សហរដ្ឋអាមេរិក៖ មន្រ្តីយោធាមួយរូបរបស់សហរដ្ឋអាមេរិកបាននិយាយអោយដឹងថា រហូតមកដល់ថ្ងៃនេះកងទ័ព
របស់ ប្រទេសអ៊ីសសាអែលគឺនៅតែបន្តវាយប្រហារតាមអាកាសលើតំបន់មួយចំនួនក្បែរទីក្រុង Latakia របស់ប្រទេស
ស៊េរី។ មន្រ្តីយោធាដដែលបានអោយដឹងទៀតថា សង្រ្គាមរវាងប្រទេសទាំង២នេះគឺបានកើតឡើងតាំងតែពីថ្ងៃពុធមក
ម្លេះ។ កាលពីថ្ងៃសុក្រនេះក្រុមឃ្លាំមើលសិទ្ធមនុស្សរបស់ប្រទេសស៊េរីបាននិយាយថា កងទ័ពរបស់ប្រទេសអ៊ីសសាអែល បានទំលាក់គ្រាប់បែកជាច្រើនគ្រាប់លើតំបន់ Snubar Jableh របស់ប្រទេសស៊េរីក៏ប៉ុន្តែប្រទេសទាំង២ គឺមិនទាន់បានផ្តល់ ព័ត៌មានលំអិតនៅឡើយទេអំពីបញ្ហានេះ។ លោក Jim Muir ភ្នាក់ងារសារព័ត៌មានរបស់ BBC ប្រចាំទីក្រុង Beirut បាន
និយាយថា ប្រទេសរូស្ស៊ីគឺជាអ្នកផ្តល់ជំនួយមួយយ៉ាងសំខាន់ដល់លោកប្រធានាធិបតី Bashar al-assadដើម្បីទប់ទល់
នឹងកងយោធារបស់ប្រទេសអ៊ីសសាអែល។
អ្នកតំណាងពិសេសរបស់ប្រទសស៊េរីលោក Lakhdar Brahimiបានប្រាប់ភ្នាក់ងារសារព័ត៌មាន BBCថា គាត់បានត្រៀម
ខ្លួនរួចរាល់ហើយសំរាប់កិច្ចប្រជុំសន្តិភាពអន្តរជាតិនៅទីក្រុងហ្សឺណែវ ប្រទេសស្វ៊ីសនៅថ្ងៃទី២៣ ខែវិច្ឆិកាខាងមុខនេះក៏
ប៉ុន្តែគាត់បាននិយាយបន្តទៀតថាគាត់មិនទាន់ប្រាកដ១០០ភាគរយនៅឡើយទេថាវានឹងអាចកើតឡើងដូចអ្វីដែលយើង
បានគ្រោងទុក។ លោក Lakhdarសង្ឃឹមថាព័ត៌មានជាក់លាក់អំពីកិច្ចប្រជុំនោះនឹងត្រូវប្រកាសឡើងក្នុងពេលឆាប់ៗនេះ។ ដោយ៖ តុលា
