ក្រចេះ៖ សមត្ថកិច្ចជំនាញ រដ្ឋបាលព្រៃឈើ ថ្មរគ្រែ សហការជាមួយ កម្លាំងយោធាខេត្ត បានឆ្មក់ចាប់រថយន្ត
ដឹកឈើគ្រញូង មួយគ្រឿងនៅលើកំណាត់ ផ្លូវជាតិលេខ73A ម្តុំដីសម្បទាន សង្គមកិច្ច ឃុំសំបុក ស្រុកចិត្របុរី
ខេត្តក្រចេះ កាលពីព្រឹកថ្ងៃទី០១ ខែសីហា ឆ្នាំ២០១៣ ។
រថយន្តមួយគ្រឿង ម៉ាក Toyota Tacoma ពាក់ស្លាកលេខភ្នំពេញ2M-8413 ដឹកឈើ គ្រញូង ដែលចរាចរណ៍ ចេញ
ពីទឹកដី ខេត្តស្ទឹងត្រែងមកតាមដងផ្លូវជាតិលេខ 73 A ឆ្លងកាត់ខេត្តក្រចេះ ដើម្បីឆ្ពោះទៅលក់នៅប្រទេសវៀត
ណាម លុះមកដលចំណុច ខាងលើត្រូវសមត្ថកិច្ច ស្ទាក់ចាប់បាន រីឯម្ចាស់ ពុំស្គាល់អត្តសញ្ញាណ រត់គេចខ្លួន
បាត់ ដោយបន្សល់ទុក នូវឯកសារ ស្លាកសញ្ញា ជារបស់មន្ត្រីយោធា នៅក្នុងរថយន្ត ។
លោក ប៉ុក វណ្ណា នាយសង្កាត់រដ្ឋបាលព្រៃឈើ ថ្មរគ្រែ បានអោយដឹងថា ឈើប្រណិតជាប្រភេទឈើគ្រញូង
ដ៏កម្រ ដែលសមត្ថកិច្ចចាប់រឹបអូសបានមានចំនួន ២៨៩ដុំ ស្មើ និង៦៨៥គីឡូក្រាមរួមនិងរថយន្តមួយគ្រឿង
គឺត្រូវបានសមត្ថកិច្ចដឹកយក ទៅរក្សាទុក នៅថ្នាលបណ្តុះកូនឈើខ្សារ ដើម្បីកសាងសំណុំរឿង និងចាត់វិធាន
កាបន្តតាមផ្លូវច្បាប់។
គួរបញ្ចាក់ថា បើតាមប្រភពព័ត៌មាន ពីមជ្ឍដ្ឋានខាងក្រៅបានអោយដឹងថា ពេលថ្មីៗក្រុមឈ្មួញរក ស៊ីដឹកជញ្ចូន
ឈើ ប្រណិតហាក់ដូចជាកក្រើកឡើងវិញទាំងផ្លូវទឹក និងផ្លូវគោក ពិសេស ជាងនេះ គឺពួកគេបានប្រើប្រាស់នូវ
រថយន្តថ្មីស៊េរីទំនើប ដើម្បីបន្លំភ្នែក សមត្ថកិច្ចបានមួយចំនួន ៕
ដោយ៖ ស.ស្អាត