ភ្នំពេញ៖ រោងចក្រផលិតទឹកស្អាតនិរោធដែលចំណាយអស់ទឹកប្រាក់សរុបចំនួន៩០.៤០០.០០០ដុល្លារអាមេរិក
ត្រូវបានសម្ពោធដាក់ឲ្យប្រើប្រាស់ជាផ្លូវការនៅក្នុងថ្ងៃទី៤ ខែមិថុនា ឆ្នាំ២០១៣ នេះក្រោមអធិបតីភាពដ៏ខ្ពង់
ខ្ពស់របស់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ស្ថិតនៅក្នុង
សង្កាត់និរោធខណ្ឌមានជ័យរាជធានីភ្នំពេញ។ 
លោក ស៊ុយ សែម រដ្ឋមន្ត្រីក្រសួងឧស្សាហកម្មរ៉ែ និងថាមពល បានឲ្យដឹងថា៖បច្ចុប្បន្ននេះរោងចក្រផលិតទឹក
ស្អាតដែលកំពុងដំណើរការទាំង៣ នៅរាជធានីភ្នំពេញ គឺរោងចក្រផលិតទឹកស្អាត ជ្រោយចង្វារោងចក្រផលិត
ទឹកស្អាតភូមិព្រែក និងរោងចក្រផលិតទឹកស្អាត ចំការមន បានដំណើរការលើសពីសមត្ថភាពផលិតក្នុងការផ្គត់
ផ្គង់ទឹកស្អាតដល់ប្រជាជនចំនួនប្រមាណ១.២៣០.០០០នាក់។នៅពេលរោងចក្រផលិតទឹកស្អាតនិរោធដំណើរ
ការពេញសមត្ថភាពនោះសមត្ថភាពផលិតទឹកស្អាតរបស់រដ្ឋាករទឹកស្វយ័តភ្នំពេញនឹងកើនឡើងពី៣៣៦.០០
០ម៉ែត្រគូបក្នុង១ថ្ងៃទៅ៤៦៦.០០០ម៉ែត្រគូបក្នុង១ថ្ងៃ ដែលបរិមាណនេះអនុញ្ញាត ឲ្យរដ្ឋាករទឹកស្វយ័តក្រុងភ្នំ
ពេញអាចផ្គត់ផ្គង់ទឹកស្អាតដែលមានសុវត្ថិភាពដល់ប្រជាជនដែលរស់នៅទីក្រុងភ្នំពេញប្រមាណជាង១.៧០
០.០០០នាក់នៅបំណាច់ឆ្នាំ២០១៣។គម្រោងទឹកស្អាតនិរោធ គឺជាគម្រោងពង្រីកសមត្ថភាពផលិតទឹកស្អាតជា
លើកទី២បន្ទាប់ពីគម្រោងពង្រីកសមត្ថភាពផលិតទឹកស្អាត ជ្រោយចង្វាដំណាក់កាលទី២ និងត្រូវបានអនុវត្ត
ដោយសហហិរញ្ញប្បទានរបស់រដ្ឋាករទឹកស្វយ័តក្រុងភ្នំពេញ (PPWSA), ទីភ្នាក់ងារសហប្រតិបត្តិការអន្តរជាតិ
ជប៉ុន (JICA) និងទីភ្នាក់ងារបារាំងសំរាប់ការអភិវឌ្ឍ(AFD)។
គម្រោងនេះត្រូវបានគេរំពឹងថានឹងអាចផ្គត់ផ្គង់ទឹកស្អាតដែលមានសុវត្ថិភាពដល់ប្រជាជនតំបន់ប៉ែកខាងលិច
រាជធានីភ្នំពេញដែលជាតំបន់មានការពង្រីកនគរូបនីយកម្មនិងឧស្សាហកម្មយ៉ាងខ្លាំងនិងដល់ប្រជាជនដែល
រស់នៅក្នុងឃុំទាំង២៦ដែលបច្ចុប្បន្នត្រូវបានបញ្ចូលក្នុងរាជធានីភ្នំពេញព្រមទាំងដល់ប្រជាជនដែលរស់នៅ
ទីក្រុងតាខ្មៅ។
រោងចក្រផលិតទឹកស្អាតនិរោធបានចាប់ផ្តើមសាងសង់នៅក្នុងខែសីហា ឆ្នាំ២០១០និងបញ្ចប់រួចរាល់នៅខែមិថុ
នា ឆ្នាំ២០១៣ ។ គម្រោងនេះបានចំណាយអស់ទឹកប្រាក់សរុបចំនួន៩០.៤០០.០០០ដុល្លារអាមេរិកដែលក្នុង
នោះ៖មានប្រាក់កម្ចីហិរញ្ញប្បទានសហប្រតិបត្តិការអភិវឌ្ឍន៍ ផ្លូវការរបស់ជប៉ុន ប្រមាណជា៤០.៦០០.០០០ដុ
ល្លារអាមេរិកសំរាប់ការសាងសង់រោងចក្រផលិតទឹកស្អាតអាងស្តុកទឹកស្អាតស្ថានីយ៍បូមទឹកស្អាតបំពង់មេបញ្ចូ
នទឹកស្អាតបំពង់មេរងចែកចាយទឹក។ប្រាក់កម្ចីហិរញ្ញប្បទានពីទីភ្នាក់ងារបារាំងសំរាប់ការអភិវឌ្ឍ (AFD) សរុប
ចំនួន១៦.០០០.០០០អឺរ៉ូ(ប្រហែល២០.០០០.០០០ដុល្លារសហរដ្ឋអាមេរិក)សំរាប់ការសាងសង់ស្ថានីយ៍បូមទឹក
បំពង់មេបញ្ចូនទឹកឆៅបំពង់មេនិងមេរងសម្រាប់ចែកចាយទឹកនិងទីប្រឹក្សាបច្ចេកទេសគ្រប់គ្រងការសាងសង់
និងថវិកាបដិភាគរបស់រដ្ឋាករទឹកស្វយ័តក្រុងភ្នំពេញសរុបចំនួន២៩.៨០០.០០០ដុល្លារអាមេរិកសំរាប់ទិញដី
សាងសង់រោងចក្រភ្ជាប់ចរន្តអគ្គិសនីចំណាយសំរាប់សំណង់ស៊ីវិលនិងបង់ពន្ធអាករ៕សស្អាត