អង្គការកសិកម្ម និងអាហាររបស់អង្គការសហប្រជាជាតិបានចេញផ្សាយនូវសេចក្តីរាយការណ៍មួយរបស់ខ្លួន
កាលពីម្សិលមិញថាតម្លៃអាហារនៅទូទាំងពិភពលោកនឹងត្រូវឡើងថ្លៃដល់ទៅ៤០%ក្នុងរយៈពេលមួយទស
វត្សរ៍ទៀត(១០ឆ្នាំទៀត)។
តាមរបាយការណ៍ដដែលបានបង្ហាញថា បញ្ហាតម្លៃអាហារនៅទូទាំងពិភពលោកឡើងថ្លៃដល់ទៅ៤០%នេះ
គឺដោយសារតែផ្នែកផលិតកម្មកសិកម្មមានតម្លៃកើនឡើងហើយនៅតាមបណ្តាប្រទេសមួយចំនួនមិនសូវ
សម្បូរដីធ្វើកសិកម្ម ។ បញ្ហានេះហើយបានជាទាមទារឲ្យមានបច្ចេកវិទ្យាថ្មីៗលើវិស័យកសិកម្មនិងទំនាក់
ទំនងក្នុងវិស័យពាណិជ្ជកម្មពិភពលោកឲ្យបានរឹងមាំជាងមុនដើម្បីជួយដោះស្រាយបញ្ហាកង្វះអាហារនេះ។
អង្គការកសិកម្ម និងអាហាររបស់អង្គការសហប្រជាជាតិបានជំរុញឲ្យពិភពលោកត្រូវតែបង្កើនផលិតកម្ម
ខណៈដែលពិភពលោកនឹងប្រឈមជាមួយស្ថានភាពបែបនេះ។ ពិសេស ជម្រុញដោយយកចិត្តទុកដាក់
ដល់បណ្តាប្រទេសដែលផ្តោតលើវិស័យកសិកម្ម ដើម្បីផលិត អាហារបំពេញតម្រូវការទីផ្សារពិភពលោក ។
សូមបញ្ជាក់ថា កម្ពុជាក៏ជាប្រទេសមួយ ដែលមានប្រជាពលរដ្ឋប្រមាណជាង៨០ភាគរយ ជាកសិករ និង
ជាអ្នកផលិតអាហារដ៏សំខាន់មួយនៅលើទីផ្សារផងដែរ ។ ប៉ុន្តែប្រទេសមួយនេះនៅមានបញ្ហាប្រឈមជា
ច្រើនដែលទាមទារឲ្យមានការជួយជ្រុំជ្រែងពីបណ្តាអង្គការ ឬ បណ្តាប្រទេសជឿនលឿនដែលមានធន
ធានមនុស្សគ្រប់គ្រាន់ មានបច្ចេកទេសទំនើបៗ ជួយបណ្តុះបណ្តាលធនធានលើផ្នែកកសិកម្មនេះ ដើម្បីឆ្លើយតបទៅនឹងកង្វះអាហារ ឬ ក៏ជួយទប់ស្កាត់តម្លៃអាហារនៅលើពិភពលោកបានមួយផផ្នែក។
ប្រទេសកម្ពុជាមានផ្ទៃដីកសិកម្មជាច្រើនហិកតា ដែលនៅមិនទាន់បានប្រើប្រាស់ឲ្យអស់លទ្ធភាព ដោយ
សារកត្តាធនធានមនុស្ស បច្ចេកទេស ពូជ និងការប្រើប្រាស់ជី ។ ដូច្នេះកម្ពុជាពិតជាត្រូវការដៃគូរបរទេស
ដែលមានសមត្ថភាពអាចផលិតកម្មកសិកម្មដើម្បីនាំចេញទៅលក់នៅទីផ្សារអន្តរជាតិ និង បានជួយរួម
ចំណែកកាត់បន្ថយនូវការឡើងថ្លៃខ្ពស់នៃអាហារ ក្នុងរយៈពេលមួយទសវត្សរ៍ទៀតនោះ៕
ដោយ៖ សុវណ្ណរ័ត្ន