បាត់ដំបង៖ អគ្គិភ័យកំពុងឆាបឆេះផ្ទះប្រជាពលរដ្ឋមួយខ្នងយ៉ាងសន្ធោសន្ធៅនៅភូមិសូភី២សង្កាត់រតនៈក្រុង
បាត់ដំងងខេត្តបាត់ដំបងកាលពីវេលាម៉ោង១១និង៣០នាទីថ្ងៃទី៣ខែមិថុនាឆ្នាំ២០១៣នេះ។
ពលរដ្ឋអ្នកនៅជិតខាងបាននិយាយថានៅវេលាម៉ោងជាង១១ថ្ងៃត្រង់នោះគឺពួកគាត់កំពុងហូបបាយស្រាប់តែ
ធុំក្លិនឆ្ងៀមហើយងាកទៅមើលខាងក្រៅផ្ទះស្រាប់តែឃើញផ្សែងខ្មៅហុយឡើងលើមេឃនិងឃើញអណ្ដាត
ភ្លើងឆាបឆេះពេញទំហឹងតែម្ដង។នៅពេលភ្លើងឆាបឆេះនោះគឺមនុស្សម្នាភ័យព្រួយពីការឆេះរាលដាលដល់
ផ្ទះពួកគាត់រវល់តែរត់ទៅរកទឹកមកជួយពន្លត់ភ្លើងនិងជាស់ជញ្ជាំងផ្ទះខ្លួនឯងការពារកុំឲ្យភ្លើងឆេះរាលមក
។នៅក្នុងផ្ទះជនរងគ្រោះក៏ពុំទាន់ដឹងថាឆេះមកពីមូលហេតុអ្វីបង្កឲ្យកើតភ្លើងឆេះទេហើយមានមនុស្សម្នាក់
រងគ្រោះ។
ឡានទឹកពន្លត់អគ្គិភ័យប៉ូលិសខេត្តបាត់ដំបងចំនួន២គ្រឿងបានមកជួយបាញ់ទប់ស្កាត់និងពន្លត់កម្លាំងភ្លើង
ឆេះភ្លាមៗដែរប៉ុន្តែគេពុំទាន់ដឹងថាអាចជួយទប់ស្កាត់បានដែរឬអត់ ខណៈអណ្តាតភ្លើងកំពុងតែឆេះយ៉ាង
សន្ធោសន្ធៅនោះ៕ ស.ស្អាត