ប៉ោយប៉ែត៖ អំពើឃាតកម្ម២ករណីទីលើស្រ្តីវ័យក្មេង២នាក់ស្លាប់ស្ថិតក្នុងភាពអាថកំបាំងហើយត្រូវបានគេ
ប្រទះឃើញបន្តបន្ទាប់គ្នា ដោយស្រ្តីម្នាក់ត្រូវឃាតករវាយ និងចាក់សម្លាប់នៅលើគ្រែពួក ក្នុងបន្ទប់ដេក ផ្ទះ
របស់នាង គ្រាដែលស្រ្តីរូបនេះជិតដល់ពេលថ្ងៃចូលរោងការ ពោលគឺនៅខ្វះតែមួយសប្តាហ៍ទៀតប៉ុណ្ណោះ
ហើយនាងក៏ជាស្រ្តីមេម៉ាយកូន២នាក់ និងស្រ្តីម្នាក់ទៀតត្រូវបានគេប្រទះឃើញស្លាប់ទាំងអាក្រាតកាយនៅ
ពីក្រោយគំនរសំរាមដោយមានធំក្លិនស្អុយ ហើយនារីត្រូវបានគេស្គាល់ថា ជាស្រ្តីបំរើការខារ៉ាអូខេ ពន្លឺនាគទិព្វ២ ការស្លាប់នេះត្រូវបានគេសង្ស័យថាជាអមពោះរំលោភហើយសម្លាប់ប្លន់យកទ្រព្យរបស់នាង ។
បើតាមសេចក្តីរាយការពីភ្នាក់ងារអរិយធម៌នៅខេត្តបាត់ដំបង និងក្រុងប៉ោយប៉ែតបានឲ្យដឹងថា មានស្ត្រីមេម៉ាយកូន២ម្នាក់ បានស្លាប់យ៉ាងអាថ៍កំបាំងនៅក្នុងបន្ទប់ដេកដែលពោរពេញ ដោយស្នាមវាយ និង ចាក់
ស្របពេលដែលនាងបានចែកធៀបការជិតចូលរោងការទៅហើយ ពោលគឺខ្វះតែមួយសប្តាហ៍ទៀតត្រូវបាន
ឪពុកប្រទះឃើញសពនៅវេលាម៉ោង៤ រសៀល ថ្ងៃទី១១ ខែកក្កដា ឆ្នាំ២០១៣ ស្ថិតក្នុងភូមិ រស្មីសង្ហា ឃុំរស្មី
សង្ហា ស្រុករតនៈមណ្ឌល ខេត្តបាត់ដំបង។ បើតាមសំដីរបស់ ប្រជាពលរដ្ឋនៅក្នុងភូមិបាននិយាយថា នារី
រងគ្រោះដែលមានឈ្មោះ លឹម សារ៉ាន់ អាយុ៣៨ឆ្នាំ នោះកឺជាស្ត្រីមេម៉ាយកូន២ ប៉ុន្តែចំពោះកូនទាំងពីររបស់
នាងគឺរស់នៅជាមួយជីតា ឯនាងរស់នៅផ្ទះផ្សេងបែកពីឪពុករស់នៅម្នាក់ឯង។ ប្រភពដដែលបានបន្តថា ការលែងលះ ជាមួយប្តីរបស់នាងនេះនៅមិនទាន់ដាច់ស្រេចហើយឬនៅនោះទេ ដោយគ្រាន់តែដឹងថាប្តីប្រពន្ធ
របស់នាងមិនដែលរវីរវល់ដាច់គ្នានោះ ឡើយ។ ម្យ៉ាងវិញទៀតរូបសម្ផស្សរបស់នាងក៏មិនចាញ់តារាប៉ុន្មាន
ឡើយដែល ធ្វើអោយប្រុសៗក្នុងភូមិលបលួចប្រតិព័ទ្ធ និង សរសើរគ្រប់ៗគ្នា។
សេចក្តីរាយការពីខេត្តបាត់ដំបងដដែលនេះបញ្ជាក់ថា ថ្មីៗនេះ អ្នកភូមិបានឃើញនារីរងគ្រោះដើរចែកធៀបការ
ដោយចូល រោងថ្ងៃទី១៧ ខែកក្កដា ឆ្នាំ២០១៣ ខាងមុខនេះ។ អ្វីដែលសំខាន់គឺនាងបាននិយាយថា គូដណ្តឹង
រស់នាងគឺជាបុរសពោះម៉ាយនៅឯខេត្តប៉ៃលិន ប៉ុន្តែព័ត៌មានខាងក្រៅគឺគូដណ្តឹងរបស់នាងរស់នៅម្តុំ ភ្នំក្រពើ
ហើយសង្ស័យជាប្តីគេថែមទៀតផង ដោយសារតែមុខរបស់នាងមានមន្តស្នេហ៍ទើបធ្វើអោយ ប្រុសៗជាច្រើន
មានការច្រណែនផងនោះ។
ប្រភពដដែលបន្តថា កាលពីល្ងាចថ្ងៃទី១០ ខែកក្កដា ឆ្នាំ២០១៣ គេបានឃើញនាងដើរនៅក្នុងភូមិជាធម្មតា លុះ
ឈានចូលដល់ព្រឹកថ្ងៃទី១១ ខែកក្កដា ក៏ស្រាប់តែបាត់នាងលែងឃើញរហូតតែម្តង។ នៅប្រហែលម៉ោង៤
រសៀល ដោយមានការងឿងឆ្ងល់ពេកឪពុករបស់នាងបានដើរទៅបើកទ្វារផ្ទះ របស់នាង ក៏ស្រាប់តែប្រទះ
ឃើញនាងដេកស្លាប់នៅក្នុងថ្លុកឈាមឡើងរឹងទៅហើយ ដោយមិនដឹងថាឃាតករចូលមកសំលាប់នាងតាំងពី
ថ្មើរណានោះឡើយ ទើបមានការភ្ញាក់ផ្អើល នឹងឆោរឡោឡើង។
តាម ការពិនិត្យស្លាកស្នាមទៅលើសពនារីរងគ្រោះរបស់សមត្ថកិច្ចមូលដ្ឋាន បានអះអាងថា នាងត្រូវឃាតករ
សំលាប់ដោយប្រើវត្ថុរឹងវាយ និង ចាក់ជាច្រើនកន្លែងរហូតដល់ស្លាប់ ប៉ុន្តែគេពុំទាន់សន្និដ្ឋានថាបណ្តាលមកពី
មូលហេតុអ្វីនោះឡើយ។
ក្រោយពីសមត្ថកិច្ច ទាំងខាងអាវុធហត្ថ ស្រុក និងខេត្ត និងនគរបាលស្រុកបានសហការគ្នា ចុះពិនិត្យដល់
កន្លែងកើតហេតុ និងធ្វើការស្រាវជ្រាវព្រមទាំងធ្វើ កោសលវិច័យ លើសពជនរងគ្រោះ ឃើញមានស្នាមម្រាម
ដៃច្របាច់កនិងមានទឹកកាម នៅមាត់ប្រដាប់ភេទ ជនរងគ្រោះ ហើយមានពូថៅនៅជិតកន្លែងកើតហេតុ១ផង
ដែរ។ និងបានបន្តសាកសួរ ជនពាក់ព័ន្ធដូច ជាប្តីទី១ ទី២និងប្តីទី៣ (គូដណ្តឹង) តើអ្នកជិះម៉ូតូ ចូលផ្ទះជនរង
គ្រោះមុនពេលកើតហេតុនោះជានណា ? បច្ចុប្បន្នសមត្ថកិច្ចពុំទាន់បានធ្វើការសន្និដ្ឋាន និងព័ត៌មាន ពុំជាក់
លាក់ណាមួយនៅឡើយទេដោយកំពុងធ្វើការស្រាវជ្រាវ នៅឡើយ។ ឯព័ត៌មាន ពិស្តារយើងរង់ចាំតាមដានបន្ត
ទៀតនៅពេលក្រោយ។
ដោយករណីឃាតកម្មមួយទៀតតាមសេចក្តីរាយការណ៍ពីក្រុងប៉ោយប៉ែតខេត្តបន្ទាយមានជ័យបានឲ្យដឹងថា
នារីម្នាក់ដែលគេដឹងថា នាងខារ៉ាអូខេម្នាក់ ត្រូវគេវាយសំលាប់ កបក្នុងគំនរសំរាម រហូតដល់សាកសពហើម
ស្អុយ រលួយ ធំក្លិនដល់ប្រជាពលរដ្ឋ ភ្ញាក់ផ្ញើលទៅចោមរោមមើលទើបដឹងថា មានមនុស្សស្រីម្នាក់ស្លាប់
ត្រូវគេកប់ក្នុងគំនរ សំរាមដោយពុំដឹងពីមូលហេតុ គេសង្ស័យថាជាករណីរំលោភនិងប្លន់យកម៉ូតូ។
ហេតុការណ៌ភ្ញាក់ផ្ញើលខាងលើ នេះបានកើតឡើងកាលពីពីព្រឹកថ្ងៃទី១២ ខែ កក្តដាឆ្នាំ២០១៣ នៅចំនុចផ្លូវលំ
គ្រូសក្រហម ឆ្ពោះទៅវិទ្យាល័យអូរជ្រៅ ស្ថិតក្នុងភូមិបាលិលេយ្យ២ សង្កាត់ប៉ោយប៉ែត ក្រុង ប៉ោយប៉ែត ខេត្ត
បន្ទាយមានជ័យ។សមត្ថកិច្ចបានប្រាប់ថា នាងរងគ្រោះ មានឈ្មោះ សុផានី អាយុ២៦ ឆ្នាំមានស្រុកកំណើត
នៅខេត្តពោសាត់ ជានារីបំរើការងារ នៅក្នុងភោជនីយដ្ឋានខារ៉ាអូខេ ពន្លឺនាគទិព្វ២ ក្រុងប៉ោយប៉ែត ។
ប្រភពព័ត៌មានបានអោយដឹងថា មុនពេលនារីរងគ្រោះបាត់ខ្លួន គឺក្នុងអំឡុងថ្ងៃទី៨ ខែកក្តដា ស្រ្តីរងគ្រោះបាន
ជួល ម៉ូតូម៉ាកស្កូបពី សេរីឆ្នាំ២០១៣ មួយគ្រឿងដើ្បម្បីជិះដើរកំសាន្ត ហើយបាត់ខ្លួន រហូត មិនដឹងជាទៅទីណា
ទូរស័ព្ទក៏call ចូល រហូតដល់ព្រឹកថ្ងៃទី១២ ខែកក្តដា ឆ្នាំ២០១៣នេះ មានប្រជាពលរដ្ឋ ដើរដាក់បង្កៃដាក់ទ្រូ ក្នុង
ព្រៃ ធំក្លិនស្អុយទើងដឹងថាមានមនុស្សស្លាប់ ក៏បានរាយការណ៏ ប្រាប់សមត្ថកិច្ច និងផ្អើលដល់ប្រជាពលរដ្ឋ មក
ចោមរោមមើល ។
យោងតាមការសន្និដ្ឋាន ជំហ៊ានដំបូង គេសង្ស័យថា ជាករណីរំលោភ ហើយប្លន់យកម៉ូតូ ពីព្រោះនាងៗ ខារ៉ា
អូខេចូលចិត្តបោកប្រុសចាស់ៗ ទៅចិញ្ចឹមប្រុសក្មេងខ្លាំងណាស់ ។នៅកន្លែងកើតហេតុ ទាំងសមត្ថកិច្ច ប៉ូលិស
និងប៉េអឹម មិនអាចបំភ្លឺបានទេ ដោយរងចាំលោកព្រះរាជអាជ្ញារងខេត្តបន្ទាយមានជ័យ ចុះមកត្រួតពិនិត្យ និង
ធ្វើ កោសល្យវិច័យសិន មុននិងប្រគល់សាកសពអោយទៅសាច់ញាតិបងប្អូន។
ដោយឡែក ម្ចាស់ហាងខារ៉ា ពន្លឺនាគទិព្វ២ លោក សេក ម៉េង បានបំភ្លឺតាមទូរស័ព្ទថា ស្រ្តីរងគ្រោះ ខាងលើពិត
ជាធ្វើការងារនៅក្នុងហាងរបស់លោក ពិតប្រាកដមែន ប៉ុន្តែនាងរងគ្រោះរូបនេះ បានលាឈប់ បំរើការងារ ក្នុង
ហាងរបស់លោក ជាយូរថ្ងៃមកហើយគឺចាប់តាំងពីថ្ងៃទី៧ ខែកក្តដាម្លេះ ។លោកក៏ បាន សំណូមពរ អោយ
សមត្ថកិច្ចធ្វើការស្រាវជ្រាវ អោយបានល្អិតល្អន់ដើម្បីស្វែងរកមុខឃាតក យកមក ផ្តន្ទាទោស តាមផ្លូវច្បាប់៕
ដោយ៖ស.ស្អាត