ភ្នំពេញៈ ក្រសួងអប់រំ យុវជន និងកីឡា បានលើកពេលសម័យប្រឡងសញ្ញាប័ត្រមធ្យមសិក្សាបឋមភូមិឌីប្លូម(Diphome) ដែលគ្រោងធ្វើនៅក្នុងកំឡុងខែកក្តដានេះលើកទៅថ្ងៃទី១៦ខែកញ្ញាឆ្នាំ២០១៣វិញ។ដោយឡែកការប្រឡងសញ្ញាប័ត្រមធ្យមសិក្សាទុតិយភូមិបាក់ឌុប( Bac II) នៅរក្សាដដែលគឺប្រឡងនៅថ្ងៃទី០៦ ទី០៧និងទី០៨ខែ សីហាក្រោយនេះ ។
លោក ជា ជាតិ ប្រធានមន្ទីរអប់រំយុវជននិងកីឡារាជធានីភ្នំពេញបានមានប្រសាសន៍ថា ការប្រឡងសញ្ញាប័ត្រមធ្យមសិក្សាបឋមភូមិឌីប្លូមនេះ ប្រសិនបើអត់មានការបោះឆ្នោត ពិតជា ប្រព្រត្តិទៅបានរលូន។លោកបន្តឲ្យដឹងទៀតថា ថ្ងៃប្រឡងនោះគឺសាលារៀនមួយចំនួននៅរាជធានីភ្នំពេញ ត្រូវជាប់គណៈមេប្រយោគរបស់គណៈកម្មារធិការជាតិរៀបចំការបោះឆ្នោត គ ជ ប ខ្ចីយកធ្វើជាមណ្ឌល ឬកន្លែងបោះឆ្នោត។ លោកបញ្ចាក់ថា ការផ្លាស់ប្តូរការប្រឡងនៅពេលមានការបោះឆ្នោតនេះ វាជារឿងធម្មតា ព្រោះសាលារៀន ត្រូវបាន គ ជ បយកធ្វើជាកន្លែងមណ្ឌលសម្រាប់បោះឆ្នោត។ ម្យ៉ាងទៀតឲ្យ តែមានការរៀបចំការបោះឆ្នោតក្រសួងអប់រំតែងតែរៀបចំការប្រឡងបាក់ឌុបមុនការប្រឡងឌីប្លូម។ ប៉ុន្តែបើមិនមានការបោះឆ្នោតទេ ក្រសួងរៀបចំធម្មតាវិញមានន័យថាប្រឡងឌីប្លូមមុនបាក់ឌុប ហើយការប្រឡង នេះអាចលើកទៅបានចំណែកការបោះឆ្នោតទាក់ទងទៅនឹងការជ្រើសរើសថ្នាក់ដឹកនាំប្រទេសជាតិជា បញ្ហាធំជាងដូច្នេះត្រូវដោះស្រាយបញ្ហាប្រទេសជាតិឲ្យបានរួចរាល់ជាមុនសិនហើយមន្ទាប់ពីការ បោះ ឆ្នោតចប់ បានរួចរាល់ខាងក្រសួងអប់រំក៏ដូចមន្ទីរនឹងចាប់ផ្តើមរៀបចំការប្រឡងសាជាថ្មីឡើងវិញ។
តាមគេហ៏ទំព័រកម្ពុជាថ្មីបានបញ្ចាក់ថាលោក អ៊ឹង ង៉ូវហុកប្រធាននាយកដ្ឋានមធ្យមសិក្សាចំណេះទូទៅនៃក្រសួងអប់រំយុវជននិងកីឡាបានលើកឡើងថា នៅឆ្នាំដោយសាប្រទេសយើងជាប់រៀបចំការបោះឆ្នោតជ្រើសរើសតំណាងរាស្ត្រនិតិកាលទី៥ ដែលនឹងប្រព្រឹត្តទៅនៅថ្ងៃទី២៨ខែកក្តដាឆ្នាំ២០១៣ខាងមុខនេះ ទើបក្រសួងអប់រំតម្រូវឲ្យលើកពេលប្រឡងឌីសប្លូមទៅថ្ងៃទី១៦ខែកញ្ញាវិញដែលការប្រឡងប្រឡងឌីសប្លូមកាលពីឆ្នាំមុនក្រសួងអប់រំបានរៀបចំនៅថ្ងៃទិ១៦ខែកក្តដាឆ្នាំ២០១២ដែលមានបេក្ខជនជនចូលរួមប្រឡងមានចំនួន ១៣២.៩៧៤នាក់ក្នុងនោះនៅរាជធានីភ្នំពេញមានចំនួន១៧.០៣៧នាក់។លោកប្រធាននាយកដ្ឋានបានបញ្ជាក់ថាសម្រាប់បេក្ខជនចូលរួមប្រឡងនៅឆ្នាំនេះមានចំនួនប្រហាក់ប្រហែលនឹងឆ្នាំមុន។ដោយឡែកការប្រឡងសញ្ញាប័ត្រមធ្យមសិក្សាទុតិយភូមិវិញមិនមានការផ្លាស់ប្តូរពេលវេលានោះទេគឺក្រសួងបានរៀបសម័យប្រឡងដូចកាលពីឆ្នាំមុនដែរគឺសម័យប្រឡងនៅថ្ងៃទី០៦ទី០៧និងទី០៨ខែសីហាឆ្នាំ២០១៣នេះ។ លោកអ៊ឹងង៉ូវហុក បន្តប្រាប់ឲ្យដឹងទៀតថាការប្រឡងបាក់ឌុបនៅឆ្នាំនេះ មានបេក្ខជនចូលរួមប្រឡងប្រហាក់ប្រហែលនឹងឆ្នាំ២០១២ពោលគឺមានចំនួនប្រមាណជាង១១ម៉ឺននាក់។ក្នុងនោះនៅរាជធានីភ្នំពេញមានចំនួន៣៣៤៦៩នាក់៕
ដោយ៖ ស.ស្អាត