ភ្នំពេញ៖ នៅក្នុងយុទ្ធនាការឃោសនាស្វែងរកសំឡេងគាំទ្រពីម្ចាស់ឆ្នោត ក្នុងរយៈពេលប៉ុន្មានសប្តាហ៍
មកនេះ ប្រធានគណបក្សហ៊្វុនស៊ិនប៉ិច សម្តេចព្រះរាជបុត្រី ព្រះអនុជ នរោត្តម អរុណរស្មី បានលើក ឡើង
នូវសារសំខាន់ៗមួយចំនួនដើម្បីផ្ទួកយកការគាំទ្រពីប្រជាពលរដ្ឋនៅតាមរាជធានី\ខេត្ត ទូទាំងប្រទេស។
បន្ទូលនេះក៏ត្រូវសមាជិក សមាជិកការ និងឃោសនិកយកទៅចាក់ផ្សាយតាមក្បួនឃោសនា នៅទូទាំង
ប្រទេស។
សម្តេចព្រះរាជបុត្រី ព្រះអនុជ នរោត្តម អរុណរស្មី បានលើក ឡើងថា នៅថ្ងៃទី ២៨ ខែកក្កដា ឆ្នាំ២០១៣ ខាង
មុខនេះ ព្រះថេរានុត្ថេរៈគ្រប់ព្រះអង្គ និងបងប្អូនជនរួមជាតិទាំងអស់ នឹងត្រូវធ្វើសេចក្តីសម្រេចចិត្តមួយជាប្រវត្តិ
សាស្រ្ត ក្នុងនាមជាពលរដ្ឋ ដែលជាអ្នកស្នេហាប្រទេសជាតិ និងជាម្ចាស់ទឹកដី ដែលមានសិទ្ធសេរីភាពពេញ
លេញក្នុងការជ្រើសរើសអ្នកតំណាងរាស្រ្តរបស់ខ្លួន ដើម្បីដឹកនាំប្រទេសឆ្ពោះទៅកាន់នីតិរដ្ឋ និងសុខសន្តិ
ភាព។
ថ្វីត្បិតតែ ការជ្រើសរើសអ្នកតំណាងរាស្រ្តប្រព្រឹត្តទៅរៀងរាល់ប្រាំឆ្នាំម្តង តែផលប៉ះពាល់នៃសេចក្តីសម្រេច
ចិត្តនេះ នឹងមានឥទ្ធិពលយ៉ាងខ្លាំង និងយូរអង្វែង ទៅលើវាសនាអនាគតប្រទេសជាតិ និងជនរួមជាតិយើង
ទាំងអស់គ្នា។
អាស្រ័យហេតុនេះ ខ្ញុំព្រះករុណាខ្ញុំ សូមថ្លែងទៅកាន់ព្រះសង្ឃគ្រប់ ព្រះអង្គតាមទីអារាម នានាក្នុងព្រះរាជា
ណាចក្រកម្ពុជាទាំងមូល ។ ក្នុងឋានៈជាពុទ្ធសាសនិកជនដ៏មោះមុតមួយរូប តាមព្រះគំរូពីព្រះបិតាខ្ញុំ ខ្ញុំព្រះ
ករុណាពិតជាចង់ ឃើញឲ្យមានការបែងចែកពីគ្នាក្នុង ការគ្រប់គ្រងផ្នែក អាណាចក្រនិងផ្នែកពុទ្ធចក្រ។ ខ្ញុំ
ព្រះករុណាពិតជាចង់ឃើញព្រះថេរានុត្ថេរៈគ្រប់ព្រះអង្គរស់នៅ ដោយស្ងប់ក្នុងទីអារាម បម្រើព្រះពុទ្ធសាសនា
គ្មានការរំខានផ្លូវកាយ ឬផ្លូវចិត្ត បានទទួលការគោរព ស្រឡាញ់ពីគ្រប់ពុទ្ធសាសនិកជន ។ ខ្ញុំព្រះករុណា ពិត
ជាចង់ឮសូរសព្ទព្រះធម៌បន្លឺឡើងយ៉ាងរងំ ក្នុងទីអារាម នៅក្នុងបរិយាកាស ប្រកបដោយសន្តិភាពដូចដែល
មានក្នុងវគ្គទី៣ នៃបទនគររាជរបស់យើង ។ ជាចុងក្រោយ ខ្ញុំព្រះករុណាពិតជាចង់ឃើញព្រះពុទ្ធ សាសនា រឹតតែ បានរីកចម្រើន ។
ចំពោះលោកគ្រូ អ្នកគ្រូ ជាទីស្រឡាញ់ គឺលោកគ្រូ អ្នកគ្រូនេះហើយ ដែលបានបង្ហាត់ បង្រៀនកុលបុត្រខ្មែរ
ទុកដូចជាកូនរបស់ខ្លួន ឲ្យក្លាយទៅជាទំពាំងស្នងឫស្សី ។ គឺលោកគ្រូ អ្នកគ្រូ នេះហើយដែលជាវិចិត្រករ
ធ្វើឲ្យសង្គមខ្មែរ ចេញពីភាពងងឹតមកភាពមានពន្លឺ គឺប្រែក្លាយសង្គម អវិជ្ជា មកជាសង្គមចេះដឹង ស្គាល់វប្បធម៌
អារិយធម៌ មិនភ្លេចអត្តសញ្ញាណ កំណើតរបស់ពួកគេទាំងអស់គ្នា ។ លោកគ្រូ អ្នកគ្រូ ពិតជាពុំចង់បានអ្វីក្រៅពី
ជីវភាពផ្ទាល់ និងគ្រួសារ បានសមរម្យ និង ថ្លៃថ្នូរឡើយ ។
ខ្ញុំសូមថ្លែងទៅកាន់មន្រ្តីរាជការស៊ីវិលដ៏ទែទៀត មន្រ្តីយោធា មន្រ្តីនគរបាល អស់លោក លោកស្រីទាំងអស់
សុទ្ធតែបានខិតខំបំពេញតួនាទីរបស់ខ្លួនដោយសេចក្តីស្មោះត្រង់ ធ្វើឲ្យប្រទេសជាតិមានវឌ្ឍនភាពរីកចម្រើន
ក្នុងពេលខ្លះបានទាំងយកអាយុជីវិតមកប្តូរ ដើម្បីបុព្វហេតុ ការពារទឹក ដីមាតុភូមិជាទីស្នេហានៃយើង ។
ពលីកម្មរបស់បងប្អូន ពិតជាមានទំហំធំធេង ក្នុងការធ្វើឲ្យ ប្រជារាស្រ្តទាំងអស់ បានរស់ក្នុងសុវត្ថិភាពសង្គម
និងសុខសន្តិភាព ។ ខ្ញុំដឹងថាបងប្អូន ពិតជាចង់បាន ដូចលោកគ្រូ អ្នកគ្រូដែរ នូវជីវភាពរបស់ខ្លួន និងគ្រួសារ
បានសមរម្យ និងថ្លៃថ្នូរ ។
ខ្ញុំសូមថ្លែងទៅកាន់យុវជន យុវនារី ដែលជាសរសរទ្រូងនៃសង្គម កម្ពុជា ។ ទាំងក្មួយៗដែល ចេញពីត្រកូល
អ្នកមានធនធាន ទាំងក្មួយៗ ចេញពីត្រកូលអ្នកក្រីក្រ សុទ្ធតែមានបំណងប្រាថា្ន តែ មួយគត់ គឺលទ្ធភាពបន្ត
ការសិក្សាជាន់ខ្ពស់ ដើម្បីអនាគតភ្លឺស្វាងរបស់ខ្លួន ។ រីឯក្មួយៗ ដែលបាន បញ្ចប់ការសិក្សា សុទ្ធសឹងតែចង់
បានមុខរបរប្រកបវិជ្ជាជីវៈ ក្នុងសង្គមយុត្តិធម៌ គ្មានការរើសអើង បក្ខពួកនិយម ។
ខ្ញុំសូមថ្លែងទៅកាន់អតីតយុទ្ធជន និងយុទ្ធជនពិការ ។ ខ្ញុំដឹងយ៉ាងច្បាស់ថា គឺបងប្អូននេះ ហើយ ដែលបាន
ចូលរួមសកម្មក្នុងសមរភូមិ ដើម្បីការពារទឹកដី និងប្រជាពលរដ្ឋខ្មែរ ។ បងប្អូនពិត ជាចង់ឃើញការយកចិត្ត
ទុកដាក់ពីរាជរដ្ឋាភិបាល ដើម្បីជាការសម្តែងកត្តញ្ញូតាធម៌ឆ្លើយតប ចំពោះពលីកម្មរបស់បងប្អូន ។
ខ្ញុំសូមថ្លែងទៅកាន់កម្មករ កម្មការិនី ។ គណបក្សរាជានិយមហ៊្វុនស៊ិនប៉ិច ដែលបានរួម ចំណែកក្នុងការធ្វើ
ច្បាប់វិនិយោគតាំងពីឆ្នាំ១៩៩៤ពិតជាមានបំណងជាក់លាក់ ក្នុងការបង្កើតការងារ សម្រាប់បងប្អូន ដើម្បី
បានប្រាក់កម្រៃសម្រួលជីវភាពផ្ទាល់ខ្លួន និងគ្រួសារ ។ ក្នុងឋានៈខ្ញុំជាប្រធាន គណបក្សហ៊្វុនស៊ិនប៉ិច ពិត
ជាចង់ឃើញជីវភាពបងប្អូន បានធូរស្រាលជាលំដាប់ ។
ជាចុងក្រោយ ដោយខ្ញុំជាស្រ្តីម្នាក់ ខ្ញុំសូមថ្លែងទៅកាន់ស្រ្តីខ្មែរទូទាំងព្រះរាជាណាចក្រកម្ពុជា ។ ស្រ្តីជានិមិត្តរូប
និងជាគំរូនៃសេចក្តីក្លាហាន បានខឹតខំពុំពារដោយអង់អាចជាទីបំផុត ឆ្លងកាត់ការ ឈឺចាប់ខ្លោចផ្សារ ដើម្បី
ការពារនូវអ្វីដែលខ្លួនស្រឡាញ់ ។ នៅសម័យខ្មែរក្រហម បងប្អូនមានការភ័យរន្ធត់ញាប់ញ័រ ព្រួយបារម្ភពីការ
បាត់បង់សមាជិកគ្រួសារ ពីការអត់ឃ្លាន តែបងប្អូននៅតែមាន ជំហររឹងប៉ឹង ។ នៅពេលនេះ ខ្ញុំមើលឃើញនូវ
អ្វីដែលស្រ្តីចង់បាន ហើយដែលខ្លួនខ្ញុំផ្ទាល់ជាស្រ្តី ចង់បានដូចគ្នាដែរនោះ គឺការគោរពសិទ្ធិសេរីភាពរបស់ស្រ្តី
និងសុភមង្គលក្នុងគ្រួសារ ដ៏សែន មនោរម្យ នៃយើង ។ តទៅអនាគតយើង ចង់បានសេចក្តីសុខក្នុងគ្រួសារលើ
សពីអតីតកាល ។
សម្តេចប្រធានបានបញ្ជាក់ថា ព្រះថេរានុត្ថេរៈគ្រប់ព្រះអង្គ និងបងប្អូនជនរួមជាតិជាទីគោរពស្រឡាញ់ មេត្តា
ថ្លឹងថ្លែងឱ្យបានហ្មត់ចត់អស់ពីដួងចិត្តនូវផលប៉ះពាល់ ដែលអាចកើតមានឡើងនៅពេលណាដែលអំណាចរដ្ឋ
ធ្លាក់ទៅក្នុងកណ្តាប់ដៃនៃគណបក្សណាមួយដែលប្រកាន់នូវ ឥរិយាបទនយោបាយជ្រុលនិយម ដែលមិនមែន
ជាប្រយោជន៏ពិតប្រាកដនែជាតិមាតុភូមិ និងព្រះ ថេរានុត្ថេរៈ និងបងប្អូនជនរួមជាតិយើង ។ នៅពេលនោះ
ប្រទេសយើងត្រូវការឱ្យមានកម្លាំងកណ្តាលមួយដែលជាកម្លាំងអព្យាក្រិតសម្រាប់ពង្រឹងតុល្យភាពក្នុងសង្គម
គឺការបង្រួបបង្រួមផ្សះផ្សាជាតិ ដើម្បីឧត្តមប្រយោជន៏តែមួយប៉ុណ្ណោះសម្រាប់ជាតិ និងប្រជាពលរដ្ឋ ។
សម្តេច ព្រះអនុជ បានរំលឹកថា បងប្អូនជនរួមជាតិមេត្តាជ្រាបថា បន្ទាប់ពីកម្ពុជាយើង បានរំដោះផុតពីសង្គ្រាម
រុំារៃអស់រយៈពេលជាងពីរទសវត្សរ៍កន្លងមក យើងទាំងអស់គ្នាក៏បានទទួលនូវសុខសន្តិភាព ។ នេះជាលទ្ធ
ផលជាក់ស្តែង ទុកជាកេរ្តិ៍ដំណែលជូនកូនចៅជំនាន់ក្រោយ និងជាលទ្ធផលនៃការប្រឹងប្រែងព្យាយាមយ៉ាង
អង់អាចក្លាហាន ម៉ឺងម៉ាត់ របស់សម្តេចឪ សម្តេចតា សម្តេចតាទួត ដែលជា ព្រះបិតាឯករាជ្យជាតិ ព្រះបិតា
ស្ថាបនិកនៃរណសិរ្សរួបរួមជាតិ ដើម្បីកម្ពុជាឯករាជ្យ អព្យាក្រឹត សន្តិ និងសហប្រតិបត្តិ គឺ ហ្វ៊ុនស៊ិនប៉ិច ៕
ដោយៈ ស-ស្អាត