ភ្នំពេញ៖ ថ្ងៃទី១៦ ខែមីនា ឆ្នាំ២០១៤ មានគ្រោះថ្នាក់ចរាចរណ៍ នៅទូទាំងប្រទេស បានកើតឡើង ០៨លើក (យប់ ០៦លើក), មានមនុស្សស្លាប់ ០៥នាក់ និង មានមនុស្ស រងរបួសស្រាល ០១នាក់(ស្រី ០នាក់) , របួសធ្ងន់ ១៣នាក់ (ស្រី ០២នាក់) ។គេហទំព័រអគ្គស្នងការដ្ឋាន នគរបាលជាតិ បានឲ្យដឹងថា ក្នុងគ្រោះថ្នាក់ចរាចរណ៍ទាំង ០៨លើក បានបង្កឲ្យ ខូចខាត យានយន្តសរុប ១៣គ្រឿង ក្នុងនោះម៉ូតូ ០៨គ្រឿង , រថយន្តធុនតូច ០៤គ្រឿង, រថយន្តធុនធំ ០១គ្រឿង ។
មូលហេតុ ដែលបណ្តាលឲ្យមានគ្រោះថ្នាក់ មកពីល្បឿន ០៤លើក,មិនគោរពសិទ្ធិ ០១លើក, មិនប្រកាន់ស្តាំ ០២លើក, ប្រជែងគ្រោះថ្នាក់ ០១លើក, បត់គ្រោះថ្នាក់ ០១លើក , ស្រវឹង ០លើក, កត្តាផ្សេងៗ ០១លើក និងអ្នក រួមដំណើរគ្រោះថ្នាក់មិនពាក់ មួកសុវត្ថិភាព ០៨នាក់ (យប់ ០៤នាក់) ។
ចំពោះរថយន្ត ដែលទទួលរងការផាកពិន័យនៅអង្គភាព នៅថ្ងៃទី១៦ ខែមីនា ឆ្នាំ២០១៤នេះ មានចំនួន៣៣៥ គ្រឿងគឺ រថយន្តទេសចរណ៍គ្រួសារ ៣១គ្រឿង, រថយន្តដឹកអ្នកដំណើរធុនតូច ១៣៩គ្រឿង, រថយន្តដឹកអ្នកដំណើរធុនធំ១២០គ្រឿង, រថយន្តដឹកទំនិញធុនតូច៤ ៥គ្រឿង និង រថយន្តដឹកទំនិញធុនធំ ១២០គ្រឿង។ រថយន្តទាំងអស់ខាងលើ បានបង់ប្រាក់ពិន័យរួចរាល់ នៅអធិការដ្ឋាននគរបាលស្រុក១៣គ្រឿង, នៅស្នងការ នគរបាលខេត្ត ៣៣៥គ្រឿង និងនៅនាយកដ្នានសណ្តាប់ធ្នាប់២១គ្រឿង ៕ ដោយ៖ ភីន រ៉ា