ភ្នំពេញ៖ បើទោះជាមានសម្ពាធដ៏ធំពីរ ដែលគេយល់ថា នឹងធ្វើអោយកម្លាំងគាំទ្រគណបក្សរាជានិយម ថមថយ
ក៏ដោយ ក៏លោកឧបនាយករដ្ឋមន្ត្រី ញឹក ប៊ុនឆៃ អគ្គលេខា ធិការគណបក្សហ្វ៊ុន ស៊ិនប៉ិច នៅតែអះអាង និង
មានជំនឿថា អាសនៈចំនួន១របស់លោកនៅខេត្តបន្ទាយមានជ័យនឹងនៅតែរក្សាបានក្នុងអាណត្តិទី៥នេះ។
.jpg)
សម្ពាធធំៗទាំងពីរនោះ គឺសន្ទុះអ្នកគាំទ្រគណបក្សប្រជាជនកម្ពុជា បានកើនឡើងកាន់តែខ្លាំងនៅខេត្តភាគ
ពាយ័ព្យមួយនេះ ដែលគេរំពឹងថា នឹងស្រូបយកអាសនៈចំនួន៥ ក្នុងចំណោមអាសនៈចំនួន៦ នៅក្នុងខេត្ត ឯ
សម្ភាធធំមួយទៀត គឺការបង្រួបបង្រួមគ្នា រវាងគណបក្សសម រង្ស៊ី និងគណបក្សសិទ្ធិមនុស្សទៅជាគណបក្ស
តែមួយគឺគណបក្សសង្រ្គោះជាតិ ជាពិសេសគឺការវិលត្រឡប់មកវិញរបស់លោកសម រង្ស៊ី ប្រធានគណបក្ស
សង្រ្គោះជាតិ ដែលគេអាចប៉ាន់ស្មានបានថា នឹងធ្វើអោយកម្លាំងបក្ស ប្រឆាំងមានសន្ទះខ្លាំងជាងមុន។
នៅក្នុងកិច្ចសម្ភាសន៍ជាមួយក្រុមអ្នកសារពត៌មានកាលពីម្សិលមិញនៅខេត្តបន្ទាយមានជ័យលោកញ៉ឹក ប៊ុនឆៃ
មិនបានសំដែងការព្រួយបារម្ភទេ ដោយលោកសំអាងទៅលើវត្តមានរបស់ព្រះរាជបុត្រី ព្រះអនុជ នរោត្តម
អរុណរស្មី ប្រធានគណបក្សហ្វ៊ុនស៊ិនប៉ិច ប្រជាប្រិយភាពរបស់លោកនៅក្នុងខេត្តភាគខាងលិច និងការបង្រួប
បង្រួមគ្នារវាងគណបក្សរាជានិយមទាំងពីរ ដែលបានបែកបាក់គ្នាកន្លងមកគឺគណបក្ស ហ្វ៊ុនស៊ិនប៉ិច និងគណ
បក្សនរោត្តម រណឬទ្ធិ ឡើងវិញ។
លោក ញឹក ប៊ុនឆៃ បន្តថា ឆ្លងតាមរយៈយុទ្ធនាកឃោសនាស្វែងរកការគាំទ្រពីប្រជាពលរដ្ឋជាង២សប្តាហ៍កន្លង
មកនេះ លោកមើលឃើញថា ប្រជាប្រិយ៍ភាពរបស់សម្តេច ព្រះរាជបុត្រី ព្រះអនុជ នរោត្តមអរុណរស្មី ប្រធាន
គណបក្សហ្វ៊ុនស៊ិនប៉ិច មានការកើនឡើងខ្លាំងពិសេសនៅខេត្តភាគខាងលិច បងប្អូនប្រជាពលរដ្ឋហាក់ងាក
មកគាំទ្រព្រះអង្គច្រើន ។ ម៉្យាងទៀតកម្លាំងសមាជិក សមាជិការ ដែលគាំទ្រលោកនៅខេត្តបន្ទាយមានជ័យកាលពីអាណត្តិមុនគឺនៅរក្សាបានដដែលមិនមានចេញទៅណានោះទេមានតែចូលមកបន្ថែមជាច្រើននាក់
ទៀត។
ជាមួយគ្នានោះ ក្រុមអ្នកគាំទ្រគណបក្សហ៊្វុនស៊ិនប៉ិចលោក មូល ឈឿន និយាយថា ដោយមើលឃើញពីគោល
នយោបាយច្បាស់លាស់ត្រឹមត្រូវ និងមានបំណងដើរតាមលំអានមាគ៌ាសីហនុនិយម គឺការផ្សះផ្សារជាតិ បង្រួប
បង្រួមជាតិ មិនបែងចែកពណ៌សម្បុរ និន្នាការនយោបាយ ហើយមិនលំអៀងទៅរកមហាអំណាចណាមួយ គឺ
មានកិច្ចសហប្រតិបត្តការទាំង ក្នុងតំបន់ និងនៅលើសកលលោក។ ដូច្នេះហើយទើបរូបលោក ក៏ដូចជាសមា
ជិកសមាជិកា ជាច្រើនទៀតបានសំរេចចិត្តឥតងាករេគាំទ្រគណបក្សរាជានិយមហ៊្វុនស៊ិនប៉ិច និងបន្តរួមសហ
ការណ៍គ្នាការពារគណបក្សរាជានិយមមួយនេះឲ្យនៅគង់វង្សយូអង្វែង ព្រោះជាស្នាព្រះហស្ថតែមួយគត់របស់
ព្រះករុណា ព្រះបាទ សម្តេចព្រះ នរោត្តម សីហនុ សម្តេចតា សម្តេចតាទួតនៃយើង និងជាកេរ្តិ៍ដំណែលមិនអាច
កាត់ថ្លៃបានដែលព្រះអង្គបានធ្វើពលីកម្មគ្រប់យ៉ាងបង្កើតឡើងជាមាគ៌ានៃការបង្រួបបង្រួមជាតិ ផ្សះផ្សារ និង
បង្កើតទំនាក់ទំនងការទូតជាមួយបណ្តាប្រទេសនៅលើសកលលោករហូតមកដល់សព្វថ្ងៃនេះ ។
បើទោះជាមានសម្ពាធខ្លាំងពីគណបក្សនយោបាយដទៃទៀតជាច្រើនក៏ដោយលោកញឹកប៊ុនឆៃនៅតែអះអាង
ថាគណបក្សរាជានិយមហ៊្វុនស៊ិនប៉ិចនៅតែមានវត្តមានជានិច្ចនៅក្នុងរដ្ឋសភាក្នុងអាណត្តិទី៥នេះក៏ដូចជា
អាណត្តិបន្តបន្ទាប់ទៀត ដោយសារមានរាជបុត្រីមួយអង្គដ៏ឆ្នើមរបស់សម្តេចឪនិងជាស្រ្តីទី១នៅកម្ពុជាដែល
ក្លាហានបានប្រឡូកយ៉ាងស្រួចស្រាវក្នុងឆាកនយោបាន៕
.jpg)
.jpg)
ដោយ៖ ស-ស្អាត