កណ្តាល៖ មនុស្ស២នាក់បានស្លាប់ភ្លាមៗនៅនឹងកន្លែងយ៉ាងអាណោចអាធម័ក្នុងហេតុការណ៍គ្រោះថ្នាក់ចរា
ចរណ៍ដ៏រន្ធត់រវាងម៉ូតូសេ១២៥បើកបុកគ្នាជាមួយរថយន្តទួសរីស១៥កៅអ៊ីម៉ាកហ៊ីយ៉ាន់ដាយកាលពីវេលាម៉ោង
៣និង៣០នាទីរសៀលថ្ងៃទី៣០កក្កដា២០១៣ តាមបណ្តោយផ្លូវជាតិលេខ៣ចន្លោះគីឡូម៉ែត្រលេខ២៤-២៥
ស្ថិតក្នុងភូមិកំពង់ទួលឃុំអន្លង់រមៀតស្រុកកណ្តាលស្ទឹង។
សាក្សីឱ្យដឹងថារថយន្តហ៊ីយ៉ាន់ដាយពណ៌សម្បកឪឡឹកពាក់ស្លាកលេខភ្នំពេញ2M- 9543 បើកតាមផ្លូវជាតិ
លេខ៣ទិសដៅពីជើងទៅត្បូងចំណែកម៉ូតូម៉ាកឌ្រីមសេ១២៥ពណ៌ខ្មៅជិះដោយបុរស២នាក់បញ្ច្រាស់ទិស
គ្នាក្នុងល្បឿនលឿនដូចគ្នា។ លុះមកដល់ចំណុចកើតហេតុមិនដឹងជាយ៉ាងម៉េចស្រាប់តែបុកគ្នាចំពីមុខពេញ
ទំហឹងបណ្តាលឱ្យអ្នកជិះម៉ូតូ២នាក់បោកក្បាលស្លាប់ភ្លាមតែម្តង។
ជនរងគ្រោះដែលស្លាប់ត្រូវបានគេស្គាល់ម្នាក់ឈ្មោះខុមទិត្យភេទប្រុសអាយុ៣០ឆ្នាំមានទីលំនៅភូមិត្រាំខ្នា
ឃុំសូភីស្រុកបាទីខេត្តតាកែវនិងម្នាក់ទៀតឈ្មោះទាវហេងភេទប្រុសអាយុ២២ឆ្នាំ។
ដោយឡែកអ្នកបើករថយន្តឈ្មោះមុំហៀកភេទប្រុសអាយុ៤៨ឆ្នាំមានទីលំនៅភូមិត្រែងឃុំស្តេចគង់ខាងជើង
ស្រុកបន្ទាយមាសខេត្តកំពតបន្ទាប់ពីកើតហេតុរត់គេចខ្លួនបាត់ស្រមោល។ សាកសពជនរងគ្រោះទាំង២នាក់
ត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។ រីឯម៉ូតូ និងរថយន្តបង្កបានយកទៅ
រក្សាទុកបណ្តោះអាសន្ននៅស្នាក់ការនគរបាល ដើម្បីរង់ចាំការដោះស្រាយតាមច្បាប់ ៕
ដោយ៖ ស.ស្អាត