
នេះយើងទើបតែសម្រេចបង្កើតគណៈកម្មការនេះ ហើយយើងកំពុងតែធ្វើសេចក្តី ព្រាង ដូច្ចេះរាល់កិច្ចការអស់
យើងមិនទាន់ពិភាក្សាគ្នានៅឡើយទេ។ ពេលនេះ យើងនិងធ្វើការជាមួយគណបក្សនយោបាយដូច្នេះសូមឲ្យ
គណបក្សនយោបាយបញ្ជូនសមាភាពមកដើម្បីបង្កើតគណៈកម្មការចំរុះ។ ការបង្កើតគណៈកម្មកាចំរុះបាន
បង្ហាញភាពវិជ្ជមានព្រោះថាវាអាចឲ្យបងប្អូនប្រជាពលរដ្ឋ អ្នកបោះឆ្នោតទាំងអស់មានការនឹងធឹងក្នុងចិត្តហើយ
គ.ជ.ប.បានសហការណ៍គ្នា ដោះស្រាយបញ្ហាមិនប្រក្រតីក្នុងដំណើការបោះឆ្នោតកន្លងមក។
ចំណែក លោក គួយ ប៊ុនរឿន តំណាងគណបក្សសង្គ្រោះជាតិឲ្យដឹងថាគណបក្សសង្គ្រោះជាតិបានស្នើសុំឲ្យ
មានតំណាងអង្គការសហប្រជាជាតិក្នុងគណៈកម្មកាចំរុះ ប៉ុន្តែគ.ជ.ប.បានបដិសេធន៍ដោយលើកឡើងថា នៅ
ក្នុងក្របខណ្ឌច្បាប់មិនមានភាគីណា អង្កការសហប្រជាជាតិចូលក្នុងកិច្ចការនេះទេ។ ប៉ុន្តែគណបក្សសង្គ្រោះ
ជាតិចង់ឲ្យអង្កការសហប្រជាជាតិចូលរួម វាយតម្លៃក្នុងដំណើរការត្រួតពិនិត្យទាំងនោះ។
លោក គួយ ប៊ុនរឿន បន្តថាចំពោះសង្គមស៊ីវិលបានត្រូវបានគ.ជ.ប.អនុញ្ញាតឲ្យចូលរូមពិនិត្យនូវបណ្តឹងដែល
ទទួលបានមកពីបណ្តាខេត្តនិងតាមឃុំ សង្កាត់ទាំងអស់។ ក្រោយពីកិច្ចប្រជុំនេះបង្កើតគណៈចំរុះនេះយើងទាម
ទារឲ្យកំណត់យកពេលវេលាជាក់លាក់មួយក្នុងការអនុវត្តយន្តការ៕
ដោយ៖ ស.ស្អាត