រាជធានីភ្នំពេញ ៖ ស្ដ្រីម្នាក់ត្រូវបានរថយន្ដកុងតឺន័រ របស់ក្រុមហ៊ុន ផែស្ងួត តេងឡាយ កៀរឱ្យដួលហើយខ្ទាត
ចូលក្នុងក្រោម រថយន្ដ ត្រូវរថយន្ដកិនធ្លាយពោះវៀន ស្លាប់ភ្លាមៗ នៅនឹងកន្លែងកើតហេតុ កាលពីវេលាម៉ោង
៥ និង០៥ នាទីល្ងាច ថ្ងៃទី០៤ ខែមេសា ឆ្នាំ២០១៣ នៅតាមបណ្ដោយផ្លូវលេខ ៣៧១ ផ្លូវ ចូលវត្ដពោធិញាន
ក្នុងសង្កាត់បឹងទំពុន ខណ្ឌមានជ័យ។
ស្ដ្រីរងគ្រោះមានឈ្មោះ ឯម ស្រីនាថ អាយុ ៣០ឆ្នាំ ជាកម្មកររោងកាត់ដេរ ស្នាក់នៅ ភូមិព្រែកពង្រាច ឃុំព្រៃវែង
ស្រុកល្វាឯម ខេត្ដកណ្ដាល បានជិះម៉ូតូ ម៉ាកគុបជ្រុង ពណ៌ទឹកប៊ិច ពាក់ស្លាកលេខ ភ្នំពេញ១អាយ ០៩១២
ដែលមានឈ្មោះ ឆេង ស៊ីណាន ភេទប្រុស អាយុ ២២ឆ្នាំ ជាអ្នកឌុប។
ស្ដ្រីរងគ្រោះត្រូវបានរថយន្ដកុងតឺន័រ ផែស្ងួត តេងឡាយ កៀរឱ្យដួលហើយរថយន្ដកិនធ្លាយ ពោះវៀន ស្លាប់
ភ្លាមៗនៅនឹងកន្លែងកើត ហេតុ ហើយអ្នកបើកម៉ូតូ អត់មានរង របួសអ្វីទេ ។ អ្នកបើកបររថយន្ដបង្ក ឈ្មោះ សេង
លក្ខិណា ភេទប្រុស អាយុ ២៥ឆ្នាំ ស្នាក់នៅ ភូមិស្ទឹង ឃុំត្រញំងកង ស្រុកសំរោង ខេត្ដ កំពង់ស្ពឺ ក្រោយ
កើតហេតុ ត្រូវបាននគរបាលប៉ុស្ដិ៍បឹងទំពុន ដេញចាប់ស្ទាក់បាននៅ ចំណុចច្រមុះជ្រូកក្បាលថ្នល់ ៕
ប្រភព៖Khmernews.org