ខេត្តកំពង់ចាមៈ គណៈប្រតិភូ ក្រុមការងារពង្រឹងមូលដ្ឋានខេត្តកំពង់ចាមនិងជាបេក្ខជនតំណាងរាស្ត្រមណ្ឌល
កំពង់ចាមជាច្រើនរូប កាលពីថ្ងៃទី០១ ខែមិថុនា ឆ្នាំ២០១៣ ដែលដឹកនាំដោយលោក វ៉េង សិរីវុឌ្ឍទេសរដ្ឋមន្ត្រី
ទទួលបន្ទុកបេសកកម្មពិសេសអមដំណើរដោយ លោក ទុំ សម្បុរ ប្រធានគណៈកម្មការប្រតិបត្តិ, លោក អ៊ុន
សុគន្ធ អនុប្រធានគណៈកម្មការប្រតិបត្តិខេត្ត និងជាប្រធានក្រុមការងារស្រុកកំពង់សៀម, លោក សូរ ណាត
ប្រធានក្រុមការងារស្រុកចម្ការលើ , លោក វ៉េង សុទ្ធវុធ អនុប្រធានក្រុមការងារស្រុកកំពង់សៀម,លោក ជិន
សុធា អនុប្រធានក្រុមការងារខេត្ត, លោក កូយ សុខារិទ្ធ ក្រុមការងារខេត្ត,លោក ស៊ឹម ស៊ូយុង អនុប្រធាន
ក្រុមការងារខេត្ត,សហជីវិន តឹក វាសនា អនុប្រធានក្រុមការងារខេត្តឯកឧត្តម ,ទឹម លាងឈឿន អនុប្រធាន
គណៈកម្មការប្រតិបត្តិខេត្ត និងសហជីវិនជាប្រធានគណៈកម្មការប្រតិបត្តិ ស្រុក និងឃុំ បានចុះទៅសំណេះ
សំណាលជាមួយប្រជាពលរដ្ឋជាង ៧០០នាក់ ក្នុងឃុំត្រពាំងព្រះ ស្រុកព្រៃឈរ ខេត្តកំពង់ចាម ។
ក្នុងឱកាសនោះ លោក ទុំ សម្បុរ បានថ្លែងអំណរគុណចំពោះសមាជិក-សមាជិកាទាំងអស់ដែលខិតខំចំណាយ
ពេលវេលាមកចូលរួមក្នុងពិធីសំណេះសំណាលនាថ្ងៃនេះ ។ លោកក៏បានបញ្ជាក់ថា គណបក្សហ្វ៊ុនស៊ិនប៉ិចជា
គណបក្សបង្រួបបង្រួមជាតិ ជាគណបក្សបង្កើតដោយស្នាព្រហស្ថ របស់អតីតព្រះមហាវិរក្សត្រ ព្រះបរមរតន
កោដ្ឋិ ដែលជាបិតាបង្រួបបង្រួមជាតិ ស្ថាបនា ជាតិ ។ កាលពីសម័យរាជានិយមក្រោមព្រះរាជកិច្ចរបស់សម្តេច
ឪ សម្តេចតា សម្តេចតាទួត នៃយើង ព្រះរាជាណាចក្រកម្ពុជា ជាម្ចាស់លើជោគវាសនារបស់ប្រទេស ប្រាក់ចំ
ណូលដែលបានមកគឺ បញ្ចូលឃ្លាំងរបស់រដ្ឋទាំងអស់ យើងផលិត នាំចេញ យើងបានប្រមូលរូបិយប័ណ្ណចូល
ស្រុក ប្រទេសយើងរីកចម្រើន ជាប្រទេសនាំចេញ ជាអ្នកលក់ យើងមានមុខមាត់ ។
លោកបន្តថា បច្ចុប្បន្នយើងជាអ្នកនាំចូល យើងប្រើប្រាស់របស់គេ ដូច្នេះហើយយើងត្រូវរួបរួមគ្នា សាមគ្គីគ្នា ឲ្យ
មានឯកភាពជាតិ ដើម្បីធ្វើឲ្យជាតិយើងមានមុខមានមាត់ ក្លាយជាផលិតករ ជាអ្នកលក់ដូចកាលពីសម័យសង្គ
មរាស្ត្រនិយមដែលដឹកនាំដោយព្រះមហាវីរក្សត្រ ព្រះបរមរតនកោដ្ឋ សម្តេចឪ សម្តេចតា សម្តេចតាទួតនយើង ។ លោកបញ្ជាក់ថា គណបក្សហ៊្វុនស៊ិនប៉ិច មិនយកខ្មែរណាជាសត្រូវឡើយ គណបក្សហ៊្វុនស៊ិនប៉ិចជាគណ
បក្សបង្រួបបង្រួមជាតិ គណបក្សផ្សះផ្សារជាតិ ការពារផលប្រយោជន៍រាស្ត្រ នាំមកនូវការអភិវឌ្ឍ ដូចដែលគណ
បក្សហ៊្វុនស៊ិនប៉ិចធ្លាប់បានធ្វើកន្លងមក កាលពីគណបក្សបានឈ្នះឆ្នោតកាលពីឆ្នាំ១៩៩៣កន្លងមក គឺយកគ្រប់
គណបក្សទាំងអស់មកចូលរួម ក្នុងរាជរដ្ឋាភិបាលដឹកនាំដោយគណបក្សហ៊្វុនស៊ិនប៉ិច ឲ្យតែគណបក្សនោះមាន
អាសនៈនៅក្នុងរដ្ឋសភា ។ គណបក្សហ៊្វុនស៊ិនប៉ិចជាគណបក្សទន់ភ្លន់ គណបក្សបង្រួបបង្រួម គឺជាគណបក្ស
ដែលប្រកាន់យកនូវ សីល សមាធិ និងបញ្ញា ដើម្បីដឹកនាំប្រទេសឲ្យមានភាពរីកចម្រើន ពលរដ្ឋមានការងារធ្វើ
ជីវភាពសមរម្យ ថ្លៃថ្នូ ។
លោកបានគូសបញ្ជាក់បន្ថែមថា គណបក្សហ៊្វុនស៊ិនប៉ិច បានរួមចំណែកយ៉ាងសំខាន់ក្នុងការអភិវឌ្ឍប្រទេស
ជាតិ មិនមែនដូចមជ្ឈដ្ឋានខ្លះ ចេះតែចោទប្រកាន់ថាគណបក្សហ៊្វុនស៊ិនប៉ិចមិនបានធ្វើអីនោះឡើយ ។សមិទ្ធ
ផលនានាដែល បានកើតឡើងក្នុងព្រះរាជាណាចក្រកម្ពុជា ជាភស្តុតាងបញ្ជាក់ថានេះសុទ្ធតែជាការរួមចំណែក
របស់គណបក្សហ៊្វុនស៊ិនប៉ិច គ្មានហ៊្វុនស៊ិនប៉ិច គឺគ្មានការបង្រួបបង្រួមជាតិ គ្មានការអភិវឌ្ឍ និងគ្មានសន្តិភាព
នោះឡើយ ។ ដូច្នេះសូមឲ្យបងប្អូនពិចារណា និងបោះឆ្នោតជូនគណបក្សហ៊្វុនស៊ិនប៉ិចដើម្បីកសាងសុខសន្តិ
ភាព ការបង្រួបបង្រួមជាតិ ការអភិវឌ្ឍប្រទេសជាតិ ឲ្យដូចកាលពីសម័យសង្គមរាស្ត្រនិយមដែលដឹកនាំដោយ
សម្តេចឪ សម្តេចតានៃយើងទាំងអស់គ្នា។ លោក ទុំ សម្បុរ ក៏បានពន្យល់អំពីគណបក្សហ៊្វុនស៊ិនប៉ិច ដែលបាន
សរសេរអក្សរកាត់ រ.រ.ជ.ក.ឯ.អ.ស.ស ជូនដល់អ្នកចូលរួមថា រ មកពីពាក្យថា រណសិរ្ស , រ មួយទៀតមកពីពាក្យ
ថា រួបរួមជាតិ , ជ មកពីពាក្យថា ជាតិ , ក មកពីពាក្យថា កម្ពុជា , ឯ មកពីពាក្យថា ឯករាជ្យ អ អព្យាក្រិត ប្រែមក
ថាមិនលំអៀង គឺដើរផ្លូវកណ្តាល , ស មកពីពាក្យថា សន្តិ គឺមិនមានសង្គ្រមរាំងជល់, និង ស មួយទៀតមកពី
ពាក្យថា សហប្រតិបត្តិការ ។
ដូច្នេះពាក្យ រ.រ.ជ.ក.ឯ.អ.ស.ស មានន័យថាយើងរួបរួមគ្នាជាជាតិកម្ពុជាតែមួយ យើងមានឯករាជ្យភាព មិនចំ
ណុះបរទេស មិនជាន់ក្រោមនឹមត្រួតត្រារបស់បរទេស ដែលជាបំណងរបស់គណបក្សហ៊្វុនស៊ិនប៉ិច គឺបណ្តេញ
បរទេសឈ្លានពាន ដើម្បីប្រទេសមានសុខសន្តិភាព គ្មានចម្បាំងរាំងជល់ និង គណបក្សធ្លាប់ធ្វើសហប្រតិបត្តិ
ការជាមួយគណបក្សខ្មែរដែលឈ្នះឆ្នោតទាំងអស់ក្នុងប្រទេសកម្ពុជា។ ជាមួយបរទេស យើងមិនចំណុះបរទេស
តែយើងមានកិច្ចសហប្រតិបត្តិការជាមួយប្រទេសក្នុងតំបន់ និងក្នុងសាកលលោកយើងប្រកាន់យកមាគ៌ាកណ្តា
លមិនលំអៀង មានន័យថាប្រទេសទាំងអស់ជាមិត្តរបស់កម្ពុជា ប្រទេសទាំងអស់គឺអាស្រ័យគ្នាទៅវិញទៅមក ។
ជាមួយគ្នានោះ លោក វ៉េង សិរីវឌ្ឍ ទេសរដ្ឋមន្រ្តី ក៏បានផ្តាំសួរសុខទុក្ខពីសម្តេច រាជបុត្រី ព្រះអនុជ នរោត្តម
អរុណរស្មី ប្រធានគណបក្ស ហ៊្វុនស៊ិនប៉ិច និងជាបេក្ខភាពលេខរៀងទី១ មណ្ឌលកំពង់ចាមជូនដល់ អ្នកចូលរួម
ទាំងដោយបានបញ្ជាក់យ៉ាងច្បាស់ថា សូមឲ្យប្រជាពលរដ្ឋទាំងអស់ប្រកាន់នូវធម៌ខន្តី ចេះអត់ធ្មត់ កុំបង្កជម្លោះ
រវាងខ្មែរនិងខ្មែរ កុំជេរគ្នា កុំគម្រាមកំហែងគ្នា ត្រូវនាំគ្នាមក ដោះស្រាយបញ្ហាដោយធម៌ត្រជាក់ ។ ខ្មែរបច្ចុប្បន្ន
លែងដឹងខុសត្រូវ មិនស្គាល់ច្បាប់ទម្លាប់ សូម្បីតែបងប្អូនបង្កើតក៏មិនចេះអត់ឳនឲ្យគ្នាដែរ គេលែងដឹងខុសត្រូវ
ដោយប្រកាន់យកឈ្នះរៀងៗខ្លួន ដែលទីបញ្ចប់គឺចាញ់ទាំងអស់គ្នា ដោយខ្មែរជាអ្នកចាញ់។ លោក បានសំណូ
មពរឲ្យអ្នកចូលរូមបោះឆ្នោតជូនគណបក្សហ៊្វុនស៊ិនប៉ិច មានលំដាប់លខរៀងទី២ ក្នុងសន្លឹកឆ្នោតនិងថ្វាយ
អំណាចជានាយករដ្ឋមន្ត្រីដល់សម្តេចប្រធាន ដើម្បីព្រះអង្គមានឳកាសបានផ្សះផ្សាជាតិ បង្រួបបង្រួមជាតិ
និងកសាងអភិវឌ្ឍប្រទេសបានរីកចម្រើនដូចប្រទេសនានាលើសាកលលោក៕ ស.ស្អាត