កណ្ដាល ៖សម្រាប់អាណត្ដិទី៥នេះ ក្រោយពីគណបក្សប្រជាជន ឈ្នះការបោះឆ្នោតដោយមានសំឡេងច្រើន
ដាច់ខាត សម្ដេចនាយករដ្ឋ មន្ដ្រី ហ៊ុន សែន បានប្រកាសទៅកាន់ប្រជាពលរដ្ឋ និងកម្មករទូទាំងប្រទេសថា
សម្ដេច នឹងខិតខំជំរុញដំឡើងប្រាក់ខែកាន់តែខ្ពស់ សម្រាប់កម្មករនៅតាមរោងចក្រនិងមន្ដ្រីរាជការ ។
សម្ដេចតេជោនាយករដ្ឋមន្ដ្រី នៅព្រឹកថ្ងៃទី០២ ខែសីហា នេះ បានថ្លែងអំណរគុណចំពោះប្រជាពលរដ្ឋដែល
បានបោះឆ្នោតជូនគណបក្សប្រជាជនកម្ពុជា ដើម្បីឱ្យសម្ដេចបន្ដដឹកនាំប្រទេសកម្ពុជា ហើយនឹងមានការរីក
ចម្រើន កាន់តែខ្លាំងឡើង ។ នៅចំពោះមុខប្រជាពលរដ្ឋ នៅស្រុកខ្សាច់កណ្ដាលក្នុងឱកាសចុះជួយស្ទូងស្រូវ
ប្រជាពលរដ្ឋនៅទីនោះ សម្ដេចនាយករដ្ឋមន្ដ្រីបានមានប្រសាសន៍ថា សម្រាប់អាណត្ដិទី៥ ក្នុងនាមសម្ដេចធ្វើ
ជានាយករដ្ឋនឹងធ្វើឱ្យជីវភាពរបស់ប្រជាពលរដ្ឋកាន់តែធូរធារខ្លាំងឡើង ហើយប្រជាកសិករនឹងទទួលបាន
ផលស្រូវកាន់តែខ្ពស់ឡើង ។ ដោយឡែកប្រាក់ខែកម្មករមន្ដ្រីរាជការ ក៏កាន់តែខ្ពស់ផងដែរ ។
ការសន្យារបស់ សម្ដេចនាយករដ្ឋមន្រ្តីខាងលើនេះ ធ្វើឲ្យប្រជាពលរដ្ឋមានជំនឿយ៉ាងពិតប្រាកដថា នឹងទទួល
បានការដំឡើងប្រាក់ខែជូនកម្មករ ក៏ដូចជាមន្ដ្រីរាជការព្រោះថាសម្តេចតេជោ ឱ្យតែសន្យាគឺធ្វើតែម្ដង ៕
ដោយ៖ស.ស្អាត