ប្រទេសអេហ្ស៊ីប៖ កាលពីថ្ងៃពុធម្សិលមិញ តុលាការនៅក្នុងប្រទេសអេហ្ស៊ីបបានកាត់ទោសមនុស្សចំនួន ២៦នាក់ អោយអោយជាប់ពន្ធនាគារអស់មួយជីជីវិតពីបទប៉ុនប៉ងធ្វើភារវកម្មមកលើនាវាមួយគ្រឿងនៅក្នុងទីក្រុង Suez។
អង្គចៅក្រមបានមានប្រសាសន៍ថា ជនជាប់ចោទទាំង ២៦នាក់ខាងលើនេះគឺត្រួវបានតុលាការនៅក្នុងប្រទេសអេ
ហ្ស៊ីបចោទប្រកាន់មួយករណីផ្សេងទៀតពីបទបង្កើតគ្រាប់មីស៊ីលនិងគ្រឿងផ្ទុះខុសច្បាប់។ មន្រ្តីប៉ូលីសបានមានប្រ
សាសន៍ប្រាប់អ្នកសារព័ត៌មានថា ការកាត់ទោសជនជាប់ចោទទាំង ២៦នាក់ខាងលើនេះគឺត្រួវបានធ្វើឡើង បន្ទាប់
ពីលោក នាយករដ្ឋមន្រ្តីថ្មីរបស់ប្រទេសអេហ្ស៊ីប Ibrahim Mahlab បានស្បថថា គាត់នឹងកំចាត់ពួកភារវកម្មនៅក្នុង
ប្រទេសនេះចោលអោយអស់។ សូមបញ្ជាក់ថា លោកនាយករដ្ឋមន្រ្តី Ibrahim Mahlab គឺត្រួវបានទទួលបន្ទុកក្នុង
ការបង្កើតរដ្ឋាភិបាលថ្មីនៅក្នុងប្រទេសអេហ្ស៊ីប បន្ទាប់ពីការលាលែងដ៏គួរអោយភ្ញាក់ផ្អើលមួយរបស់លោកនាយក
រដ្ឋមន្រ្តីបណ្តោះអាសន្ន Hazem Beblawi កាលពីថ្ងៃច័ន្ទកន្លងមក។ សូមបញ្ជាក់បន្ថែមទៀតថា លោកនាយក
រដ្ឋមន្រ្តី Hazem Beblawi គឺត្រួវបានតែងតាំងអោយធ្វើនាយករដ្ឋមន្រ្តីបណ្តោះអាសន្ននៅក្នុងខែកក្កដាឆ្នាំ ២០១៣ បន្ទាប់ពីលោកប្រធានាធិបតី Mohammed Morsi ត្រួវបានបណ្តេញចេញពីដំណែង៕ ដោយ៖ តុលា